Bangkok Day 1

向泰國出發

終於到 presentation 嘅日子，雖然只完成咗八成都要頂硬上。由於好多同學遲到要排到最後，好快就到我出去。因為要用全英文對白，初時都有少少緊張，表現不過不失啦，最後評分為 clear oral presentation，多謝晒！不過就要再努力改一改個 design，因為而家只可以攞個合格... oh！放學約 老闆娘 出街街食飯，順便買多一張 4GB 卡旅行用。聽朝六點幾要到機場，預咗執行李、執屋執通宵，做好所有準備向泰國出發！

和牛燒烤晚餐

一早起身就開始準備聽日要做 presentation 嘅功課，可惜腦閉塞，進展緩慢。黃昏時間出席 LCC，之後約咗 熊貓拳 食"和牛燒"。打道回府之前再食多一轉甜品先散場。今晚係近十年唯一與"怪誕城"無關嘅萬聖節。

青瓜炒肉絲

下晝收到 董事長 通知掉咗手提電話， 好在科技發達，上網已經 check 到點報失同再出卡，放工後用咗三分鐘就成功補領新卡。OT 到都無乜胃口，同 老闆娘 兩個人一碟「青瓜炒肉絲」加一碗「辛辣麵」已經飽飽。

泰國之旅準備中

大編輯夫婦 數星期遊泰回港，咁當然要約佢地收下料啦。飯前先到"金都"交相，一拖再拖嘅精華相簿終於推出有期。之後上始創"紅蔥頭"開餐，食完打開地圖慢慢硏究，嘻嘻哈哈嘈足一晚。最後坐到餐廳打洋，幾乎比人趕先走！

可可 - 何韻詩

作曲：陳奐仁　填詞：黃偉文
編曲/監製：陳奐仁、何秉舜、何韻詩

其實我是新手　未染污白袖
但天生的威猛沒有對的出口
就算捐出所有　捍衛地球
問世間什麼有缺口　要讓我挽救

若果我異能　就是會將　身邊東西都變巧克力
憑我這小把戲　何日方可給這亂世分憂

話我蠢　還是信　神力天生總有用
即使此際我　還沒有搞懂
鬧笑話　除病痛　還是阻止天劫用
等天機揭破　自告奮勇
標靶很遠　還是會中

常自勉別擔心　被老天玩弄
但朱古力水壩從沒有實際功用
就算總打不進　正義陣容
俠客那種熱情　沒有變凍

話我蠢　還是信　神力天生總有用
即使此際我　比各位鈍
鬧笑話　除病痛　還是阻止天劫用
等天機揭破　自告奮勇

誰都想當蓋世英雄
誰個又有著　最具價值的天聰
願意為人類各顯神通
無論哪一種 　無分輕重

話我蠢　還是信　神力天生總有用
即使此際 (這亂世)　還沒有搞懂 (如何大躍進)
鬧笑話　除病痛　還是阻止天劫用
等天機揭破　自告奮勇

話我蠢　還是信　神力天生總有用
朱古力世界　來飽吃一頓 (讓你暖在心中)
賣報紙　傳飯餸　同樣作別人後盾
怎可小看你　沒有進貢
你若有異能即管發送
你是哪種俠 (未想通)　仍願你信 (仍願你信)

焗鮮茄粟米雞扒扁意粉

趁住有假期，想推卻所有約會留响屋企專心做功課，但出街食個晏、行吓超市、做吓家務又半日，成效唔理想。是日法式晚餐「焗鮮茄粟米雞扒扁意粉」。

煎餃子米粉+鳥冬

一早起身開始埋首做功課，進度比自己預期中差。為爭取時間，老闆娘 決定親自下廚一個「煎餃子米粉+鳥冬」等我醒一醒神，可以繼續作戰！坐車途中繼續不斷諗，終於到落車前最後五分鐘以極速畫咗兩個 layout... 好彩 present 完之後 B Sir 肯收貨，真係一額汗！晚餐時段，以 "WANTED" DVD，伴以外賣壽司兩大盒。

老闆娘 豬扒飽

繁忙嘅一日。起身上網做咗一陣功課，怱怱享用完「老闆娘 豬扒飽」就要準備去掃墓。到步後清洗墓地，拜完祖先就拉大隊食下午茶。五點到鑽石山會合 Tennis team，一部 Mini 一部 bB 直入西貢蠔涌替 史狄女 慶祝生日。地點係 BBQ 任食形式嘅"金喜花園"，環境靚食物質素又唔差，可以再試。之後再到西貢海旁食甜品，再由 闊少 揸車送我地返屋企，散場！

肉碎菜飯

是日私家午餐盒，「肉碎菜飯」。

豬扒一丁

OT 後唔想四圍走，同 老闆娘 返屋企煮個「豬扒一丁」又一餐。

仍需努力

今日只係返學校 present 1st layout，所以抽到時間打咗一陣波。輕輕鬆鬆返到課室，卻聽到 B Sir 語帶勞氣咁評論某同學功課，嚇到全場靜晒！其他同學人人自危驚唔合 B Sir 心意，紛紛重新整理功課。終於輪到我 present，雖然係過到骨，不過想好成積就仍需努力！放學後約 老闆娘 行咗一陣街，順便出街食晚飯透一透氣。

表姑丈公

中午時份出發上廣州出席 老闆娘 姑丈嘅鑽婚紀念+生日宴，而"表姑丈公"咁有份量嘅稱謂，不是別人正是我！突然間升咁多級，第一次聽到都唔知做乜反應先啱？XDDD。原先諗住坐長途火車時順便做功課，可惜環境比意料中混亂，去程時唔多成功！第一次到東站人生路不熟，剛巧九點左右已經散席，爭取時間四圍睇睇，行咗一轉"吉之島"。上到尾班車，大部份人都訓到變豬，令都我成功畫咗十個 layout，終於可以有功課交喇！

清貨大行動

前日上 China office 積存嘅 job，今晚把心一橫 OT 到十點幾清晒佢，之後先飛的返屋企。

老家九大簋

開學後時間開始唔多夠用，見時間許可，即慶話返老家食飯。返到去都呆一呆，一直話無買餸嘅 董事長夫人，竟然响短短兩個鐘頭內準備咗九味餸菜，面對呢個「九大簋」，真係要拍拍手掌！

妮歌 - 何韻詩

作曲: 陳奐仁, 何秉舜　填詞: 黃偉文

她　時時在傷者耳邊唱
像製造養傷的磁場　讓人休養
明晨又再　豁出去　覓理想

寒露立春　她都在唱
沒有例假　哪會失場
難民首相　誰人若有請　她都拚命唱

為你療心傷
讓你哭過後　新的一樣
靈魂受創　擦掉更閃亮
為你療心傷
直到她也受了傷
不過她不管怎唱　能救世
救自己卻沒法將　小小的孽障
像救難救災般平常　自行包上
凡人用那種磞帶　養傷

她　仍然為抑鬱者義唱
用戰地裡　醫者心腸　未完的仗
旁人後退中　她偏繼續上

為你療心傷
讓你哭過後　新的一樣
靈魂受創　擦掉更閃亮
為你療心傷
直到她也受了傷
只有等　空降　某天將
撥她秀髮　跟她唱

誰人為傷兵一直唱
盛放著母親的慈祥　令人舒暢
從未介意　受過　誰景仰
奇能樂意　任人分享
病榻上夜晚太淒涼　因她在唱
流淚也會發光　滋養面相

願我會　有她　一半善良

心有靈犀

知道 老闆娘 今日响公司受咗氣，放工時順道買一盒佢喜愛嘅"腐皮壽司"，諗住等佢開心下。點知返到屋企發現，是日晚餐原來係日本湯麵，呢個巧合即時令 老闆娘 開心返晒！

蠔仔炒蛋

今日返去舊校舍個送你課室上堂，雖然表面係第二堂，其實係第一日正式授課。開學日有成八十人，入到課室終於見到邊廿五個先係同班同學。上堂過程比想像中輕鬆，同學仔都比較慢熱，全堂都好靜。阿sir 再三強調 final year 學生要主動同自律，所以約兩個鐘頭左右就通知大家，無問題搵佢嘅同學可以選擇自行落堂，而佢會逗留到夠鐘為止。奇怪地真係有人二話不說轉頭就走，厲害厲害！放學返到屋企已經可以開飯，今晚有特別嘉賓 特警馬克 到訪，所以 老闆娘 煮新菜式宴客。有「蠔仔炒蛋」+「炸菜炆雞柳」+「清炒黃牙白」。

梅姐 生日快樂!

今晚"紅館" SuperGoo 演唱會見！

外母生日飯

十一號係外母生日，不過佢老人家正日已經有節目，所以提早今晚慶祝。左揀右揀，擾攘到最後一刻都係食中菜... Well，無問題，生日大晒，最緊要食得開心！

繼續腦震盪

第二日「腦震盪」，一開始 HR 玩個集體遊戲熱下身，之後就分組入房閉門交功課。房內熱茶、汽水、零食一應俱全，連午餐飯盒都提供埋，全日困獸鬥！好彩最後都不失眾望，交三件功課都有好 feedback，唔係呢兩日就白費喇！

腦震盪到灣仔

今日代表自己部門去「腦震盪」，一早返到公司聽 briefing，連電腦都未開就過灣仔，奉旨睇展覽、買辦。午餐有同事提議食馳名嘅「咖哩豬扒蛋飯」，味道係唔錯，不過成六十蚊就貴咗少少囉！之後去埋尖咀科學館就返公司開會，開到八點幾先收工，成九點先返到老家開飯，等到大家脛長。

愛心雞扒飯增強版

今日要 in house training，九點開始直到放食晏。為爭取時間，一早準備好已經加入炒蛋，成為「愛心雞扒飯增強版」嘅飯盒。不過 email 都未睇完，轉頭就開始下半段，一直玩到五點鐘！

愛心雞扒飯

第一日開學，老闆娘 堅持捱餓都要等我返屋企一齊食晚飯... haha~唔食都已經飽晒啦！ >^_^<

終於開學喇！

拖拖拉拉半年，終於都開學喇！今日有成八十個同學一齊開課，所以响新校上堂，不過只限今天。之後會分開三班 full-time、part-time 各自返舊校舍上堂。可能第一堂有啲緊張，雖然上堂好留心，落堂竟然都唔覺勊，仲好精神喎！

外家做節日 - 第二回

今日係開學前最後一場網球，因為撞返學時間之餘，亦唔知將會有幾忙，唯有開咗學再算。夜晚到外家(姑媽)做節，十幾個親友廿幾人嘅份量，飽到你唔識行！(圖為其中一張枱)

中秋節快樂

中秋明月夜、人月倆團圓

外家做節日 - 第一回

今晚輪到同外母做節，應要求點咗個中秋簿餅同焗通粉。自取可以有半價，見有時間就 gogogo，順便去買菜。最後全枱美食唔駛二百，抵食！

西式麵豉湯

今日公司好多同事放大假，剩低嘅同事都超級 holiday mood，收工即閃。原先約咗契媽做節，不過臨時有事要改期，唯有返屋企玩煮飯仔。是晚仿日晚餐「西式麵豉湯」+「日式煎餃子」。

國慶日做節

國慶日有假期，除咗 二少爺 一家中午到飛鷹基地硏發私房月餅之外，夜晚更集齊全個 董事局 成員提早做節。

南瓜蕃薯月餅

老闆娘 同 二少奶 合力製作嘅私房「南瓜蕃薯月餅」大功告成！

暴雨探 B 團

收工後冒住狂風暴雨到醫院探 BB，雖然一褲濕晒，但總算趕得切探 BB 時間。分別見到 B媽、B囡 十多分鐘，之後順路送世伯伯母到車站坐地鐵，我地就坐火車搵食去。

油麥菜肉絲炒烏冬

是日愛心午餐為「油麥菜肉絲炒烏冬」。

私房月餅準備中

今日收工專誠到沙田 Citisuper 買材料準備星期六造私房月餅，日本南瓜、日本蕃薯通通入籃！由於今日响公司食太多雪糕月餅導致一身寒氣，所以之後去食譚仔米線，熱湯一大碗區一區寒氣！

金菇腿蛋炒公仔麵

原先打算到旺角買月餅材料，可惜要 OT 就唔到時間，最後要改 plan，老闆娘 返屋企煮飯仔等我收工。是日晚餐「金菇腿蛋炒公仔麵」。

李千金面世

大佬 B 女已經順利到達人間，祝 李千金 快高長大、精靈可愛！

一改再改

一早約好 倉務主任 去試洪水橋奶茶王，但因為坐車過元朗時大塞車，之後又要趕去 LCC 關係，計畫被迫改為食上海麵同餃子。去到 LCC 又發現記錯時間，無問題，即時轉到旺角買造月餅材料，為私房月餅做好準備！

優質午餐

今日有神秘人飛車嚟陪食午飯之餘，仲要請我食過百蚊一位嘅正忠日式燒烤，多謝晒！XDDD

月餅禮劵

係時候放低幾張月餅劵俾 董事長夫人 過節兼送禮，當然順便返屋企開餐啦！截至今日為止，連同 老闆娘 暫時共收到十張月餅劵，比預期中多喎！

食飯無錢比

晚飯有趣事，就係去食 Burger King 時唔夠錢比... 我有"人仔"、有 Yen、有美金、有信用咭、有八達通，就只係唔夠港幣，吹漲！之後約咗 倉務主任 食宵夜，佢見 老闆娘 對烹飪興趣愈來愈濃厚，專誠送咗幾本鬼佬秘笈比我地，等 老闆娘 進修進修！

蘿白炆排骨

是日晚餐「蘿白炆排骨」+「蛋炒紅米飯」。

栗子炒雞軟骨

尋日大掃除，今日再打個幾鐘頭 tennis，食完 tea 已經唔想再四圍走，決定去街市買餸玩煮飯仔。是日晚餐「栗子炒雞軟骨」+「菜心炒牛肉」。食飽飽睇"超級巨聲"，全晚唱到最好、最有感染力嘅竟然係鄰居 官小姐，真係估佢唔到！

雪梨湯

起身之後, 修剪芒果樹, 洗花園, 同兩隻狗沖涼, 打掃晒三層樓... 果種攰嘅感覺好似打完溫布頓一樣 ！夜晚放棄煮飯出街開餐，老闆娘 心儀日本菜但到處都要等位，最後只好幫襯人龍最短，幾年無去嘅元綠。 返到屋企愛心"雪梨湯"剛好完成，清清甜甜好味道！

冬瓜炆排骨紅米飯

趁住尋晚有空檔，老闆裝 已經準備好今日嘅午餐，「冬瓜炆排骨紅米飯」。

茄蛋雞絲公仔麵

晚餐食咗幾日飯，又係時候轉轉口味。是日晚餐「茄蛋雞絲公仔麵」

洋蔥豬扒便當

八號風球副產品，「洋蔥豬扒便當」。

珍惜聚會時 '09

Anita 生日當天下午一時，歌迷會會在省善真堂進行儀式，歡迎大家前來致意。晚上，歌迷會將於酒店舉行一年一度自助晚餐聚會。

日期：2009年10月10日(星期六)
地點：富豪九龍酒店 (尖沙咀麼地道71號)
時間：晚上7:00 (如要送花請安排下午4時後送到)

如欲參加聚會，請於以下時間到歌迷會購票。
日期：2009年9月5日及6日(星期六、日)
時間：下午3:00 - 5:00
地點：歌迷會會址 - 香港北角電氣道148號10樓1003室
電郵：amifc1985@yahoo.com.hk

繼續八號

七點起身聽到八號風球未落，將鬧鐘較遲兩粒鐘，繼續訓！再起身已知道將近落波，同 老闆娘 提早準備，出門時成功避開人潮。如我所料，堆積咗一日半嘅工作係無可能用半日攪返掂，最後 OT 到成十點幾先飛可以的返屋企。

又打八號風球

暴曬兩日，最後都要請日假留响屋企叉一叉電。悠悠閑執下屋、玩下狗、check email。打開電視，新聞報導話夜晚會由三號轉八號風球，即時打比 老闆娘 問需唔需要去買餸？之後去到超市已經人山人海，好彩仲比我搶到絕無僅有嘅幾包菜。晚飯時間 外母 到齊，粗粗地都有「洋蔥豬扒」+「菜心炒草菇」+「煎餃子」+「金寶雞湯」+「雲耳蒸雞(外賣)」。

金剛經 - 何韻詩

作曲：HoCC　填詞：黃偉文
編曲：陳奐仁、何秉舜@goomusic

我托住了　倒塌大橋
還派個隊友　阻擋海嘯
我破罪案　她去護苗
排難救災　未算少

你有絕症　他會治療
而你拒絕了　因他太妖
救過命已　一百萬條　　　　　　　　
歧視眼光　沒有少

你　遇了險　誰人像金剛般給你去撑腰
萬人卻在　拿着十架在搖　願釘起我焚燒

我們仍然未得勝
還是有部　難唸的經
我們仍然未得勝
還在革命　頑強爭取　太平

你我亦會　感到寂寥
何以卻沒法　肝膽相照
哪個為我　煮個麵條
強大勇者　就折腰

我　待你好　猶如煉金般　怎麼怕猛火燒
沒人仰望　還是未有動搖　負傷衝上雲霄

我們仍然未得勝
還是有部　難唸的經
我們長年在打拼
融合隔膜　同存於這星
世人何時受感應　全部甦醒

我們仍然未得勝
還是有部　難唸的經
我們長年在打拼
融合隔膜　同存於這星

我們祈求被尊敬
能做已做　無人響應
既然仁慈是必勝
難亦要唸　難唸的經　難唸的經

誰是　同類　誰是　仇敵　
難道　難道　還未　還未　分清

大編輯 大日子

整裝待發

明知聽日有排忙，所以今晚謝絕應酬。唔想死背自備嘅司儀稿，重新閱讀兩次之後決定唔再睇，去到現場先執生！臨訓前天氣時好時壞，唯有祝兩位主角好運，可以順利地响沙灘行禮！

西來也西去

上星期返老家攞西裝，一時情急攞咗十幾年前最舊果套。雖然尚算啱身，但唔夾婚宴場地，所以今晚要再次努力發掘另一套。食完飯開工，終於搵到最近期果套，重新配搭過另一件恤衫、頜呔，攪掂！

090909

百年一見嘅日子。總括全日，一個"等"字！

草菇肉鬆炆豆腐

夜晚繼續煮係 老闆娘 嘅飯仔時間，是日晚餐「草菇肉鬆炆豆腐」+「青炒通菜」。

海鮮會意粉

午飯時間由 老闆娘 包辦，「海鮮會意粉」。

菜圃炒蛋

放工趕到 HKPU 交學費單，一程日本之旅同時報銷。之後返屋企開飯，今晚 老闆娘 有新煮意，是日菜式為「菜圃炒蛋」+「節瓜炆肉絲」。

牛華事件

一個鬧得滿城風雨嘅話題，部份牛迷反應激烈，即時反轉豬肚...。其實 牛華 年紀已經唔細，已婚總比証實佢係”攣”好掛？再者，就算對象唔係豬小姐，係”你、妳、您”嘅機會率等同中六合彩，與其怨偶像一世，倒不如祝福佢！等佢可以繼續唱多啲好歌、拍多啲好戲去慰藉各牛迷嘅心寧，滿足各狂迷嘅白日夢！至於”講大話”呢方面，當你放一個屁都可能成為新聞頭版嘅時候，易地而處時，你就知道有時”唔講”比”講”需要更大嘅勇氣同承擔！

李龍、李鳳

終於就啱時間，約埋 貓新地 齊齊去探 李龍、李鳳。一直被坊間流言誤導，以為龍鳳B會同時食、同時訓、同時喊... 原來各有各生理時鐘，大部份時間都唔係一致。不過 BB 好乖呀，令到已經好少機會同枱食飯嘅 李爸李媽 可以安安樂樂咁同我地食完餐飯，抵鍚！

陳年老西

倒數一星期，係時候發掘一年先著一次嘅西裝出衣櫃。咁返得老家，當然順便開埋餐，食完先開始動手發掘。大戰半小時，集齊恤衫、西褲、外套、領呔，閃！

各自各精彩

今晚各有各節目，老闆娘 約咗舊隊友响尖咀飯局，我就約咗舊同事 艾域 同 倉務總管 响旺角，最後再約埋一齊返屋企。

司儀飯局

雖然係第三次做婚禮司儀，不過今次要幫埋沙灘行禮個部份，所以都有少少緊張。好在晚宴時段搵到 公主 幫手，唔係就要一個由朝頂到晚。今晚 大編輯夫婦 就約埋兩個司儀，開返個會傾下個內客。

齊齊開學

開學日交通七國咁亂，差啲趕唔切坐公司車上 China office。一如以往跟大陸助手開下會、食下飯，確保全部如期可以收工。返到屋企剛剛開著電腦就收到 HKPU 電話，英國大學已經確認取錄，十月開學，盛惠第一期學費一千英鎊。呼...係時候計劃一下點樣重組我嘅生活秩序喇！