除夕晚餐

每年除夕都出街一班朋友齊齊倒數，今年決定反樸歸真過吓二人世界。公司放早，五點幾已經同 老闆娘 响街市買緊餸，六點幾就返到屋企準備。除夕晚餐有 磨姑忌廉湯、牛油焗薯、澳洲牛排拼雞骨賜、黑白紫三色雪糕。兩個人兩隻狗，四對眼齊齊睇住煙花直播迎接 2009 年！

今夜只因您08 - Anita Mui 紀念晚會

夜遊工展會

上年尾勁忙無去到工展會，所以今年預留一晚去掃貨。七點左右到場，買咗個小食打定底就正式開始。大戰兩個鐘之後，兩個人四個大袋，用咗唔駛一千蚊。可能平日晚關係，人數比意料中少，地方唔太迫。不過唔係每間舖都真係比街外平，如果想去掃貨嘅記得睇清楚先買喇！

她的一生 - Anita's Fan

曲、詞、唱：Patrick Jee　編 : A-Day @ Day

她　一生太崎嶇　仍可努力面對　眼未流過淚
她　從不肯吐苦水　夢想縱被粉碎　仍不怕風雨吹
就算她　得不到鼓掌　仍可快樂的唱　震撼和漂亮

她　跟她的歌聲跟風聲協奏
她　跟她的身影飄泊於四周
她　跟她那戰友默然地戰鬥　未曾認命地說回頭
她的一生不屈不撓的奮鬥　身心多少傷口也未退後
一雙手 創出所有
(今天今天今天星閃閃 想起聽她聽她的每天
今天今天今天星閃閃 想起聽她聽她的每天)

當天　她終得到金獎　憑歌努力的唱　變了別人偶像
縱使她　贏得世界欣賞　身邊卻沒找到　一位知己去分享
她經得起多少滄桑的退變　多少真心痴心一一都化煙
一生相信友愛便能達永遠　未忘　義氣在前
一生幾多得失通通不計算　只想等這一天世界美善
憑她捐獻　已被加冕

她的悲哀傷心都消失遠去
她心境本應可清得似水
可惜她那摯友突然沒說半句　便離去　令她心碎
她的光輝一生匆匆的過去　披起婚紗的她 於堡壘
揮揮手 微笑別去
(今天今天今天星閃閃 想起聽她聽她的每天)
她一生 誰延續下去
(今天今天今天星閃閃 想起聽她聽她的每天)

請進入「芳心薈 Mui Nation」網頁試聽---> HERE

梅姐... miss you much!

聖誕 DLS 聚會

今晚 老闆娘 有得"飲"，我就約咗 DLS 班嘩鬼聯誼。十幾個人食乜好？咪又係打邊爐囉，貪佢食幾個鐘都無問題嘛。不過呢班友仔實在太嘈喇，嘈到後面房班醉酒佬拍牆，好彩最後都無開拖。又係玩交換完禮物，完場時間啱啱好，可以順路接埋 老闆娘 返屋企。

聖誕 BBQ Party

今日係 House warning+舊同學聚會。徇眾要求响天台開 BBQ party，仲勁播九十年代嘅歌，攪笑。今次 老闆娘 除自製蘋果沙律外，仲試埋炭燒銀雪魚，yummy！食飽飽之後交換禮物，影埋相已經成十一點幾，唯有散場！

聖誕火鍋

訓醒覺搵 董事長夫婦 飲茶，兼送聖誕禮物。隨後約咗 熊貓權 慶祝，先揸車入大埔掃貨，再車我地返屋企攞交換用嘅禮物。今日個火鍋試用‵咗蕃茄湯底，十分好味。四個人慢慢食慢慢傾，再睇埋碟，散場時已經係 boxing day。

平安夜派對

今日連踩兩個 X'mas Party。第一個係公司攪嘅，叫咗兩間唔同嘅到會响 Studio 攪。餘慶係交換禮物同抽獎，一如往年乜抽唔中。夜晚同部份新舊同事响加太賀訂咗間房，大家攜眷再嚟一個私人派對，再一次交換禮物。完場後換地方再食一轉甜品，跟手坐 美腿叔叔 車入咗大埔轉火車。

2008 Merry Christmas!

Dear Reader, 

Merry X'mas! 

Best Wishes,

JimmyPlayground

少年維特 - 何韻詩

作/編曲：陳奐仁 + 何秉舜@goomusic 　填詞：黃偉文
監製：陳奐仁 for The Invisible Men / 何秉舜@goomusic / hocc@goomusic

怎麼得我一個煩惱　命運像殘酷旅途
在校內交不到朋友　在網上嬴不到武士袍
怎麼給我這對父母　鬧鬧鬧還話我嘈
別人十三初試甜吻　但現在連初戀也並無
只能　自卑兼憤怒

恨我不能擁有個地牢　誰也不必理會最好
你為何話我　常在鏡前投訴
溫室裡長高　從來無能力　殺出新血路
難題是我所製造

你為何話這　純屬少年煩惱
不知我已經　絕望得比你早

波打輸了　考試來了　又用盡零用錢了
瘡瘡多了　家要回了　外貌又無波比那樣潮
珍藏　漫畫遭棄掉
沒有一人相信我寂寥　誰也冤枉我在撒嬌

你為何話我　常在鏡前投訴
溫室裡長高　從來無能力　殺出新血路
難題是我所製造
你為何話這　純屬少年煩惱
不知我已經　絕望得比你早

你為何話我　常在鏡前投訴
溫室裡長高　從來無能力　殺出新血路
難題是我所製造
你為何話這　純屬少年煩惱
即使你早知　人明天非更好

Faithfully VS Unexpected

年尾各唱片公司都趕標尾會，CD 出完一隻又一隻，對於我地呢群支持正版嘅樂迷就大出血喇。今日就買咗 梅姐 嘅"Faithfully (3CD+DVD)"同SK 嘅"UNEXPECTED Shirley Kwan in Concert 2008 - Live 2CD". 前者外表包裝精美，但內裡求其馬虎... 月曆左右掉轉咗釘裝 cut 到晒啲相同歌名，隻 DVD 部份片段又剪接到不倫不類，失望！後者比預期中好，但部份歌目不翼而飛，希望出 DVD 時會收錄返啦！

離家出走

尋晚有大事發生... 話說 Zero 唔聽話四處小便同亂咬家傢俬雜物，老闆娘 一怒之下趕隻衰仔出門口。起初隻衰仔都驚到唔敢行，但大半個鐘頭之後就開始作反，响村裡面追貓追狗四團跑... 雖然每次叫佢都會即時走返嚟比我見到佢，但係直至半夜三點幾都多次過門不入，最後我唯有狠下心腸關門早抖！好彩如我所料，起身出露台已經有佢蹤影... 老闆娘 即時飛撲落樓大喝一聲，之後佢就死狗咁返入屋... 事後諗返，如果起身真係唔見咗佢點算好呢？大家都好有可能會後悔喎，好彩家陣無事咋！

Faithfully (3CD+DVD) (限量豪華套裝)

梅艷芳 (Anita Mui) 不滅光芒 萬世留芳!
紀念 Anita 踏足舞台26年及逝世5週年
東亞華星 2008 經典重燃

3CD 收錄45首 ANITA 歷年得獎金曲及經典代表作:-
似水流年 / 壞女孩 / 夢伴 / 胭脂扣 / 夕陽之歌 / 孤身走我路
/ 珍惜再會時 / 一舞傾情 / 情歸何處 / FAITHFULLY...等
及 經典 / 罕見電影主題曲:-
緣份 / 似是故人來 / 何日 / 女人心 / 夜香港 (電影《奇蹟》插曲)...等

DVD 收錄 ANITA 歌唱生涯中15個重要片段及演出, 包括:-
新秀歌唱大賽得獎歌曲: 風的季節
樂壇至高殊榮-金針獎之經典國語金曲匯串/ 鑽石偶像大獎
無線電視及香港電台等...多個精彩演出

紅酒牛柳炒烏冬

哈哈，今晚剩係掛住食，唔記得摷塊牛柳出嚟先影相添。

The Ten Days of Christmas

由2008年12月16日至2009年1月4日於海港城舉行何韻詩慈善基金《The Ten Days Of Christmas》展覽。今次展覽將引領大家進入不同的空間經歷十個不同的主題。同時會展出一些精神病患者的作品，希望大家從不同的角度去了解精神病者的世界，並喚起大家對弱勢社群的關注。
詳情可到網址：www.harbourcity.com.hk

破壞王實錄

以下圖片不適合兒童觀看及模仿。

青紅蘿白豬骨湯

青紅蘿白豬骨湯 係其中一個"賣飛佛"嘅湯，暴光律一向偏高。但自從 董事長夫婦 知道兩隻衰狗鍾意食之後，差不多變成咗例湯一樣。

廣深公路 - 黃耀明

作/編曲：梁基爵 @人山人海
填詞：周耀輝　監製：黃耀明．梁基爵@人山人海

能望到
最遠那個邊界亦能望到
最近這裡總有一個笑容
如面前有你照片中　穿梭公路中

能遇到
最遠那個災劫亦能遇到
最近這裡總有一剎胃痛
命運像大貨車竟天天操縱
路上做一個半個美夢
和你某天開舖

穿過千個荒野還未到
兜過千個方向還未到
親愛的　如時代冷酷
也要去上路　如前面有路
衝過千里千里還未老
只要想見的你還未老
向著你　再遠也去得到
很多稀罕的　將得到

要上路
疲倦到　最遠那個家也懷疑就到
最近這裡總有一切國度
會去到　如前面有路
穿過千個鄉鎮還未到
兜過千個交界還未到
親愛的　如時代冷酷
也要去上路　如前面有路

衝過千里千里還未老
只要想見的你還未老
向著你　再遠也去得到
很多稀罕的　將得到
在想的　想得到
在趕的　趕得到
在上路

能望到
最遠那個安慰亦能望到
最近這裡總有一對眼紅
如抬頭看看破天空
廣深公路中　撐得到
一些小幸福　可得到

鹽焗雞翼菜飯

Ten Days In The Madhouse

已經知道今個月最小有四張 CD 會買，荷包將大出血。第一張係今日買嘅 HoCC "Ten Days In The Madhouse"，大碟以精神病為主題，細閱歌詞你就會感受到當中嘅誠意。套用悲劇英雄懞面超人簡直神來之筆，熟悉漫畫特攝嘅人一定有共鳴。全碟最愛「美空雲雀」-"同病抱擁，扶持上進，天下為公，靠攜手相信"-大家做得到嘛？!

柔王丸 & 櫻姬

今日喺日本玩具網站見到兩個期待已久嘅玩具，就係其中一套我好鍾意嘅漫畫「模型神童三四郎」嘅主角機械人 - 柔王丸 & 櫻姬。一向漫畫版所出嘅產品都係首版模型為主，要自己上色同砌餐死，重要款款價錢過千，點買得落手？而家只要三百蚊左右就有一對多色成形全關節可動嘅 柔王丸 & 櫻姬，仲想點？當然，如果顏色可以跟足漫畫設定就更開心啦！

芝士賜粉絲菜粒炒紅米飯

係咪有少少熟口面哩？其實係上星期另一款粉絲炒飯嘅進化版，今次加咗芝士腸，味道又真係啲有分別。

梅菜蒸肉餅飯

UNEXPECTED Shirley Kwan in Concert 2008 - Live 2CD

等咗半年終於推出有期，聖誕禮物又多一個選擇。照現有 song list睇，又有七首歌 unexpected 唔見咗，又係版權關係？!

咖哩雞縲絲粉

咖哩雞縲絲粉... 做節後嘅副產品，仲記唔記得果一鍋特大咖哩雞翼同白切雞呢?

美空雲雀 - 何韻詩

作/編曲：陳奐仁 + hobing@goomusic
填詞：黃偉文

誰那間套房　能永不透光
來鑽一線光給你　如你准我幫
同看一片天　同處一個房
人世間裡　不只你　不只我
等釋放　等解放
發著狂　發著狂　仰望

看著藍天空　穿了一個洞
有誰還可以　信奉
同病抱擁　扶持上進
天下為公　靠攜手相信

還有一殼水　還有一塊糖
還有一個關心你　還有一線光
鄰隔一塊板　同你一個房
還有一眾　一千個　一億個
不只你　不只我
撐著場　咬著牙　渴望
看著藍天空　穿了一個洞
有人還可以　信奉

要是人心中　穿了一個洞
你如何衝過　惡夢
門別再封　閒人勿進
想像晴空　有雲雀相送

嘰嘰婚宴

今日係 嘰嘰 嘅大喜日子，恭喜恭喜。打完波專程返屋企換衫，原先想等埋 大編輯，但佢响大陸趕唔倒返嚟，唯有一支公出席。玩具迷嘅結婚紀念品當然係玩具，超限定 Be@rbrick 當晚已經派晒比嘉賓，有無人想收購？XDDD

提早做節

今日飛鷹基地非常熱鬧，八個大人、一個細路、再加兩隻傻狗通屋走。間屋夠大真係有好處，咁多人都唔覺迫。董事長 同 卓言仔 追住兩隻傻狗跑上跑落、董事長夫人 就捉住兩個新抱响廚房指手劃腳、二少 同 私人助理 就响基地倉庫尋寶、我就當然要睇住個場全屋四圍走啦！全日嘅重頭戲就係 老闆娘 第一次煮八個人嘅飯喇，連外母都專程過嚟食。

今夜只因您 08'

當天下午兩點開始，歌迷會 會在九龍塘省善真堂拜祭 Anita，大家隨時可前來向 Anita 致意。到了晚上，歌迷會 會舉行齋宴及悼念晚會。

齋宴
時間：7:00 pm
地點：省善真堂 (九龍塘律倫街7-8號)

Anita 悼念晚會
地點 ：律倫街兒童遊樂場 (省善真堂旁)
時間 ：8:00 – 9:00 pm
費用 ：免費開放予公眾人士參加


如有任何查詢請聯絡歌迷會.
25562695 / amifc1985@yahoo.com.hk
歌迷會會址 – 香港北角電氣道148號10樓1003室

雜菜粉絲蟹柳炒紅米飯

今日午餐係 雜菜粉絲蟹柳炒紅米飯... 如果唔加蟹柳，咪即係齋炒飯? 估唔到咁清哩!

破壞王 - 零狗

唯一的明星 - 異人

當我見到天上星星　總會想起妳
總會記得當年妳的臉
曾令我遠比星星笑得多
可惜天要我們痛惜別　世事嘆奈何
今妳遠走星河暗淡
懷念妳在這星空　照耀過

妳是我銀河星星　讓我默默愛過
散盡那柔柔光輝　盡解心裡鎖

此際見到光明星星　心裏想　想起妳
倘若有天星河燦爛
唯獨妳在我心中熾熱過　

*送給親愛的 梅姐，梅艷芳

 (OT: 明星)

開心炸彈

年尾連環收到開心炸彈，今晚又爆一個。Chung，Happy Wedding! ^_^

親戚與魚

原先以為今個星期六可以訓晏少少叉吓電，所以熄晒電話。點知好夢正甜之際門鐘響起...原來有親戚路過想家訪。最後知道我地剛剛起身，只好改去飲茶。極速裝身之後趕去酒樓，坐咗半粒鐘寒喧一翻，代價盛惠三條紅衫魚... @_@

貓狗紙戰

將一隻貓、一隻狗、一卷紙放响一間吉屋幾個鐘頭，混戰過後就會得到以下嘅結果。戰事嘅遺蹟遍佈一樓、二樓同梯間，花咗大半個鐘先勉強將地方還原。呀！唔記得講......其實事發地點係.......外母屋企。

粟米芝士蜆穀粉

成十點先返到屋企，好彩唔駛等就有得食。不過呢碟粟米芝士蜆穀粉真係勁大碟，連我都差啲食唔晒！

星加坡臘腸

又係返老家開餐嘅時候。例牌菜魚同蝦之外，比較特別嘅餸就係我地响星加坡買返嚟嘅臘腸，個質感比香港臘腸實淨，都幾好味！

青山黛瑪 - 何韻詩

作/編曲：陳奐仁 + hobing@goomusic
填詞：黃偉文

你是有病的所以被寵愛
留住半邊青山因你在
你讓世上幾多哲學家自信不再
捉摸不到你大概

人類意難平的一切問題　你都一笑避開
世間太傻而你是天才
旁人話你悲哀　不過在你眼中清醒 才悲哀　繁忙才悲哀
常人難道比瘋子更可愛

如何能像你安居這套房
尋回被拒於知識之外那點光
旁人全部也一本通書向前看
怎麼不敢倒放

你是絕美的不過未釋放
囚在最荒的島不靠岸
博士及智者給發明品　自我安葬
簡單的你卻在看

人類以為強於拯救地球 卻總摸錯地方
良善的光 在彼方
唯有你　才能開荒

好想學你安居這套房
逃離大氣氛想得複雜那不安
旁人全部也一本通書向前看
青山之花不再怒放

如何能像你安居這套房
尋回被拒於知識之外那點光
旁人全部也一本通書向前看
青山之花不再怒放

青山之花想再

咖哩牛𦟌雞翼紅米飯

個名已經寫晒所有材料出嚟，可以一提就係巨峰提子乾好入味！

維港海旁飯局

等咗成個月終於排到同 Tennis team 食生日飯喇，無計，個個都係大忙人，想要約齊人都唔容易。今晚一行十一人，地點係天星碼頭旁邊嘅一間泰式燒烤酒吧，一面食一面對無敵維港夜景，正！

私房火鍋

又係生日飯聚嘅時候，今晚輪到 熊貓拳。專程去西貢買海鮮之餘，重揸車到九展接我地去買餸，出錢出力又出地方。果然係好兄弟。

傳統粥店

天氣時冷時熱最易中招，見有少少作病，今晚就清清地食粥。去到官涌幫襯傳統粥店，雖然款式比較少，但勝在味道好嘛！

老家晚飯

成大半個月無返老家開飯，見今晚趕得到，當然返去開餐啦！

旅行相簿

終於都將大部份嘅旅行相 upload 咗上 facebook，已經 add 咗我地嘅朋友歡迎過去睇下相。今日 老闆娘 放假，做下家務掃下花園已經大半日。之後又帶咗 當奴 同 小白 去睇醫生，估唔到仲夠時間煮晚飯喎，厲害! (附送 Zero 近照一張)

我們的歌 - 王力宏

詞:王力宏/陳信延　曲/編曲:王力宏

已經聽了一百遍　怎麼聽都不會倦
從白天唱到黑夜　你一直在身邊(一直在身邊)
如果世界太危險　只有音樂最安全
帶著我進夢裡面　讓歌詞都實現

無論是開心還是難過　我的愛一直不變
不必擔心時間流世代走一切
無論是 hip hop 還是搖滾　我的愛一直不變
所有美好回憶紀錄在裡面
這種 forever love 那麼深　我們的歌那麼真
無國界跨時代　再也不會叫我 kiss goodbye
要每一句能夠動人心弦　YEAH~~

情人總分分合合
可是我們卻越愛越深
認識你讓我的幸福如此悅耳
能不能不要切歌　繼續唱我們的歌
讓感動一輩子都記得

WE WUV WARHOL Exhibition

收到風有個 Andy Warhol Exhibition，仲要展出真跡，所以打完波食少少嘢就趕咗過去 W Hotel 睇展。今次個展覽接受即場認購，作品價錢由幾萬至幾十萬一張都有，展品數量唔多，但係都好吸引。不可不提係間酒店，裝修擺設有型有格，搵次同班 friend 去飲下嘢都唔錯 !

海洋公園半天遊

董事長 放大假，一早約定今日家族大旅行兼補祝佢生日... 可惜 董事長夫人 三心兩意，最後由坐飛機變坐火車變坐船變坐纜車。已經唔記得上一次到海洋公園係幾多年前嘅事，不過肯定當時未有"大熊貓園"同"水母館"。"大熊貓園"果四隻熊貓都唔多會郁，我地見到佢翻咗幾下身原來已經好有眼福 ! "水母館"同"海洋館"的而且確係幾靚，但有部份同場嘅遊客唔知係文盲定係撞聾，唔理告示不斷用閃光燈影相，真係非常討厭。

花園飯局

Holiday mood 未完，繼續同朋友生日飯聚，今晚輪到 八掛公。星期五晚 MK 人山人海，等位都等咗大半粒鐘，最後放棄轉到花園餐廳就算。原本係佢請架，不過見佢一請二咁慘，就放咗佢一馬啦！ XDDD

即慶飯局

打電話比 大編輯 通知佢部手提電腦不藥而愈，時間許可就不如即晚飯局兼交收。上去 金都 攞完相就過 MK 會合，再到 食為先 開餐。最抵死係臨走時，大編輯 發覺自己超磅，問可唔可以唔攞部電腦走...@_@? 當然可以啦，不過麻煩佢下次去我屋企時先攞返囉！

腸蛋韓國公仔麵

連續十幾日都响街外食，今晚決定小休一晚，返屋企食公仔麵，舒舒服服睇下電視。

地震過後

公司大地震震到上新聞，今日不約而同收到多位兄弟嘅電話問安，多謝各位 brother 咁有心！風暴暫時擦身而過，但係 cut 咗人手之後難免會多嘢做。今晚為例，原先以為最遲八點可以鬆人，但做做下見唔多對路，索性叫 老闆娘 到附近齊齊食飯，最後 OT 到成十一點先坐可以坐的士返屋企。

開工大吉

各方好友，我地從陽光與海灘中返來喇！多謝各位透過 SMS, MSN, Facebook... 等等嘅生日祝福，我地全部收到晒，thank you！多謝秘書姐姐等我返來先開十一月同事嘅生日派對，等我又有生日蛋糕食！仲有多謝 豬豬 今晚請我地食生日飯(雖然我好眼訓~ XDDD)。旅行資料同相片整理好之後會補返上 Blog，遲少少再上嚟睇啦。 

＊公司上星期十級地震，希望個市快啲穩定唔好有餘震啦！

董事長 生日快樂！

Birthday Dinner

萬聖節快樂

多得 Tim Burton，近十年嘅萬聖節總離唔開怪誕城之夜。上年撲飛去睇 3D Movie，今年就行行下街買咗個怪誕城之喼! 原裝正版索價$1480(!?)，不過我地捨得買就當然唔會係咁貴啦，成功議價後一張金牛有找，咁嚟緊個旅程又有 Jack 相伴喇!

蠔油節瓜炆雞翼

今晚又有新嘗試，蠔油節瓜炆雞翼。個蠔油汁味道唔錯，淨撈汁都可以食多碗飯。

茄蛋牛柳絲撈公仔麵

都唔駛點介紹，個名已經寫得好清楚喇~ 茄蛋牛柳絲撈公仔麵!

小紀念日

一個小紀念日，唔想自己煮又唔想去茶餐廳... 行咗一陣街，老闆娘 就睇中咗紅樹林個套餐，比平日食茶餐廳貴少少咁啦!

史狄女 生日快樂

又大一歲喇，祝你繼續青春常註! 我代大家問一句，究竟幾時請飲呀? XDDD~

大掃除日

幾個星期無好好執過間屋，今日專登唔約人，由頭到尾打掃一次，唔覺唔覺就玩咗大半日。忙咗一日晚飯都唔想煮，走咗去幫襯大家樂。一個火鍋套餐兩個人分，再加兩杯凍飲就剛剛好，七十蚊有找!

栗米菜粒雜排炒飯

集 BBQ 剩餘物資大成嘅炒飯，有栗米、菜粒、牛排、雞排、豬頸肉。

休假一天

突然其來嘅假期，爭取時訓都兩粒鐘。起身買啲日用品，執下雜物又平日。夜晚專程出去 MK 同幾個月無見嘅 大編輯 食飯，食完之後仲陪佢買咗個新玩具... Mini Notebook 一部。

三人飯局

同 Ah E、闊少 約咗個幾月嘅三人飯局終於成事，為免食到一半比人趕，最後選址尖咀大排檔。

爭產沒完沒了

梅姐 遠行已經接近五年，卻因為一筆可觀嘅遺產，新聞從未間斷。我一向都覺得老人家係愛錢多於愛女，為咗錢可以不斷咁出賣個女嘅私隱，破壞女兒嘅名聲，於心何忍？如果唔係貪心，一個月十二萬絕對夠佢食過世兼且養埋條癈柴啦。家陣終於玩出火，財產暫時被凍結無糧出喇！老人家明明可以安享晚年，何解要自討苦吃呢？一個"貪"字囉！

豬骨速遞

今日 董事長 放假，所以我地又返咗老家開飯。睇相好似比平時小餸，其實張枱唔夠放，鏡頭之外仲有兩碟。因為 Zero & Donald 上次 BBQ 時逗得 董事長夫婦 同 卓言仔 非常開心，所以今晚煲湯特別多豬骨，等我地可以帶返新屋比兩隻衰仔食。返到屋企餵豬骨嘅時候，可能太好味，兩隻衰仔食到雙眼發光呀！

全民皆估 - 農夫

作曲/編曲/監製：DJ Tommy　
填詞：C 君、6 Wing

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

6：一路押韻　一味靠估先過癮
唔駛講運　我唔駛返工剩係瞓
估估下陳師奶又去旅行
我有股份就唔需要帶現金

C：只因喜歡買出買入　又賺一筆　腳踏實地
6：邊有實利　C：炒賣投機　6：經濟起飛　

人人人人無啦啦話呢隻股會升
升高啲高啲咁先好反應
6：俾個冧把我我都唔明　但係好過睇通勝

6：啱啱　C：BB
6：開始　C：入市
炒股票有賭未為輸　金融風暴已經係歷史

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

6：你男友　C：玩藍籌
6：賺唔夠　C：轉紅籌
6：炒孖展　C：高風險
有對兄弟會借錢

人人人人無啦啦話呢隻股會升
升高D高D咁先好反應
C：咪學 360 郁郁下會停　跌到渣都冇得剩

6：醫生　C：護士
6：學生　C：教師
炒股票好過中3T　陸叔話你知呢件事

投機　最好　全港靠賭
由今朝早要撈　變到唔駛再撈
投機　最好　全港靠賭
由今朝早要撈　變到唔駛再撈

陸叔：
我覺得個市呢即係好快趣就會　
如果跌到咁上下呢應該係　會作出反彈
而且呢係即係唔應該係會覺得係會跌穿嘅

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

買喇買喇買買買買買買硬
買買下個個買個個有讚冇彈
冇買(就有難)
買多幾隻股票估下會賺

C：嘩　發呀!

史狄女 生日飯局

夜晚趕到旺角同 史狄女 食生日飯。查實距離壽星女嘅正日仲有成個星期，不過貴人事忙，今晚慶祝先可以齊人。慣常動作食足兩粒鐘，一輪狂風掃落葉之後，小休一陣，完場前拉大隊再戰一圈糖水舖。飽晒！

清明掃墓

前兩日先收到通知要去掃墓，唯有臨時取消唔去打波。用咗半日時間香港九龍新界都去晒，食咗個麥記餐就直落去到黃昏。最後一站時見到個日落景色唔錯，手多多影咗幾張夕陽相。襯埋現場個環境，個 feel 係咪有少少詭異呢？

欣占記燒烤樂園 II

燒烤樂園再次開放，今次人數眾多，所以選擇响地下花園舉行。咁大個人第一次比同事家訪，雖然已經唔熟嘅唔請，但依然唔係好習慣咁多外人出出入入。好在大家都好自律唔駛擔心，見到一樓啲寶藏都唔會左摷右摷。如果唔係，燒燒下嘢食幾個問價錢、幾個行開玩玩具都幾掃慶!

煎三文魚出前一丁

基本上我完全唔鍾意食三文魚，不論生食或熟食，我都覺得有陣腥味。所以當 老闆娘 煮好放上枱時，我不自覺咁眉頭一皺，免為其難咁放入口... 又奇怪喎，我最怕果陣味完全唔覺，唔通自己種嘅香草真係特別勁，乜腥味都闢得到?!

老家晚飯

每次返老家都係四個人食六個人嘅份量，好在一個星期先返一次，如果唔係實變肥仔... @_@"