行花市送狗迎豬!

年三十晚同董事長, 董事長夫人食完團年飯之後, 就上咗"潮特"探吓班老友! 傾咗一陣就聽到佢地話今年尾會再加租, 幾萬蚊租一個二百呎都無嘅舖位, 個市又唔好, 都真係好難頂落去... 唔通要賣埋白粉咩?! 希望佢地頂得住啦! 之後見未夠十二點, 即刻同女友過"花墟"行花市, 熱熱鬧鬧咁過新年. 不出所料勁多人呀, 排成十幾分鐘先入到去, 雖然係迫啲, 不過氣氛唔錯, 要趁熱鬧迫吓都無所謂啦!