小型歌迷聚會

今日係十月十日，即是 梅姐 44 歲冥壽。今年無參加歌迷會嘅紀念活動，轉為幾個歌迷舉行咗一個小型私人聚會，地點係 karaoke，貪佢有得食有得玩有得睇有得唱吖嘛! 齊人開始就係 梅姐 嘅天下，快歌慢歌中版歌一首接一首，仲有人唱歌兼且伴舞，十個"勁"啦! 三個鐘頭好快過，電腦自動 cut 歌，出奇地埋尾兩句歌詞成為全晚嘅總結..."將今晚的一刻，送給我!"。究竟係巧合中嘅巧合，定係 梅姐 感受到我地嘅心意呢?!


由歌迷一手包辦曲詞唱嘅紀念CD
(麻煩晒李生李太幫我購買~)