"Momentum" Opening

趕下場係乜? 咪就係趕去我女友有份參展嘅 art show opening 囉! 四點幾上到去, 等咗一陣就開始喇。因為今次個場地比較隔泄, 嚟嘅外人唔係好多, 招呼都好輕鬆, 之後坐到六點幾就先行告退。因為女友要買鞋襯姊妹衫, 所以我地跟手就落咗 CWB 行街街。行行復行行, 鞋就睇唔啱喇, 但係搵到個幾啱嘅手袋, 總算有收穫。查實女友都只係第一次幫朋友做姊妹, 所以對有關嘅事物都有啲緊張, 阿嫂記得睇住佢呀!