六四晚會後記

八點到達天后站時雖然人山人海，不過超好秩序。排隊上到地面約八點三，到達維園時工作人員公報已經全場爆滿，但係可以逗留响側門旁邊或繞道到另一面細球場繼續支持。幸運地搵到一段小通道，可以進入球場控制台附近參與，仲影到幾張鬆郁矇嘅相留念。可惜 老闆娘 要加班，最後都趕唔到嚟。返到屋企睇新聞話，支聯會台上公報現場有十五萬人，但警方公報入場人數只得約六萬二千八，有無相差咁遠先？62800 呢個咁靚嘅號碼，係計有位坐低嘅人？有著紀念 tee 嘅人？定係有蠟燭响手嘅人先？警方啲數學真係差成咁？!