何謂專業?

女友下晝返咗公司跟 job，我就留晌屋企大掃除，夜晚就約返埋一齊行街街同晚飯。行到太子果邊比一個結婚片段吸引住，即時停步睇睇！唔好誤會，吸引我地睇嘅唔係因為拍得溫馨拍得好靚，而係佢用嘅配樂。畫面上係剛剛接新娘嘅片段，配樂竟然用"That's why you go away"...咁都得？！不如用埋"好心分手"或者"此情只待成追憶"啦？間製作公司都好馬虎啫，咁唔專業都得？最攪笑係個舖名有"專業"兩個字，仲要晌自己門口播段咁嘅片嚟趕客，厲害厲害！