免費試玩

今晚同女友 book 咗朗豪坊間 PureFitness 試玩，仲捉埋 大編輯 一齊去。女友一向都有做開 gym，所以換完衫之後佢就自己顧自己。大編輯 同我就慢慢行晒兩層樓，各款跑步機呀、滑雪機呀、健身單車呀... 樣樣玩下。玩咗大約兩粒鐘，臨走之前再焗埋個桑拿，Good! 最後當然無 join 到啦，雖然環境真係唔錯，要成七百蚊個月都 OK，可惜我地一個星期最多只嚟到一兩次，咁咪覺得貴囉。玩完之後一行三人就過咗去"南豐"開餐，仲傾到要趕尾班車添。