全日凶(上午編)

今朝一早就幾乎同個小巴司機開拖! 話說我排第一個位, 一架從任何角度睇都係滿座嘅小巴駛埋站, 高速急停晌我面前唔夠一尺打開門(我已經暗"小"個司機), 咁我退後一步望吓有無位, 望左一陣先見有條粉賜一個人霸兩個位。OK, 咁上車啦, 正當我踏上車第一步嘅時候, 依稀聽到個司機講咗句"妖!坐唔坐架?!", 跟手關門夾住我一隻腳開車(?!), 我自然反應咁一拳打落車身同叫咗一聲"小你呀!", 個司機聽到"彭"一聲先發覺, 即時停車開門... 正當一眾街坊以為停車即係有戲睇嘅時候, 個司機係出奇地踩油九秒九駛離現場喎! 其實我後面有成二三十人排緊隊, 就算我唔上車, 佢都唔應該開車啦, 所以我聽到後面有人一齊"小"個司機囉。最後我亦因為等下一班車遲到咗三分鐘... 頂!