同契媽拜年

好耐無見過我 契媽 喇, 我得閒時佢又唔得閒, 終於狗年約到豬年先成事! 佢好錫我架, 中學有段時間我每個星期六都會上佢屋企食飯, 有時出街玩得夜又會上佢屋企過夜, 過時過節又會同我去行街買衫。尋晚就佢方便晌荃灣食, 點知四週圍都排長龍, 最後走咗中央街市對面嘅飯店食。間飯店開咗好多年架喇, 計埋女友三個人四碟小菜, 啲嘢都幾大碟又有鑊氣, 都唔錯架。最後幾乎食唔晒, 下次要睇清楚個舖名先得!