天台的月光

今日係初十五「元宵節」, 又名中國情人節。原先諗住同女友行綵燈會, 睇吓花燈猜吓燈迷! 不過最後因為要提早同佢妹妹慶祝生日嘅關係, 臨時取消咗行程喇! 食完生日飯送佢一家人返屋企嘅時候, 不停諗仲可以有乜攪作。正想放棄嘅時候, 女友提議到佢舊屋行一行, 因為之前租客搬走之後裝修過, 順便檢查一吓。之後成家人拖埋小狗當奴到舊屋大搜查, 由於我第一次到, 女友帶我行晒三層上埋天台, 其他人就嫌要行樓梯無跟上嚟。由於係村屋四面都無高樓, 倆個人晌天台抬頭望住一個又大又圓嘅月亮, 再加一閃一閃小星星, 個 feel 正得呢... 元宵節嘅二人世界, 今次都算失而復得~ XDDD