返學大整蠱

今日返學時間完全係大整蠱，分三節時間，12:00-13:00、16:00-16:30、20:30-21:30，每節相隔三至四個鐘，同食藥差不多！由於屋企廚房要換水龍頭，第一節缺席。第二節準時到，但係同 Miss 傾到五點幾先放學，之後與同學食個 tea 打一打底。第三節係 representation，因為之前個 B Sir 無再教，由另一個 J Sir 重新俾多一次分。已經早到一個鐘希望有得早到早走，可惜所有同學都超時，最後十一點幾先走得。返到屋企已經無晒胃口，所以 老闆娘 臨時煮咗個麵當晚餐(宵夜)就算喇！