初七"人日"食生日飯

尋日下晝"撞"藝展開幕, 女友早兩個鐘已經到場幫手打點。到步即問佢食咗嘢未, 一如所料掛住做乜都未食, 即刻捉佢出去食tea啦! 搵咗間懷舊裝修嘅餐室, 夠平夠地到。女友要"菜肉雲吞米+奶茶", 我要個"腿蛋回窩肉麵+檸茶", 埋單都只係四十蚊。今次展場偏遠人流唔多, 我見唔駛幫手就晌"牛棚"四圍睇四圍影, 期間撞到 張達明 排戲, 佢路過都有入場支持吓, 睇完之後簽個名攞塊餅就返去繼續排戲。初七係"人日", 夜晚約齊全家人晌 警察俱樂部 食餐生日飯。見女友招呼人企到腳都軟, 一於飛的過去啦, 點知間酒樓勁旺, 訂咗位都要等成大半個鐘, 獨市生意真係好做啲嘅! 新年菜牌打開主要都係餐, 一個餐滿足你所有新年願望, 有雞有魚有肉有菜仲有壽包添!