The day after...

尋日忙咗一日, 女友攰到請咗半日假休息, 我就晌公司到下半晝先進入返作戰狀態。今次好朋友嘅大事, 有幸可以出一分力, 又做兄弟又做司儀, 雖然忙足一日都無計啦! 全日天公造美, 唔止天朗氣清, 各樣安排好嘅流程都暢順, 可能 梅姐 真係默默咁晌天上面保佑呢對夫婦! 我唔係第一次幫手做兄弟, 但係第一次女友同時做姊妹; 亦唔係第一次幫手做司儀, 但係第一次有個咁短時間就夾嘅好拍黨! 至於 大佬 今次嘅好意, 我完全收到晒, 仲有問題的話我會自動搵你架喇。