又一對新人

今日係"蕃薯公主"同"濂駙馬"嘅大喜日子, 祝兩位恩恩愛愛, 白頭到老! 一對新人夜晚晌"映月樓"設宴, 球會佔成咗兩張半枱, 全晚話題離唔開下次輪到邊一對?! 哈哈, 數一數原來呢個球會都串合咗唔少情侶喎! 飲完仲有下場, 就係趕去會合女友同 雞肥 慶祝生日。星期六晚四圍都爆場, 好彩最後一刻搵到間環境唔錯嘅 cafe, 唔係 大編輯 隨時要晌公園同佢女友齊齊切雪糕蛋糕喇~ Hohoho!