超迷你旅行團

由於聽日 book 唔到場, 所以呢個星期嘅週日網球聚會改咗今日。雖然天色幾好又無落雨, 但係天氣就非常之焗, 唔追波企晌道都會流汗, 成身癡立立。打完波沖返個靚涼之後去接女友, 再 join 返大家齊齊食晚飯。我地上咗朗豪坊食"魚米之家", 價錢食物 OK 啦。食完六條友仲一層一層慢慢咁行落七樓睇體育用品, 好耐無試過一班朋友行商場, 感覺好似去緊旅行... XDD。而呢班遊客最後一站係行返過火車站果邊間"石磨坊"食甜品, 之後就各自歸家喇!