靚人靚衫靚景

今日請咗假, 全心全意做一個專業 model! 有好嘢當然係同女友拍住上啦, 一於嚟個靚人靚衫靚景嘅絕佳組合! 上兩次化妝都因為拍廣告, 啲感覺好唔舒服, 但係今次又 okay 喎(事後女友同我講佢留意到全部係用名牌化妝品). 天公造美, 原本天陰陰, 但係當大家化好妝襯好衫之後太陽伯伯就返出嚟, 成 team 人即時醒晒正式開波. 經驗所得一般都要成八粒鐘, 所以一早預咗玩足朝九晚五. 笑呀笑影呀影, 間場時問助手哥哥戰況如何, 佢話覺得大家都交足功課, 應該有得早收(真係咁好?). 最後又真係唔駛四點鐘就攪掂晒, 攝影師仲續個握手話合作愉快, 勁! 拍攝中途都有好笑嘢, 例如女友周身郁無時停, 攝影師叫要佢乖啲. 而我唔笑個樣 cool 過攏似殺手, 微笑時又有幾分奸人占, 要勞煩攝影師不停講笑話引我發放燦爛嘅笑容~ Cheer!