話咁快又一年，聽日又係 史狄女 牛一喇。正日留返比佢同 田田 二人世界，我地就早一日慶祝啦! 由於佢十月尾我十一月頭，住年都會一次過慶祝，不過 闊少 同 Ah E 差不多要年年包底大出血，所以今年決定分返開攪。地點係尖咀"鹿嗚春"，間嘢真係幾鬼旺，唔訂位的話怕且要十點後先有位。呢班人一坐埋都會變蝗蟲，當"片皮鴨"、"糖醋魚"、"雞絲粉皮"、"蒸餃"、"官保雞丁".... 逐一被 KO 之後, 又係時候 order 甜品。樣樣佢地都想食，最後一次過叫晒"高力豆沙"、"香蕉拔絲" 同 "豆沙鍋餅"，真係見到都飽晒!
訂閱：
發佈留言 (Atom)
沒有留言:
發佈留言