Home dinner

本來大風大雨就邊度都唔想去，不過又好似幾個星期無返老家開飯，濕就濕啦！途中路經荃灣就行陣街街，老闆裝 即時有收穫，所以話無事出街小...。

有獎等如無獎

今日有幸分到一份公司每季嘅豬肉獎，不過獎金大縮水得返平時五份一。Anyways，better than nothing！因為有七折卡，夜晚網球部去 Nike 掃貨，結果我同 老闆娘 各買一對鞋、再加條網球褲，成為咗大贏家！之後拉大隊去"拾下拾下"，盡慶而回，全日嘅駛費係獎金嘅十幾倍，哈哈！

莧菜粒辣肉絲通粉

又係 OT 嘅日子，老闆娘 比我早返，趁等我期間好有心機咁玩煮飯仔，是日晚餐係「莧菜粒辣肉絲通粉」。

南瓜肉碎通心粉

老闆娘 作品「南瓜肉碎通心粉」是也！

鮮茄叉燒炒蛋

今晚我比 老闆娘 早收工，見有啲手痕，晚餐一於等有出手啦！圖中所見就係獨門嘅「鮮茄叉燒炒蛋」喇，配原味「一丁」兩大碗。

父親節私房菜

其實今晚係上咗 二少爺 屋企慶祝父親節，晚飯由 二少奶 一腳踢。呀...唔係，個炒蛋好似係二少嘅傑作！Anyways，有得食又可以同 卓言仔 玩足半日，董事長 一樣係比 二少奶 滿分啦！

父親節禮物

老闆娘 今日無去做 Gym，其一係趁天氣好幫兩隻衰仔沖涼。其二就係留响屋企，焗「朱古力曲奇」作為父親節禮物喇。睇個造形就知好味道，董事長 比滿分呀！

肉碎炒蛋撈簥麥麵

又係帶飯嘅時侯，是日午餐係「肉碎炒蛋撈簥麥麵」。

順順利利

原先今晚約咗 大編輯 食半夜飯，所以準備咗部份 job 等佢時做。點知佢尋晚臨時打嚟要改期，比著平時我一定抦佢，不過知佢今次真係有大事要辦，就放佢一馬啦。天朗氣清，一切順利呀！

舊同事

又係 OT 嘅時候，今日 老闆娘 比我早收，所以過咗公司搵我食飯。佢上到嚟見到啲舊同事當然雞啄唔斷，最後仲同 依狄 齊齊食，傾到成十點先散。

Shirley's era (CD+DVD) 精裝版

關淑怡 14 年來首張全新個人廣東大碟 - Shirley's era
收錄超型格主打「地盡頭」、「天規」、「山水」
及 TVB 人氣劇集主題曲: 「只得一次」、「鑽禧」
特別推薦首次與 古巨基 合唱 K 場大熱「男左女右」

首批豪華精裝版 CD+DVD，

全球限量發行 2,000 套，每套均印有獨立編碼

CD 
01. 天規 
02. 地盡頭 
03. 男左女右 
04. 山水 
05. 只得一次 
06. 28日 
07. 鑽禧 
08. 三千年前 
09. 眾生花 
10. 山水 (Remix) 
11. 天規 (Remix) 
12. 花鳥 (國) 

DVD 
01. 地盡頭 M.V. 
02. 男左女右 M.V. 
03. 鑽禧 M.V. 
04. 天規 (Live) 
05. 山水 (Live)

等又再等

今日食晏同放工都重覆做一件事，就係行唱片舖睇下 SK 新碟出咗未。一於所料又延期，最新消息係聽日，但我要返 China office 喎...

迷你魷魚筒

田田 生日派對

應壽星仔要求，今晚同 田田 開生日 K-Party，又唱又食好快就四粒鐘。可能休息夠，今日狀態唔錯喎，高中低 key 都應付自如，唱得非常之盡興。

放假一天

長期唔夠訓之下，抵抗力都會弱啲。而且通街病菌，趁住今日唔太忙，都係放返一日假叉叉電。下晝同 聾貓拳 出去行咗個轉，試佢極力推介嘅蒸飯。夜晚 老闆娘 約咗舊同事食飯，我就情願留响屋企陪 Zero 玩喇！

腿蛋湯烏冬

今晚又係兩個都要 OT，返到去都成九點幾，又係簡單嘅時候，是日晚餐「腿蛋湯烏冬」。

玩豆城

被委派幫公司 HR 做緊一個 project，時間少少但要求多多，成 team 人都做到意興闌珊。今日趁食晏時段，飛去"玩豆城"影咗批相，希望有用啦！

水餃紫菜一丁

今晚兩個都有 OT，返到屋企都唔想大攪，簡簡單單煮個「水餃紫菜一丁」就算。

牛肉炒飯

打完波食完 tea 就打算過愛護動物協會買藥。途經一間出口時裝店，花咗大半個鐘之後，以二百蚊買咗一條褲四件衫，抵！之後返屋企煮飯仔，是日之選係「牛肉炒飯」加外賣「滷水拼盤」。

粟米什菌意粉

今日咁齊人，老闆娘 決定同 二少奶 玩煮飯仔。是日晚餐有「粟米什菌意粉」、「喼汁雞翼」、「青瓜炆草菇」同「清炒菜心」，另加「叉燒」一碟。

芒果樹下

芒果成熟時，今日約晒所有 董事局 成員齊齊玩摘芒果。董事長 抱住第一次摘生果嘅 卓言仔 上上落落嘅時候，同時間 二少奶 就响離地七尺左右嘅樹支上面發現咗一個雀巢，裡面仲有三隻剛剛開眼嘅雛鳥... amazing！由於唔想錯手摧毀個雀巢，決定暫時停手唔摘芒果住，擇日重賽。

Home dinner

又係返老家開飯嘅時候，雖然今日 董事長 好聽話，無再買石班同鮮蝦... 但係就換來一隻完整嘅雞，想點先？

四海一心 - 梅艷芳

作/編曲: 倫永亮　填詞: 潘偉源

我與你遙隔幾千里
血裡卻共有這刻記
永遠共分享　痛悲

要奮勇投向這真理
要決意達到這希冀
寧勇敢犧牲自己
協力圍護你

雖分千千里　而四海一心
天生譜寫上　新的日記
那個怕冒著風吹雪飛
誓要獻上一切去達成
明日真善美　


1989 民主歌聲獻中華 Live

菠蘿午餐肉炒飯

今日 老闆娘 要加班，返到屋企時候都唔早，所以煮簡單方便嘅「菠蘿午餐肉炒飯」就最好喇！

金菇牛𦟌銀絲米粉

煮飯仔時間，是日有先幾日做節後嘅副產品「金菇牛𦟌銀絲米粉」。至於旁邊杯「泡沫綠茶奶茶」係市面新產品，沖水至起泡嘅過程中有大量金屬綠色浮面，確實幾恐佈，下次應該唔會再試！

飛鷹基地

一年前嘅今日正式將 飛鷹基地 遷移到現址，唔覺唔覺就已經成年，時間真係過得快！

Art Center 畢業展

天朗氣清之下打咗兩個幾鐘頭波，爽呀！不過有段小插曲，就係大家比光頭教練纏住話教波而有少少煩躁，好彩最後佢識趣自動消失，唔係都唔知點收科。食完 tea 同 老闆娘 過咗 Art Center 睇畢業展，之後食埋個晚飯就打道回府。

大編輯 家訪

哈哈，一係就唔得閒見面，一係就見足三個星期，死未？今日 大編輯、雞肥 同 動物員長玩 家訪，老闆娘 守諾言煮返幾味招呼客人。「什菌長通粉」+「改良版紅酒雞翼」+「什果沙律」，仲有汽水、零食同雪糕。傾下講下，由原先十點散場拖拉到成十二點，差啲無車搭。

兄弟有喜

喜事重重！繼早前好友中咗市值九百六十萬嘅特別獎 - 龍鳳胎一對，今日又收到好兄弟報喜，中咗大獎四百八十萬，恭喜恭喜！所以話新年講嘅恭喜說話有時都好靈架！^_^

端午節假期

今年端午節可以話毫無節日氣氛，最有過節感覺就只係夜晚同親戚食飯一刻。因為食物豐富之餘，仲有端午必備嘅 - 粽！

CATS Musical in HK

老闆娘 期待已久嘅 CATS，一公開發售佢就已經買定飛。整個歌舞劇由多個單元故事組成，老青少貓都有講到，一隻貓一個故事。歌唱得唔錯，舞台服裝都有心思，值得一睇。不過一張飛成幾百蚊都幾肉赤，好彩個位幾好，可以近距離接觸啲貓。我仲兇過同摸過啲貓，算底返少少咁啦！XDDD

酸瓜牛柳絲炒公仔麵

又到煮飯仔時間，是日晚餐係「酸瓜牛柳絲炒公仔麵」+「蘋果瘦肉湯」。

世界真細小

瑪姬 來去匆匆，離港前一日相約 李老闆 齊齊來過午聚，食到遲咗半個鐘返公司。今日知道咗一位 Diva 級歌手嘅大秘密，雖然無打算同當事人證實，不過答案真係好 unexpected... 呢個世界真係好細！

鮮茄粟米炒金菇

上星期都無時間煮飯仔，趁星期一未開始忙，老闆娘 決要煮返餐先。時日美食有「洋蔥蠔油炆雞翼」+「鮮茄粟米炒金菇」。

I Wish - 劉德華

作曲/填詞：徐繼宗　編曲：Adam Lee

祈望你每次快趕不上班　全人類也會放慢了
祈望你每次放工塞滿車　沿路綠燈都點起了
祈望若果你臉上找到皺紋　通通給抹掉
祈望你可找到一個陪你分享哭與笑　

祈望你最愛聽的一闕歌　零晨白晝每秒地播　
祈望你最愛買的高價衣　全部特價天天清貨
祈望若果你要用餐不必怕　等不到雅座
還是怕找不到一個陪你在這邊坐　你有否想起我

即使你話我土　都衷心祝福你　
不管午夜晨早　不分晝夜於世界某一角落都想你　
可否會皺著眉　寒夜睡覺未蓋被　
只要你覺得需要我的雙手都給你　

祈望你有你愛的花與草　寧靜但眼角帶著笑　
祈望你有你愛的一個他　甜蜜幸福不多不少　
期望若過你偶遇心痛淚流　找不到照料　
仍剩我總給你打氣全明白你需要　縱分開不緊要　

即使你話我土　都衷心祝福你　
不管午夜晨早　不分晝夜於世界某一角落都想你　
可否會皺著眉　寒夜睡覺未蓋被　
只要你覺得需要我的靈魂也贈你

而誠懇祝福不需假設太多　
別問我老了會否仍然來相助　

即使你話我土　都衷心祝福你　
不管午夜晨早　不分晝夜於世界某一角落都想你　
可否會皺著眉　寒夜睡覺未蓋被　
只要你覺得需要我的雙手都給你　
都給你　都給你　我的雙手都給你

澳門之旅 - 微兩篇

澳門之旅 - 暴兩篇

夜半一點鐘

老闆娘 公司有鑊氣，响一片狗吠聲之下，臨時下晝出發上大陸廠跟進。雖然預咗唔會早散場，但最後竟然要攪到成點先返到香港。聽日重要晨早過大海，計劃比啲動物攪亂晒...真係頂佢！

主角大晒

今晚我地又係約咗 大編輯，再加埋半年無見嘅 雞肥，一行四人到旺角 食為先 開餐，商討佢地嘅人生大事。其實講到尾，最緊要知道自己想要乜，其他人多多意見都無用。記住主角應試係大晒嘅！

去掉部份煩惱絲

炎夏將至，決定剪掉部份煩惱絲。收工後相約 老闆娘 齊齊行動，一個長髮變短髮，一個長辮變短辮，加埋剪走幾呎長頭髮，爽呀！

簥麥冷麵

是晚日式晚餐，「簥麥冷麵」+「醬燒雞軟骨」是也。

一晚長大 - 劉德華

作曲：伍仲衡　填詞：徐繼宗．劉德華　編曲：Adam Lee

人大了　方知天有幾高
停下了　方知走了彎路
從晚間　等清早　等青春不蒼老
還尚有　多久等我虛耗

時日太快　無知的小孩一晚長大　
有些愛　身邊擦過　無奈眼光未放大　
才明白　能活於一分一秒　當下仍愉快　
咬緊拳頭不怕捱　青蔥歲月會跑得很快

留下了　不懂把你當寶　
離別了　方清楚你的好　
還要等　數十年　雙手觸摸不到　
才驟覺　很想跟你擁抱　

時日太快　無知的小孩一晚長大
太多愛　斤斤計較　還未算清便分解　
才明白　能活於一分一秒　當下仍愉快　
咬緊拳頭不怕捱　青蔥歲月會跑得很快　

用你心　來盡加一生一世　未來才愉快　
哪管無聊的安排　不可教夢與想被活埋
　
昨天那無知小孩　珍惜你尚有這份情懷

Home dinner

家居維修日

訓醒覺就等 聾貓拳 同電器師傅上門，換廳燈、換廚房燈、換天線，咁就玩咗大半日。多得電器師傅"搵命搏"咁爬上天台更換天線，終於可以穩定地接收高清廣播訊號，唔駛時有時無。最大 bonus 就係接收到非高清台，無錯，本身係收唔到嘅！XDDD

炸彈飯局

今晚 老闆娘 有約，趁空閒上咗 炸彈人 屋企探 炸彈仔，兼且放低兩件玩具。主人家親自下廚，味道唔錯架。

語文能力測試

今晚行程緊密，放工即到 HKPU interview。雖然英文日日講，但係面試又另一回事，好彩都無乜出錯。個考官仲順便 sell 多個英文課程，sell 到一半仲講返中文，攪笑。之後約咗遲到大王 大編輯 食晚飯，成半年無見都仲係咁，一樣無乜點變。

深夜優先場

二少爺 聽聞 老闆娘 想睇"天使與魔鬼"，所以醒咗兩張優先場門票比我地，可以早上畫一日睇！晚飯交收門票時先發覺聽錯時間，成十點鐘開場，套戲仲要差不多兩個半鐘...點算？雖然天使叫我放棄唔好睇，但最後魔鬼勝利，唯有睇完坐通宵小巴返屋企。還好套戲唔錯幾好睇，愈後段愈緊張，就算唔清楚梵蒂岡都唔會悶到訓，上次睇"達文西麥密碼"就睇到頭暈頭痛！

天使與魔鬼 (Angels & Demons)

蘭頓(湯漢斯) 無意中發現「光明會」這個歷史悠久的秘密組織竟死灰復燃，正進行著一項驚世大陰謀，他們為求目的甚至不惜殺人。同一時間，梵蒂岡亦收到「光明會」的死亡威脅。為阻止「光明會」的陰謀，蘭頓 起程往羅馬，在那裡遇到美麗神秘的意大利科學家維特多莉亞•維特勒{伊莉素娜} 及教皇內侍 ，三人遂聯手抽絲剝繭偵破謎團。三人必須與時間競賽，在 24 小時內勇闖密封的地窖、危機四伏的古墓、荒廢的教堂，甚至深入地球上最神秘的地下墓穴，追尋已有四百年歷史的四大古老符號 - 氣、土、火、水的踪跡，找出將炸毀整個梵蒂岡的「反物質」！

自家製雲吞

前晚參加婚禮無返屋企食飯，好在老闆娘一早預留起四隻自家製雲吞比我，時日午餐「蟹柳炒蛋+雲吞湯麵」。

董事級清潔工人

董事長夫婦 掛住 Zero，所以襯放大假入嚟探下隻衰仔。到步後，董事長 眼見一個早被反轉嘅花園，忍唔住出手大掃除。董事長夫人 亦不甘示弱，進攻睡房同廚房。當我地返到屋企時，間屋已經閃令令，一定要出街食餐好嘅慰勞一下啦！

沙龍 - 陳奕迅

作曲：陳奕迅　填詞：黃偉文
編曲：C.Y. Kong/Gary Tong/Davy Chan

對焦　她的愛　對慢了　愛人會失去可愛
記低　這感慨　世事變　有沒有將你淹蓋

只一格　經典的偶遇已　不再
儘量框住目前大概

留住　溫度　速度　溫柔和憤怒
凝住　今日　怎樣　好
捉緊　生命濃度　坦白流露　感情和態度
留下　浮光　掠影　飛舞

每張　都罕有　拍下過　記住過　
好過擁有　光圈愛漫遊
眼睛等色誘　有人性　鏡頭裡總有豐收

雖則那　即影即有售罄　菲林都已拆走
但是衝動用完　又再有

留住　溫度　速度　溫柔和憤怒
凝住　今日　怎樣　好
捉緊　生命濃度　坦白流露　感情和態度
停下時光　靜止衰老

登高峯一秒　得獎一秒
再破紀錄的一秒
港灣晚燈　山頂破曉
摘下懷念　記住美妙
升職那刻　新婚那朝
成為父母的一秒
要拍照的事　可不少

音樂　話劇　詩詞和舞蹈
揉合　生命　千樣好　攝入相簿
絢爛如電　虛幻如霧　哀愁和仰慕
遊樂人間　活得好　談何容易　拍著照片
一路同步　坦白流露　感情和態度
其實　人生並非虛耗　何來塵埃飛舞

Happy Wedding to A&H

同學仔終於搵到佢嘅青蛙王子，在此祝佢地婚後如童話，永遠幸福快樂！婚禮於跑馬地馬會舉行，幸得 李老闆 借出 office 作變身之用，唔係就要帶住球拍著住波衫去飲喇。

母親節 頻撲篇

原本只係打算總動員飲中午茶當慶祝母親節，最後飲完茶再食埋 tea 先散會。跟手我地過去 LCC，點知完咗之後又話再 join 返一齊食晚飯，一共食足三餐。全日最美中不足係晚飯地點朝三暮四，浪費時間之餘仲要兩頭撲，激到本少爺著晒火！

母親節 外家篇

母親節正日有得'飲'，所以要提早慶祝。原先想搵個好地方，不過 外母 堅持玩煮飯仔，所以今晚唯有勞佢老人家喇！

鮮魚肉菜粒炒飯

繼續响唔夠光嘅廚房開飯，時日新嘗試係用鮮魚肉加芥蘭而成嘅「鮮魚肉菜粒炒飯」，味道泊到住茶餐廳！

西芹炒雞柳

廳燈壞咗，時日响廚房開飯，有「蕃茄炒蛋」+「西芹炒雞柳」。

男左女右 - 關淑怡．古巨基

填詞：林夕　作曲/編曲/監製：雷頌德

關︰要接吻　吻感不會像最初
要細訴　聽多幾句便說餓
生日怎過　竟要問我
連那驚喜也懶得給我
講不過　便去躲

古︰我那個　要拖手至像拍拖
要每晚　報導那日我怎過
好像行差踏錯
關︰想識破
古︰從未學諒解體恤我
工作已拖垮我
關︰我疑心有幾多

古︰未說假說話　等於真有心
關︰定要知為何吸引　解心癮
古︰別敏感
關︰我緊
古︰放心
關︰有心
古︰總之不夠細心
關︰最難求安穩
古︰最怕講對白　似亂世佳人
關︰定要表白　肯為愛犧牲
古︰誰向左
關︰向右
古︰最後
關︰同行
合︰全被愛情收禁

古︰Woo…
關︰我對鏡　看多幾眼便要催
古︰該怪誰
關︰與老友　喝得多晚未怕累
親近多些他卻睡去
無法偷偷進駐他心裡
彷彿火　害怕水

古︰送我禮　讚少一句便鬥嘴
染了髮　看漏眼是我不對
不斷纏擾下去
關︰很風趣
古︰還用事業跟她比較
逼我答出金句
關︰我疑心有幾多

古︰有些擔憂未想她知道
關︰人家也為你好
古︰維護自尊　扮演獨行俠都好
關︰你怕與女友比高

古︰oh　我只講責任　不懂講掛心
關︰定要知為何吸引　解心癮
古︰別敏感
關︰我緊
古︰放心
關︰有心
古︰碰撞擦出好感
關︰最難求專一
古︰間中一個人　也是對戀人
關︰定要表白　肯為愛犧牲
古︰誰向左
關︰向右
古︰最後
關︰同行
合︰全被愛情牽引

K 歌之夜

聾貓拳 K 癮發作，臨時相約唱 K 兼食 K Buffet。無預計之下，打完波入到大埔 NW，發現有 SK 新歌唱，正！但係幾時先有新碟聽呢？

豬柳芝士蘑菇漢堡

想過返個悠閒假期，所以唔約任何人，靜靜地响屋企整愛心漢堡。製作過程請到 facebook 觀看！

五一假期

老闆娘 約咗舊同學聚會，唔想阻住佢地 women talk，決定留响屋企執下嘢兼陪下 Zero。

芝士焗南瓜長通粉

老闆娘 今日早收工，又係時候玩煮飯仔喇。

Home dinner 外家篇

今晚返咗外家開飯，三個人四個餸，飽飽！

興隆車仔麵

今晚過 HKPU 交完報名表之後，無心插柳咁响紅館附近 food court 重遇早前响旺角失蹤嘅"興隆車仔麵"。當然忍唔住幫襯，味道同價錢與旺角時期一模一樣，最大分別係無得再用雞雞碗。

以你為榮 - 古巨基

填詞：林夕　作曲/編曲/監製：雷頌德

淚要乾　路要趕　為了誰拼命幹
未見影　未見光　尚有你不失望
沿途白眼在同降　你假裝開朗捱到苦況

病要起　倦要飛　沒有時間治理
讓我生　讓我死　是什麼滋味
成就若要值得恭喜　只因可送給你
回頭看每滴微汗　未負你每日期望　從孱弱活出強壯

我與你　就像渡過千生千世　我要你　沒白白叫心血流逝
誰待我　像垃圾亦無憾無愧　共你牽手上天梯
你有我　但願令你不可一世　我有你　便沒道理可跌低
苦能成甘　不感激你　怎敢說　青春哪有浪費

受了驚　摘了星　沒理誰會贈興
是困境　是美景　用什麼肯定
如忘掉你受的苦水　算是什麼心聲

在浮沙裡　是你　不管我高矮
曾害怕低處未算低　多得你捱出一切

我與你　就像渡過千生千世　我要你　沒白白叫心血流逝
誰待我　像垃圾亦無憾無愧　共你牽手上天梯
你有我　但願令你不可一世　我有你　便沒道理可跌低
苦能成甘　都多得你　不知我　怎麼報答上帝

失去幾多季　得到今日　未算枉費

芝麻蛋糕

是日小玩意，自家製「芝麻蛋糕」兩大個！詳細誕生過程，請到 facebook album 參詳。

Home dinner

又係返老家大魚大肉嘅一餐。

肉片炒娃娃菜

煮紅米飯係比煮白米飯用長好多時間... 今晚又發生煮好晒餸菜，但係煲紅米飯就未得。面對香氣撲鼻嘅「蕃茄炒蛋」同「肉片炒娃娃菜」，決定放棄紅米，即時改 plan 煮兩碗麵，開餐！

一粥麵... 食到黑面

非一般嘅粥麵，價錢貴份量少，味道仲超難食，我好肯定唔會幫襯第二次囉！

地盡頭 - 關淑怡

作曲：謝杰　填詞：林夕
編曲/監製：莊東昕

離別似絕症　已滅亡的高興
令我的背影　於東京結冰
無伴侶認領　怨命也不肯認命　自問仍好勝
往事留舊城　鋪展了風景
世上客機大可幫我逃命
流浪到　地中海　總會蝶泳

誰讓我的生涯天涯極苦悶
開過天堂幻彩的大門
我都堅持追尋命中的一半　強硬到自滿
誰讓我的生活生命被轉換
都記得自己　從未悲觀
只要前度誇獎灑脫　忘掉根本生又何歡

來讓我任性　這情人節即興
獨個攀塔尖　不必等背影
無伴侶做證　也踏破蘇州夜靜　讓庭園掃興
隔岸無舊情　姑蘇有鐘聲
震蕩過的內心只有承認
逃避到　地心都　不會 入定

誰讓我的生涯天涯極苦悶
開過天堂幻彩的大門
我都堅持追尋命中的一半　強硬到自滿
誰讓我的生活生命被轉換
都記得自己 從未悲觀
只要前度誇獎灑脫　忘掉根本生又何歡

飛過天際　走到海角　要捨回快樂
雙手摸索　雙眼搜索　我尚有感覺
心似刀割　總算醒覺　勝地難閉幕
失去感覺　失去知覺　我尚有軀殼 

牛肉火鍋

好好味嘅豬骨煲，我地唔只食晒啲豬骨，最後連湯都飲晒無得剩，要加湯先可以繼續我地嘅牛肉火鍋。

Home dinner

董事長夫人口中，所謂比較‘清淡’嘅一餐... 點解會有煎雞翼嘅？

魚粥腸粉

雖然 Friday Night，但係 老闆娘 仲有少少唔舒服，所以決定返屋企唔四圍走。是日晚餐：魚粥、煎腸粉、水餃麵。