豬軟骨上海麵

細細個開始就鍾意食豬軟骨, 當時最易食到既就係阿媽煲湯時既排骨湯渣. 跟住唔知幾時開始, 街上面就多咗好多舖頭有得食, 最常見就係帶點茄汁味既豬軟骨撈麵. 既然叫得豬軟骨, 晌肉上邊無軟骨真係唔係好掂, 但偏偏市面上最少有一半食店既豬軟骨麵永遠多肉少軟骨, 甚至似排骨多啲... 咁我不如食排骨麵就得啦, 駛鬼叫豬軟骨麵咩?! 但係最近晌葵涌廣場食過一間又唔錯喎, 豬軟骨配上海麵, 湯有少少胡椒味再用個砂鍋仔上, 三十蚊連餐飲, 抵食!