"闊少玩具屋"

話說上咗去 闊少 屋企玩, 亦即係展開咗我今個復活節嘅 - 部屋三部曲 - 第一站就係"闊少玩具屋"。呢間屋差不多每個角落都有玩具, 基本上有齊市面上各式各樣嘅遊戲機, 再加上大量 CD, 影碟, 漫畫, 真係可以隨時做一星期隱蔽青年都唔會悶! 重災區當然就係佢間房啦, 明顯已經用盡每寸空間, 藏品仲數以萬計(價錢)添。大家上到去又確實幾忙, 有人打機, 有人上網, 有人睇漫畫, 有人睇畫集, 仲有人試西裝添! 但係得三四個鐘咁少, 根本唔夠時間用。所以呢, 大家好無奈咁將自己想睇, 想玩, 想要嘅嘢, 一一準備好, 臨走時跟身帶走囉! 其實間屋已經唔夠位用, 大家都係用心良苦為主人家好啫! XDDD~