黑椒牛仔骨

老闆娘 又有新嘗試，是日晚餐係 黑椒牛仔骨。

十號風球 - 張國榮

曲︰黃耀明／蔡德才@人山人海
詞︰林夕　編︰蔡德才@人山人海

相信嗎　我相信愛嗎
快樂嗎　但快樂夠嗎
太熱了　太悶了　在醞釀刮風吧
低壓中　你感覺到嗎
快下雨　和誰人回家
愛是這樣盲　風眼是這樣藍　更想貪

心思一到　十號風波一掃
讓我不操縱　和誰東歪西碰
颱風狂吹　誰會不動

若我要風聲一到　十號風波一掃
願你不枯燥　和誰推測不到
颱風狂吹　誰要登陸
留在留在半路　我愛起伏

想要高　要飛到最高
要下跌　便跌落最低
我願意　你願意　在赤道誕生吧
天氣差　更需要愛嗎
正下雨　而誰人護花
美麗太困難　擁抱後太平凡　瞬息間

若我要風聲一到　十號風波一掃
願你不枯燥　誰人的訊號都可收到
颱風無意登陸
留在留在半路　我愛起伏

點解星期日休息?

天朗氣清，當然要打下波、曬下太陽啦! 原先計劃食完下午茶之後去睇"天野喜孝"個展覽，好彩出發前 check 到星期日唔開，唔係就白行一趟! 話時話，點解啲 Art Gallery 通常都只開星期一至六嘅 office hour... 咁唔通每次都請一日假去睇咩?!
http://www.artstatements.com/
http://www.amanosworld.com/

通菜雞絲炒公仔麵

私家燒烤爐

為咗迎接下星期嘅家庭燒烤同樂日，決定買一個私家燒烤爐放上天台。搵嘅過程一如等的士一樣，要坐時唔見，唔坐時一街都係。行咗好幾條街都無，有嘅又睇唔啱(唔係 size 太細就係價錢太貴...) 最後竟然响一條街見到兩款啱嘅，經過二人家庭會議之後，決定買有蓋一款方便長放上天台。

蒸排骨飯

老家晚飯

星期二打風嘅關係，取消咗返老家陪 董事長夫婦 食飯。見今日唔繁忙，即時返去補數啦!

芝士汁燴牛肉麵

欺騙人的八號風球(下)

八號風球高掛十二粒鐘之後，係時候落風球喇! 為咗要首尾呼應"放工即掛、返工即落"，晨早七點落風球就剛剛好，大家可以如常返工之餘又唔會影響個市，真係用心良苦!

欺騙人的八號風球(上)

究竟係天有不測之風雲，定係需要檢查下天文台部電腦嘅功能呢? 尋日先講話最高掛三號而唔會掛八號風球，今日食完 lunch 就已經改口風話黃昏會改掛，重要剛剛好放工時間改掛，timing set 得認真好!

紅酒燴雞翼

時日晚餐有 老闆娘 第二次煮 紅酒燴雞翼。經過上次嘅經驗，今次顏色唔再係偏向紫色，而且味道仲 very good ah!

我們的梅艷芳

尋晚收到 Ocean 電話有紀念特輯嘅飛多，見時間就得到又有伴就應承一齊去睇。最後响開場前一刻再搵到多一張飛，所以 老闆娘 join 埋齊齊睇! 現場睇個舞台設計得唔錯，而且嘉賓都唔少，差不多所有男徒弟都有出席。可惜各位徒弟似乎準備不足，輪流唱錯歌詞，真係令人有啲失望! 最後一首 Stand by Me 先甩咀得過份，陪 梅姐 走埠登台咁多次都唱錯晒...唉! 完場時憑票尾換禮物，但係要沒收張飛... Well，我地當然啋佢都傻啦!

Faithfully - 梅艷芳

作曲: J Cain　填詞: 潘偉源　編曲: 陳澤忠

你 可 知 誰 若 喜 歡 我
我 永 遠 躲 開 來 逃 避
看 得 多 世 間 的 把 戲
最 怕 愛 戀 中 互 相 綁 死

曾 經 狠 狠 想 將 一 生 痴 戀 都 放 棄
甘 心 於 孤 單 中 嘆 氣
誰 知 東 奔 西 跑 足 跡 走 遍 千 百 里
Oh Baby You stand by me
I'm forever yours faithfully

祇 有 你 像 每 一 天 的 空 氣
見 與 見 不 到 也 一 起
此 生 有 著 你
讓 每 天 心 中 所 記
每 句 每 一 章 都 是 傳 奇

誰 知 一 生 須 經 多 少 灰 心 喪 氣
命 運 像 命 令 各 有 各 流 離
誰 知 東 奔 西 跑
足 跡 走 遍 千 百 里
Oh Baby you stand by me
I'm forever yours faithfully

Woo...Woo...Woo...Woo...
Faithfully I'm still yours
Woo...I'm forever yours faithfully
I'm forever yours faithfully

街市熟食檔

今日book唔到場無波打，乖乖地留响屋企打掃。如果唔介意個環境，街市熟食檔嘅價錢真係幾抵，圖中所見嘅例湯+蒸飯+燒骨燒鵝飯+餐飲都只係 HK$60 左右。

中期成績表

出年春季嘅產品已經準備得七七八八，所以最近比較清閒，六點零鐘就可以鬆人。正當今日準備走人嘅時候比大老細電召入房，起初仲以為爆咗鑊自己唔知... 入到房原來係派中期成績表，仲幸運地係今季其中一個有份調整薪酬嘅 small potato。雖然只係加得小小小，但都勉強夠我同 老闆娘 去睇場戲食餐飯嘅。

亞士厘"浜"

好少寫餐廳唔好食，但係今日响亞士厘道"浜"食咗個海鮮拉麵餐着實太差喇，忍唔住要抦兩句。首先海鮮完全無鮮味之餘，隻蝦同蟹柳嘅味道好似用水浸咗幾日咁淡... 鮮魷同蜆又超微型... 個拉麵最不知所謂，十足十一個未煮熟嘅油麵... 服務又差，個個待應都遊緊魂... 真係咪駛旨意我會再去!

日式咖喱飯

今日嘅東洋晚餐係 日式咖喱豬排龍脷柳飯 + 凍麥茶 一大杯。

Mamma Mia!

故事發生在希臘一美麗怡人的小島，經營旅館的單身母親當娜，和其獨力撫養至亭亭玉立、即將出嫁的女兒蘇菲一直相依為命。將為人妻的蘇菲期待著婚禮之餘，卻有個未了的心願──挽著父親走到紅地毯的另一端。蘇菲於是偷看了媽媽的日記，發現當年母親的三位舊情人，其中一位可能就是她的生父！蘇菲由是心生一計，瞞著當娜，並擅用她的名義，發請帖給三名素未謀面的「疑似」父親，邀請他們到島上參加婚禮。三位男子都以蘇菲生父的心態應邀。一段惹笑又感人的故事就此展開…

雞骨腸+金菇牛肉卷

第一次有客人留低晚飯，當然要煮多一樣半樣做餸啦。先有 雞骨腸 + 金菇牛肉卷, 另加一碟 肉片炒小棠菜。

月光曲 - 關淑怡

曲: Richard Darbyshire/ Frank Musker
詞: 陳少琪　編: 龔耳麈

人東西不分　天天消失方向感
恐慌誕生　前行或退後都佈滿針
身邊聲音　指指點影嚮信心
混亂或是幸運　誰又會帶引我這生?

曾聽說這曲可抹掉灰暗
為我解放自尊心與缺憾

聽聽這音韻　靈魂便會有跳躍戲份
聽聽當中章節　值得多慶幸
今天的荒野　明日變作美麗樹林
就算天空多陰暗　內有月亮照引

想找天真　輾轉反側的鬥爭
想簡單這生　而無奈思想總太過深
孤單胸襟　天生不懂親切感
寂寞扮自在夢幻受困那裡會發生?

今晚多親近　跟你多親近