咖啡鎮痛效果勝止痛藥

最新研究發現，晨早喝咖啡或可減輕運動後帶來的肌肉痛楚。一項研究顯示，喝兩杯咖啡，可以把運動後發生的肌肉痛楚程度減輕一半，而紓緩痛楚的效果更勝一般止痛藥。雅典的喬治亞大學研究人員對 九名大學女生進行測試。她們並不經常喝咖啡亦不會定期進行劇烈運動。研究人員讓她們連續三天接受模擬大腿運動，利用電擊刺激她們的大腿，令到大腿產生張力，而這種張力足以令她們在運動後一至兩天後產生肌肉痛楚。研究人員在她們接受模擬運動後的翌日及第三天，都讓她們在再次運動前一小時服食咖啡因丸或安慰劑。而她們及研究人員在她們每次服藥時，都不知道是服用咖啡因丸或安慰劑。服食的咖啡丸相當於兩杯咖啡的份量。結果發現，服用咖啡因丸後，她們都感到運動後帶來的肌肉痛楚減輕近一半。研究人員指出，對於經常喝咖啡或定期做運動者來說，咖啡因止痛的效果不大，只對於並非經常飲咖啡或並非經常做運動者的人士才奏效。

零壹貮柒的約會

廿七號晚約咗老朋友 SK 食飯, 一行七十多人包咗場, 由六點玩到十二點, 都咪話唔勁! 大約八點, 主角 SK 到步, 仲有啲發燒狀態唔係太好, 點知休息咗一陣之後就愈戰愈勇. 好難想像由剛到步時聲沙沙, 到後來開返晒聲 unplugged 唱歌零瑕疵! 咪見平時 SK 好似冷冰冰, 其實佢係外冷內熱, 只會對唔熟悉既人冷... 當佢認定你係朋友, 你會感受到另一個"真"既佢! 同一場合途中, 我諗起另一個一樣對我地好"真"既老朋友... 梅姐... 你好嗎?!

Studio Artcubator 開幕酒會

前兩日, 由女友幾個同學仔合資既一間畫室舉行開幕酒會, 原本應承七點半到賀, 點知美國同事 send 咗一大堆 file 過嚟, 最後趕到傻都要成九點先到步! 好彩各位藝術家都係夜鬼, 去到仲係人山人海, 陸續有朋友上緊嚟. 到咗十點幾, 主人家終於忍唔住開支特大紅酒大宴親朋, 好 free 咁坐低圍個圈放到一地食物, 一邊傾一邊食. 可惜女友住得遠, 我地傾到十一點幾就走先喇!

Studio Artcubator
Tel: 25566651
Email: artcubator@netvigator.com

旺角"福園"火鍋

廿五號既係晌旺角"福園"食火鍋(附圖). 裝修過之後, 食物環境比之前 ok 啦, 九點後一半以上既食品特價十二蚊碟, 可能本身價錢唔貴, 所以辣椒絲呀, 生熟蒜呀... 都要逐碟計, 十幾個人最後埋單我只係唔見咗一隻牛咁上下, 算好彩啦~ hehe!

董事長既小學同學聚會

剛剛既廿五號係我父母既結婚週年紀念日, 放工當然乖乖咁陪佢地食飯啦! 而食咩同叫邊位朋友由佢地自己話晒事, 唔理只係一家人或者叫親戚朋友, 只要佢地開心就得喇! 收工拖住女友到酒樓, 而迷底亦解開 - 係一圍啫(到之前幾驚佢地擺幾圍...董事長夫人有好多朋友架!) 最難估中係今年邀請既朋友係小學同學! 係呀, 即係佢地識咗四五十年既同學仔呀~ 勁呀! 最後當然係"結婚週年紀念飯局"變咗"小學同學聚會"啦... haha!

杜德偉 新作 -《迷途》MV

久違既 杜德偉 最新作品 -《迷途》
儘管一次又一次比香港既變態傳媒抺黑, 又如何? Alex 還不是晌台灣三立偶像劇【愛情經紀約】做其一線主角兼唱埋主題曲! 正當香港傳媒話佢又賣樓又比人飛, 將佢有咁衰寫咁衰既時候... 人地就晌台灣買樓, 去韓國開 show, 返大陸搵真銀, 開個簽名會都幾百人排隊! 香港傳媒??... 唉~ 算吧啦!

生活中的最佳時間

唸書的最佳時間
早上醒來頭腦一定會昏昏的，但去洗把臉後，就會清醒多了，這時也是頭腦最清醒的時候，而在此時唸書或是記東西都會比較容易喔！

鍛煉的最佳時間
傍晚時鍛鍊身體是最好的，因為人的各種活動都受〝生物鐘〞的影響，無論是身體的適應或體力的發揮都在下午近傍晚時分最佳，早上則反之，運動時的血壓和心率都較傍晚時高，對人體有害。

散步的最佳時間
在早晨的時候出去散散步是不錯的，因為早晨的空氣是最新鮮的，在散步時多呼吸些清新的空氣，不僅可以提神，對身體又很有幫助，但切記不要做劇烈運動喔！

吃水果的最佳時間
飯前一小時吃水果最有益，因為水果是生食，吃生食再吃熟食，體內就不會有白細胞增高的反應，有利於保護人體免疫系統，增強防病抗癌的能力。

飲茶的最佳時間
飯後立即喝茶不科學，因為飯後立即喝茶，茶葉中的鞣酸可與食物中的鐵結合成不溶的鐵鹽，降低鐵的吸收，時間長了容易誘發貧血，等飯後一小時，食物中的鐵質已基本吸收完畢，這時喝茶就不會影響鐵的吸收了。

減肥的最佳時間
飯後45分鐘。在二十分鐘內散步行程1600米，最有利於減肥。如過二小時後再散步二十分鐘，則減肥效果更佳。

洗澡的最佳時間
晚上臨睡前，洗一次溫水澡能讓全身的肌肉和關節放鬆，有助於安然入睡。

刷牙的最佳時間
應在每次進食事三分鐘內，因為飯後三分口腔內的細菌開始分解食物殘渣中的酸性物質，腐蝕溶解牙釉質。

護膚的最佳時間
人體皮膚的新陳代謝夜間十二時至凌晨六時最為旺盛，因此睡前護膚有促進和保護皮膚新陳代謝及保護皮膚健美的作用。

睡眠的最佳時間
午睡最好從午後一小時開始，這時身體感覺較遲鈍，很容易入睡。晚上則以十時至十一時上床最佳，因為人的深睡時間一般在夜裏十二時至淩晨三時，而人在睡後一個半小時進入深睡狀態。

我們的工作室

一個尚需要增加設施既小型工作室, 我女友既畢業作品即將由此誕生!

喜來登酒店 - 四星級飲食???

前兩日既星期五, 又係公司其中一個 vendor 請食年夜飯既時間. 今年已經係連續第三年晌 香港喜來登酒店(Sheraton Hotel) 中菜廳舉行, 但估唔到一間四星級酒店既食物水準會愈來愈差?! 查實我對上年既食物質素無乜印象, 但唔好味一定會記得既, 所以就當佢係還可以啦. 但係今年就肯定麻麻囉, 基本上由第一碟開始之後係一碟比一碟差... "翅仔味清淡, 魚蒸過時間; 無味炸子雞, 超硬糯米飯"! 雖然唔太好食, 但我既戰鬥力都清理得七七八八, 但最弊係我女友食完胃痛吖嘛!!

尖沙咀任食日式牛肉火鍋

前兩日, 朋友仔 肥蟹 補請小弟食生日飯, 經過一輪商議之後由佢發板, 去咗尖沙咀 九龍皇悅酒店 既兩小時任食日式牛肉火鍋. 地點係酒店二樓既"日本料亭". 雖然名為日式牛肉火鍋, 其實仲有好多其他日式食品任點任食, 例如: 壽司, 手卷, 串燒, 湯麵, 天婦羅... 等等. 以二百咁上下既價錢而言, 食物質素絕對唔錯; 牛肉食完會主動換一碟新既, 加湯加茶又會自動自覺, 環境裝修服務等都唔錯, 好過"大久保"同"天鳥居"等日式任食好多(附圖)!

兩隻蒼蠅的故事

古時候有個商人到遠方做買賣，用兩匹馬來拉貨物，當去到了一個斜坡時，兩匹馬拉得很辛苦。突然，有兩隻蒼蠅飛來了。蒼蠅A 說："喂！那兩匹馬那麼辛苦，我們去幫幫它們吧！"然後，兩隻蒼蠅便飛到那兩匹馬的耳朵旁、鼻子前，嗡嗡嗡嗡……那兩匹馬因拉車辛苦，加又有煩人的蒼蠅在飛來飛去，感到非常難受。最後，那兩匹馬終於爬上斜坡，鬆了一口氣。這時，兩隻蒼蠅也鬆了一口氣的說："啊！你看，我們幫了他們忙，我們也辛苦了。"
其實，那兩匹馬就是形容我們這些任勞任怨的員工。而那兩隻蒼蠅，就是我們的上司當我們已經忙到很痛苦的時候，我們的上司只會在我們身邊吵吵鬧鬧，不但沒減輕我們的負擔，反而嚴重影響我們工作的進度。最可惡的是，他們還會以為自己貢獻很多！！

*咁各位身邊又有幾多隻蒼蠅呢?

何韻詩 - We Stand As One (CD Single)

光明會 x1 + 光明會 REMIX x4 + 嘆息橋 x1 = "We Stand As One" CD SINGLE(精裝限量慶功版)

第一日見到 HoCC 隻碟賣成五十蚊, 的確令我有少少卻步... 但相信此時此刻放膽用呢種形式出唱片既歌手同唱片公司確實唔多. "光明會"佔五個版本, 而每個版本都有截然不同既風格同重新灌錄VOCAL, 總算有少少誠意! 新歌"嘆息橋"(Ponte dei Sospiri), 再一次係 HoCC 作曲 + Wyman 寫詞既組合, 整體感覺不錯!

推介: 光明會 (Hobing Mix) , 嘆息橋

Panasonic DMC-FX07

• 28mm超廣角 3.6x 光學變焦 LEICA DC VARIO-ELMARIT 鏡頭 (相等於傳統35mm相機之28-102mm焦距)
  
• MEGA O.I.S. 光學防手震功能


• 720萬有效像素CCD
  
• 『至醒』ISO功能，高感光度模式更可達ISO 3200
  
• 16:9 Wide VGA及VGA格式有聲短片 (每秒30格)


• 全新Venus Engine III 影像處理系統，於高ISO時有效減低影像雜訊
  
• 2.5吋超高解像LCD顯示屏，Power LCD顯示功能
  4倍數碼變焦


• ISO 自動/100/200/400/800/1250
  
• 18種場景模或式及微距模式，方便拍攝
  
• 高角度LCD功能，由低角度仰望LCD時能清晰顯示
  
• 最高5.5倍超級光學變焦(於300萬像素時)
  
• 對應SDHC 4GB SD 記憶咭*
  
• 模式旋鈕，18種場景模或式及微距模式，方便拍攝
  
• 0.005秒快門釋放時滯
  
• 每秒2幅高解像相片無限連環快拍，另備每秒3幅高解像相片連環快拍模式
  
• 9點，3點及1點自動對焦，備有輔助對焦燈
  
• 一次充電，可拍攝約320幅相片
  
• 重量：132克 (不包括電池及SD咭)
  
• 日本製造

*點解無端端要介紹呢部相機? Haha~ 因為我今日買咗囉!

全港首間汽車影院於"西九"試業

觀眾可以坐享25米闊、14米高的全港最大電影銀幕，仲可以被免因為其他觀眾進食或講電話的聲音騷擾 － 以上各項正係試業中，全港首間汽車影院「Drive-in」既賣點。汽車影院位於西九龍填海區附近，一個最多可容納500部車，面積達50萬平方呎既停車場。各車主可安坐車中欣賞特大投射銀幕，並利用車中音響接收音效。 無車？唔緊要，因為戲院內提供咗6部古董車提供無車觀眾欣賞電影，每位收費50元。有車觀眾「1車1人」收費100，「1車2人」則 150元。目前電影市道低迷，仍然放膽投資近千萬元來做汽車影院，勇敢！院方初步預計入座率會逾三成，仲表示希望身處擠迫環境既港人，可以享受一下「浪漫、爆谷以及星空」。

《求證》

尋日陪女友睇咗一場話劇《求證》, 四個演員由頭到尾演足兩個半小時但毫無冷場, 讚! 雖然電影版我無睇過, 但我相信話劇版本會更原汁原味。劇場以國語(普通話)演出, 可能係台式國語關係, 出奇地唔睇字幕都聽到台詞既八成左右喎! 但全晚最令人不悅既, 係有個無品既觀眾入場前唔處理好個手電, 仲要晌最後十分鐘左右狂晌不停... 即時令到過半場觀眾晌漆黑中怒目相向... 點解到今時今日都仲唔識得入場前轉震機呢?!

香港文化中心劇場
2007 年 1 月 12 至 14 日（ 星期五至日 ）晚上 7 時 45 分
2007 年 1 月 13 日（ 星期六 ）下午 3 時
$200, 140 普通話演出．中英文字幕


節目介紹
美國劇作家大衛．奧本（David Auburn）的東尼獎及普立茲獎得獎劇本，由台灣劇場一流演技派演員主演，在台灣廣受藝文界及學術界好評。

故事講述凱薩琳的父親是個罹患精神病的天才數學家。為了照顧父親，凱薩琳放棄學業，生活在封閉的世界裡。父親死後，姊姊認為凱薩琳遺傳了父親的瘋狂，堅持要帶她離開。而因整理老師手稿與凱薩琳相戀的霍爾，不相信紀錄着驚人數學新論的筆記是出自凱薩琳之手，面對兩人的質疑，凱薩琳將如何證明自己？

劇本於二○○五年被拍成電影《情來．算盡愛》，由奧斯卡金像獎影帝安東尼鶴健士及影后桂莉芙柏德露主演。

劇團簡介
傳說凡見過極地裡難得出現的綠光，都會獲得幸福。綠光劇團期待看完戲的觀眾，都能感到幸福與希望。劇團一九九三年成立，早期創作多齣中文音樂劇，燃點起台灣音樂劇熱潮；代表作《領帶與高跟鞋》、《都是當兵惹的禍》及《結婚？結婚！－辦桌》，打破多項售票及演出紀錄，足跡踏至紐約及北京。二○○○年起製作《人間條件》系列，直切人性，溫暖人心。近年引進當代世界劇壇創意新作的「世界劇場」系列，深受好評；《求證》為其中代表作。
網址： http://www.greenray.com.tw/

新 Blog 誌慶

歡迎光臨"占美樂園", 最新網誌將於不日上載...

Thanks for your visit!