端午節目係...

雖然今日風和日麗加上係端午節, 不過我地嘅節目唔係睇賽龍舟同食粽, 而係上倉玩點貨。其實平日經常唔夠訓, 所以假期專登唔叫醒女友, 由佢訓到日上三竿, 佢訓醒之後就買埋下午茶上倉幫手。左搬右執, 影下相 mark 下貨, 話咁快就天光變天黑, 執到八點幾就收手去荃灣食飯喇! 假期要清清腸胃, 今晚就食粥。呢間粥舖味道唔錯, 仲要開通宵, 但個價錢又好街坊喎!? 圖中所見加埋都只係四十一蚊咋!