三月首個生日聚會

尋日係死黨 ForeverChan 嘅生日, 應壽星仔要求, 一行八人晌尖咀食 "妹記大排檔" 慶祝! 位位朋友都日理萬機唔可以準時收工, 大家唯有食住等, 齊人都已經九點幾鐘。飲飽食醉埋單計一計, 原來前前後後都食咗十幾個小菜, 呢班蝗蟲絕對唔可以睇少。完咗上半場, 下半場轉戰 綿登徑 某酒吧, 但情況就剛剛相反, 因為第二日要返工, 一人一杯就飲到完場喇。之後散場, 陪壽星仔慢步行落旺角搭車... 點解行咁遠?! 無他嘅, 等壽星仔可以修吓身, 快快行返個桃花運吖嘛!