停不了的生日飯

原先諗住最後一日大假留响屋企休息一下，不過如意算盤打唔響，全日四圍走。首先 倉務主管 一早入嚟點貨，完成後約埋 神秘人 到元朗食台灣牛肉麵，補祝 老闆娘 同我嘅生日。之後元朗精華遊兩個鐘，攞住幾大袋戰利品返屋企。坐低一陣，董事長夫婦 駕到，又忙一輪。今日係 董事長 正日生日，事先準備定一個生日蛋榚當下午茶，夜晚再應主人家要求到大排檔慶祝！順利返到屋企已經十一點...。