病仲食火鍋?

訓醒一覺果然好返好多, 但係約咗女友有事要辦, 所以晨早十點就出咗門口。橫豎順路, 預多少少時間, 入咗"省善"探一探 梅姐 先再接女友。可能交差感染, 今日到女友有啲唔舒服, 辦完事出一出太子睇完中醫, 之後就上返屋企叉一叉電。夜晚上咗未來印刷大王何生屋企, 由於何氏係"無飯夫婦", 所以佢地使出絕招"百搭火鍋"招呼兩位病人, 今次係忌廉湯底。病仲食火鍋? 無問題架, 飲多啲水, 食少啲肉同食慢啲囉, 吹凍晒先放入口就無咁熱氣架喇!