"童夢戲劇匯演"

難得星期日唔打波, 一於陪 董事長 同 董事長夫人 飲下午茶。下午茶真係平好多架, 又叫粉麵又叫點心又叫燒味, 連埋茶錢四個人都只係一百蚊左右。之後分道揚標, 佢地拍拖行街街, 我就同女友上倉補貨比客。夜晚就入咗沙田大會堂睇"童夢戲劇匯演"。個節目係四個短劇組成, 由四間唔同嘅中小學演出。而其中一個劇由女友妹妹負責編劇同導演, 所以伯母帶同十多個親友奉場。完場後剩低一行七人去食飯, 食飽飽之後我就先送女友同伯母去搭車, 跟住自己至閃。時間唔覺唔覺咁過, 返到屋企己經十一點幾喇!