我幾時做咗醫生?

話說我公司有同事 resign 咗, 剩下一個難攤子唔知花落誰家?! 今日開估喇, 咪又係我囉, 小喇叭! 今朝 雞屎 一早叫我入房, 都知無好事, 點知比個 schedule 我睇... 嘩! 一半以上甩晒期, 我原本工作量已經唔少, 再加埋個難攤子, 個期可以點追呢吓?! 所以我即時表明加埋我原本嘅 work load, 係無可能做得到! 佢安撫話唔夠人都無辨法, 唔得都要"頂"(頂乜? 佢個肺呀?)! 我話頂唔頂到有數得計, 你要夾硬比我都無辨法, 我一樣會盡力做, 但只會做到幾多得幾多(當時我應該語氣冰冷兼目露凶光)! 佢明顯預咗我唔會咁順攤, 即時話可以安排將我手頭上嘅 job assign 比第二個同事, 最緊要幫佢救返 behind schedule 嘅 job 先(我幾時做咗醫生?). 講到"救"咁嚴重, 仲要佢扮到咁睇得起我, 真係多謝晒喎!