虎年初一

大年初一加情人節，可惜心情未平服。今日最大難題係仲應唔應該比"利是"親朋？知詢過長輩認為"利是"可以派，但到處團拜年可免則免...最後決定只派"利是"比親戚及非常要好嘅朋友，並取消新年期間所有家訪。拜年程序跟往年一樣，先到麗晶、再到青衣、最後返老家。路經商場想起今日為情人節，決定買一個 "Bear in snow" 造型嘅情人節蛋榚同成個 董事局 分享！董事長夫人 發功放滿一枱美食，有蝦、有魚、有雞、有菜、有湯、有鮑魚，再加湯圓同我地嘅蛋榚，全家人都大滿足！