大年初一訓醒覺裝好身之後，先向青衣出發。逗留半個鐘就趕返老家同 董事長夫婦 拜年，兼食開年午飯。今日嘅餸比平時多一倍有多，六大一細要應付九個餸菜，結果當然係"年年有餘"啦，邊可能一次過食得晒。飯後小休再到九龍灣，嚟多一轉餐榚點下午茶。要拜年嘅地方實在太多，下一站九龍塘，逗留一粒鐘之後再到九龍城晚飯。途中收到 熊貓權 電話，約定時間順路車埋我地返屋企。最後再加一個特備節目，就係十點過後 熊貓權&奇異果 帶同湯丸上門拜年，老闆娘 出手再煮一客糖水宴客... 今年初一實在太"滿足"喇！
訂閱：
發佈留言 (Atom)
沒有留言:
發佈留言