爆裂珍藏

話說尋晚半夜返到屋企，事長夫人 話書櫃背面發現有污水積，唔知係咪牆身入水? 昏迷八小時之後，訓醒就行埋去睇睇。雖然無發現，但果個角落又真係特別焗喎?! 硬係覺得唔對路，所以爬高睇下個櫃頂...Shit! 原來有幾礶百事可樂爆咗仲激射埋牆邊! 個人當堂醒晒，即時推開個櫃視察災情，不幸中之大幸，因為櫃頂有舖咗層膠，所以儲起咗一部份無繼續流落櫃底。全家上下即時堆開附近嘅嘢 check 下有無被波及，再將個櫃反轉再反轉。女友就幫我攞啲礶去洗，睇下有幾多礶無事要得返。攪咗兩個幾鐘先可以慢慢放返好啲嘢，好彩傷亡唔算好慘重，主要係套"模型神童3四郎"漫畫同少量玩具有可樂味... 最可惜係我走遍日本東京大阪收集到嘅"百事超人"汽水礶大部份報銷，唯有晌放落回收筒之前影返張大合照啦!