烈日、彩虹、暴雨

由於尋日臨時取消打波，大家見今日 book 到場就補打返。天氣勁好，雖然曬但完全唔焗，不過打個零鐘個人已經紅晒似燒豬。打完波去食 lunch，知道可以接小花出院，但係夜晚約咗 DLS 班波友仔聯誼，時間唔夠兩邊都去，點算? 最後當然又做飛機師啦，寵物醫院到女友屋企要成十幾二十分鐘路程，小花咁重一個人點拎喎，班波友仔好明白事理既。女友唔知我會放人飛機而去搵佢，無明確咁講清楚自己位置。所以我一落車就要用 Flashman 嘅速度，行晒成個舊區，終於十五分鐘後比我晌街搵到佢，不過我已經變咗個 Waterman! 搵間茶餐廳坐低抖一抖食返個 tea，唔夠五分鐘就狂風暴兩，如果我地行緊返屋企就大鑊喇，真好彩! 其實我趕車途中仲係風和日麗架，仲比我影到條靚靚彩虹添。