兄弟團飯局

今晚輪到兄弟團集合, 約咗晌銅鑼灣"泉章居"傾吓五月嘅搶親大計。為咗還我一個清白, 證明平日遲到與我無關, 我準時到步之餘仲開定茶攞定位添。坐咗十五分鐘左右就人齊, 呢班朋友又幾準時喎。朝延不用餓兵, 只得六個人但係叫咗個八人餐, 一於食飽飽先慢慢傾! 其中一個兄弟, 大家聽對方個名就聽過好多次, 但一直未見過面。咁我以為今次係第一次見啦, 點知佢一見我就同我打招呼(?), 原來以前晌"潮特"見過架喇, 不過當時我唔知大佬有呢個朋友, 咪無印象囉! 除咗我, 幾個兄弟本身已經識, 所以好快就傾到嘈喧巴閉。最後嘅結論係乜? 咪就係到時一切執生, 以幫大佬成功迎娶阿嫂為目標囉! XDDD~