梳乎厘 = 生日蛋糕

生日飯一浪接一浪，lunch 有同事請食韓國菜，碗"海鮮麵"十分好味道呀。到夜晚就係失蹤已久嘅 肥蟹，識得自動浦頭都算佢有心啦。加埋女友三個人去咗尖咀 太平館，'瑞士雞翼'、'瑞士汁干炒牛河'、'焗梳乎厘'等招牌菜通通上枱。個'焗梳乎厘'成個蛋糕咁大，食完真係要運動吓。先行落佐敦送女友搭車，之後兩條友仔沿路行落旺角。去到信和 肥蟹 睇中隻手錶，咁啱我又識個 sales 喎，最後平咗成千蚊，今晚餐飯抵請啦!