蠔仔炒蛋

今日返去舊校舍個送你課室上堂，雖然表面係第二堂，其實係第一日正式授課。開學日有成八十人，入到課室終於見到邊廿五個先係同班同學。上堂過程比想像中輕鬆，同學仔都比較慢熱，全堂都好靜。阿sir 再三強調 final year 學生要主動同自律，所以約兩個鐘頭左右就通知大家，無問題搵佢嘅同學可以選擇自行落堂，而佢會逗留到夠鐘為止。奇怪地真係有人二話不說轉頭就走，厲害厲害！放學返到屋企已經可以開飯，今晚有特別嘉賓 特警馬克 到訪，所以 老闆娘 煮新菜式宴客。有「蠔仔炒蛋」+「炸菜炆雞柳」+「清炒黃牙白」。