I'm in China~

今日同幾個同事上咗生產商嘅深圳廠房, 舉行一個兩日一夜嘅會議, 主要係硏究公司旗下一個產品, 可以下調成本嘅空間有幾多? 第一次自己搭火車上羅湖, 場面比想像中混亂, 好彩有同事 貓芙蓮 晌月台等埋我, 唔係實搵唔到集合地點。八點幾等齊人就上安排好嘅廠車, 再坐多成粒鐘先到, 地點係"龍華市"。十點半鐘準時開會, 因為唔想晒時間, 所以食晏都只留晌廠叫外賣, 我叫咗個"辣排骨蒸飯"套餐, 食物質素又比意料中好喎。之後就落咗生產線參觀成件產品嘅制作流程, 聽下講解影下相, 跟手就返上 office 繼續戰鬥。五點幾鐘有咗個大綱, 交低建議比廠跟進, 第二日先睇結果。散會之後坐埋廠車到酒店都只係六點, 一致決定齊齊休息一陣先食晚飯。由於唔識路, 為安全計大家乖乖留晌酒店嘅中菜廳醫肚就算, 無四圍走。中菜廳有兩層, 以食海鮮為主, 晌二樓開位之後可以落一樓睇辦訂菜。又真係好多款式, 鮑參翅肚有, 晚飯小菜都有, 全層放到自助餐一樣, 豐檢由人! 款式太多唔數喇, 遲啲睇相啦。食飽飽之後就返上房, 同女友傾陣電話, 再睇下電視睇下書, 出奇地十二點左右就訓咗喇!