尖沙咀"金都"

見好耐無行過百利商場, 今日收工就過去行吓。去到見到都嚇一跳, 同當年興盛時期比較真係差好遠, 個場差不多一半係"吉"舖。而最驚奇嘅係, 現存嘅舖頭最少有一半係同結婚有關嘅, 有租婚紗、做禮服、做晚裝、攝錄、訂花球、贈品... 等等, 變咗迷你"金都商場"?! 今日都有件事鬆一口氣, 就係份MC稿。正當我同女司儀頭痕緊點樣執靚份初稿嘅時候, 大佬自動報到, 更送上MC稿一份! 睇完正正就係我地需要嘅指引, 講得嘅資料一目了然。家陣女司儀執緊稿, 聽日再聯絡吓先!