團年飯 x 2

原先係約聽晚食團年飯, 不過要就 董事長 返工, 又要就 卓言仔 返學早訓, 所以改咗今日飲茶! 飲完茶佢地幾爺孫去行街買衫, 我就同女友返上樓睇DVD. 借借埋埋 闊少 一堆DVD, 今日就睇咗"跟蹤", 希望新年假可以睇多兩套啦. 時間剛剛好, 睇完就出發去食下一餐團年飯. 夜晚呢餐係女友婆婆果邊嘅親戚, 一如已往兩圍枱, 今次大家都好準時, 十點幾就食完喇!