離家出走

尋晚有大事發生... 話說 Zero 唔聽話四處小便同亂咬家傢俬雜物，老闆娘 一怒之下趕隻衰仔出門口。起初隻衰仔都驚到唔敢行，但大半個鐘頭之後就開始作反，响村裡面追貓追狗四團跑... 雖然每次叫佢都會即時走返嚟比我見到佢，但係直至半夜三點幾都多次過門不入，最後我唯有狠下心腸關門早抖！好彩如我所料，起身出露台已經有佢蹤影... 老闆娘 即時飛撲落樓大喝一聲，之後佢就死狗咁返入屋... 事後諗返，如果起身真係唔見咗佢點算好呢？大家都好有可能會後悔喎，好彩家陣無事咋！