提早做節

今日飛鷹基地非常熱鬧，八個大人、一個細路、再加兩隻傻狗通屋走。間屋夠大真係有好處，咁多人都唔覺迫。董事長 同 卓言仔 追住兩隻傻狗跑上跑落、董事長夫人 就捉住兩個新抱响廚房指手劃腳、二少 同 私人助理 就响基地倉庫尋寶、我就當然要睇住個場全屋四圍走啦！全日嘅重頭戲就係 老闆娘 第一次煮八個人嘅飯喇，連外母都專程過嚟食。