砂煲砂煲

同美國嘅 counterpart 合作咗兩年，藉著到香港 office 開會，終於有機會嚟個私人聚會，當然要好好食返餐。約定六點半酒店大堂會合，連同女友一行四人向山林道出發，目的地係到"砂煲"歎正宗日式火鍋。由於一早訂咗位，所以有間 VIP 房坐 TATAMI，唔駛坐卡位。美國同事識少少廣東話，所以成晚又中又英傾得好開心，唔覺唔覺就食到十點幾! 今晚叫咗兩個套餐，分別係包晒前菜、魚生、烏冬、生果嘅"北海道鱈場蟹腳鍋"同"牛肉豆腐鍋"。另加一個"鮮八爪魚"小食同一小鍋"辣酒煮花螺"，清晒木盤之後其實已經飽飽。但係一提到甜品，三位女仕雙眼即時發光，散場前都要到厚福街嚟多 round 甜品。又食又傾，最後食到個個要走去趕尾班車返屋企! XDDD~