DLS 波友聚會

下星期又有波友結婚喇, 今次對新人係"蕃薯公主"同"濂駙馬"。沿用上次嘅方式, 一班波友約咗尋晚(4/30)出嚟, 先打波、後晚飯、再派帖。其實近年已經好少同佢地打波, 一來要拍拖, 二來成日都 OT 時間就唔啱。佢地各自本身都有同其他街外朋友打, 又有參加比賽, 怕且尋晚最屎波都係我喇, 哈哈~! 由於耐無見, 成班傾到唔願走, 最後有人話要趕尾班地鐵先肯走。點知一樣趕唔切, 得返入籃田方向有車咋! 最後咪唯有先出旺角, 再轉通宵小巴囉!