悠閒的一天

之前幾個公眾假期都排滿晒約會, 所以今日決定唔約人, 悠悠閒閒過返日。訓醒覺之後, check email, 知道有客幫襯, 所以就上咗倉攞貨。之後再直接上女友屋企, 最近都好少下晝嘅時間上去, 所以女友決定親自下廚, 唔叫外賣。時間剛剛好, 入到去"蕃茄餐肉炒飯"已經煮好, 跟住一面撐枱腳一面睇 Madonna 演唱會, yeah! 到咗六點幾, 知道 董事長 同 董事長夫人 咁啱晌附近探朋友, 所以就約埋一齊食晚飯喇! 食完時間尚早, 再行吓 super market 先送女友返屋企, 之後再返埋自己屋企都唔駛十一點。相對平日乜都趕, 今日絕對悠閒啦~ XD