網上論壇遊記

隨住近年生活習慣改變，已經好少晌啲新聞組或網上論壇打滾留連。今日因為要搵資料嘅關係，又再一次晌某網上論壇反覆閱讀成粒鐘。不過都無白費心機，幫自己慳咗一大筆冤枉錢之餘，亦都睇到好多其他有用嘅資料。忽然記起好友曾經同我講過，只要能夠好好利用的話，其實網絡世界係一個寶庫，只不過係大部份人都浪費咗啫!