Big Bother Big Day!

今日係大佬過大禮嘅大日子, 雖然唔多夠訓, 但為咗撐兄弟, 十點鐘就起咗身 stand by! 紅色專車十一點左右到步, 人齊正式出發! 成朝跟住大佬四圍走收集物資, 先知道過大禮要準備嘅嘢絕對唔可以睇少, 事前無 plan 過都幾大鑊(喂, 二少! 上次幫你都唔覺你有咁多嘢準備嘅?)。大佬邊做邊教, 怕到我時乜都唔識喎... 查實... 到時我都唔會放過佢啦~XDDD! 今日太陽伯伯好比面呀, 陽光普照, 我地冒住被曬燶嘅機會, 晌烈日當空之下準備好晒就上未來阿嫂屋企送禮, 見到世伯同伯母當然要恭喜一番, 坐低一陣都未見靚靚阿嫂, 一問之下先知原來習俗係唔會見面住。我地乖乖咁坐多一陣拎埋回禮就撤退, 之後同大佬食埋個 lunch(即係我嘅早餐) 就趕下場喇!