五香肉丁茄子抄公仔麵

覺唔覺得張相影到有少少似米老鼠個頭 ?

粟米豬排燴意粉

老闆娘 同 外母 嘅 crossover 之作。

角式扮演遊戲

兩位 董事 專程到訪，品嘗 老闆娘 預留嘅二十隻餃子作為下午茶。等我地收工期間，兩位 董事 各自各精彩，一個扮鐘點女傭、一個扮寵物訓練員，玩得不亦樂乎。最後等到我成八點鐘，齊齊到大排檔開餐。

私房什菜餃子

今日打完波食完下午茶，就極速回歸，實行私房餃子大計。一早知道包餃子唔簡單，但原來過程同時間比估計中更長。三個鐘頭後，結果大成功，材料足夠包七十七隻之餘，仲夠四個人食。無論餃子外形同味道，外母 同 我一致比九十分！

芒果樹結果中

早前提及過花園棵芒果樹開晒花，原來唔經唔覺間已經開始結果。粗略估計而家有一百幾十粒迷你果實，唔知有幾多個可以成功長大到手板咁大呢？

花園街賺物日

起身後如常玩大掃除，夜晚出咗 LCC，之後徒步行過花園街置新裝。行咗一個鐘已經一袋二袋滿載而歸，又係醫肚嘅時候。路過麵舖竟然未收檔，唔駛再諗食乜，一於食我喜愛嘅「胡椒豬肚雞腳麵」啦！老闆娘 仲身痕買咗啲水餃皮準備包私房水餃添。

專登煮比佢食架?!

因為 老闆娘 公司有突發事要處理，所以臨時放飛機，得我一個返老家開飯。唔好以為人唔到就無口福，雖然我極力反對做外賣仔，但經兩位 董事 一人一句：「啲餸我專登煮比佢食架！」... OK ok... 拎晒佢返去囉！ #_#

金菇肥牛炆米

SUK-E.COM "我手我心填詞大賽"

無論你係論壇會員、資深歌迷、或只係有感而發都歡迎你投稿參加比賽。發揮你寫作潛能，創作一首你我她都有同感的歌曲，向 SK 道出你心底最真摰寶貴的意見 ! 參加資格不限，歡迎任何人仕一齊參與，詳情：Click Here

二少爺家訪

巨人廚房

鮮茄豬排麵

Home Dinner

冬菇炆排骨

菠蘿腸仔炒飯

酸辣茄子炆肉絲

其實今日唔只得「酸辣茄子肉絲」同「清炒西蘭花」，仲有 老闆娘 第一次煲嘅「老黃瓜煲排骨湯」。

Home Dinner

事頭婆 生日快樂！

事頭婆 果然係生日大晒，公司專登停工一粒鐘開 party！見到而家個市咁，唔駛問都知佢嘅生日願望當然係：人人有工做、個個玩芭比啦！

牛車水餐廳

闊少 生日快樂

今日同 闊少 補食生日飯，主角要求食齋，大家當然無反對，只怕太應景啫~ XDDD。兄弟一場，訂位、約人、買禮物買蛋糕，都算對你不薄啦！又大一歲，係時候發力追喇！

繼續... 生日快樂!

都話三月好多朋友生日，今日就輪到 闊少 同 炸彈人。可惜臨時要OT，參加唔到慶祝活動之餘，返到屋企已經成十點幾，連飯都煮唔切，最後過咗隔離屋村幫襯茶餐廳。

姨仔 生日快樂

今日係 姨仔 生日，去咗佢地近期至愛餐廳 露比星期二 慶祝 。今晚無再叫 tallcake，因為 外母 準備咗生日蛋糕响屋企，等齊人先切蛋糕。

茄蛋會貝殼粉

補最後一日假，十點幾先施施然起身。上半畫做完家務，下半畫就同 聾貓拳 過元朗食晏，之後入流浮山睇完海味，再揸車去錦繡附近買泥。剛剛好 老闆娘 放工前返到屋企，是日晚餐係「茄蛋會貝殼粉」。

Home dinner

秘製煎豬排

一餐簡簡單單嘅晚飯。

婆婆 生日快樂

婆婆生日响"西九中心"擺壽宴，所以打完波食完 tea 就過咗深水埗，先上高登尋找心儀嘅 Harddisk。行咗成粒鐘，每個睇中嘅款式都無合適嘅容量，最後決定咗要 WB Harddisk，又無心儀嘅鮮黃色，只好退要求其次要銀色。

第一湯

日式網燒大餐

放最後一日大假，十點幾先施施然起身。上半畫做完家務，下半畫 聾貓拳 上門幫手換燈，之後過舊墟食晏。席間一時興起，攪即晚日式網燒大餐，即時揸車到大埔買海鮮、再到沙田買牛肉。準時八點齊人開餐，食到成十一點！

香草肉碎炒意粉

芒果樹開花

繼續清大假嘅日子，難得無人騷擾，訓到成十一點先起身，一個人慢慢做家務。打理花園嘅時候，突然發現棵芒果樹原來已經開咗好多花，唔知今年會唔會有大量芒果食呢？

Home dinner 2

咖哩蝦炒飯

Home dinner

迷你黃金盒

梅菜排骨飯

E-House gathering

近幾年過年嘅例牌菜，就係上 Ah E 屋企團拜。同往年一樣 Pizza、雞翼少不了，最特別係大家分頭行事入貨，最後竟然買咗同一樣食物，就係「滷水鵝拼盤」。

情人節私房菜

餐蛋一丁

又比同一班同事放飛機，成七點先取消，次次都約到拖拖拉拉，下次都係唔好預我喇！同 老闆娘 返到屋企已經成九點，乜 mood 都無晒，好彩仲有愛心「餐蛋一丁」。

Bonus Dinner

今日 老闆娘 公司突然派花紅，仲差不多人人有份。好事成雙，今晚就放佢一日假，齊齊到「露比星期二」慶祝一下。

Home dinner

大陸廠陸續開工，趁啲 job 未打到嚟，又返老家開餐。

閣樓炒麵

一間表面上無堂食嘅粥店，其實座位隱藏於轉角唐樓嘅閣仔。

己丑牛年初十五

話咁快就初十五喇，本身今日放大假應該好悠閒，但估唔到由起身收到 闊少 SMS 之後就忙過不停。聾貓權、倉務主管 陸續出現!

己丑牛年初十四

輪到網球組團拜嘅時候，由於已經唔係第一次上嚟，大家陸陸續續三點後自動出現。

己丑牛年初十三

今日輪到 老闆娘 嘅朋友上門拜年，起身之後以極速處理家務，最後都係趕唔切去打波。是日再次以天台BBQ宴客。

己丑牛年初十二

六點收工以極速趕到 外母 屋企，參加一個幾四十圍嘅盤菜宴。去到都已經七點幾，盤菜幾乎食咗一半。睇唔出平時迫車塊空地可以放到成三十張枱之餘，仲可以加個舞台仔。成晚見到村長四圍敬酒，氣氛非常熱鬧... 不過一批業餘卡拉之星嘅歌藝，真係聽到大家標晒冷汗 !

己丑牛年初十一

今晚輪到同 高豬 食飯，地點係街市樓上嘅熟食中心，即係以前啲大排檔。整體味道 ok 啦，但係碟燒味拼盤真係無野好講，味道唔錯之餘仲勁抵食，圖中所見有半邊雞、半邊鵝、再加其他都只係$98... 我地懷疑個師傅中咗馬仔囉。

己丑牛年初十

原本約咗一班新舊同事團拜，但係有部份臨時放飛機，所以擇日重賽。老闆娘 即時改 plan 返屋企煮飯，是日晚餐係「豬肉碎炆豆腐」+「清炒白菜」。

己丑牛年初九

正式開工喇！由於好多廠未開，美個又無乜新野到，全日比意料中清閒。响公司最忙都應該係派利是段時間，話晒新婚後第一次派，當然要主動出擊四維走啦！不過下年各位同事就自動自覺搵我喇~ XDDD。夜晚上咗 師姐 屋企拜年兼開飯，因為太耐無見，老闆娘 傾到唔捨得走，返到 飛鷹基地 已經十二點幾喇。

己丑牛年初八

因為要帶 Zero 睇醫生，所以 老闆娘 今日請咗假。放低 Zero 响動物診所之後，就出城去拜年，目的地同樣係一間診所，都幾搞笑！由於想買多個 portable harddisk，去黃金行咗轉，順便去食我喜愛嘅「豬油渣麵」。食飽飽之後就趕返去接隻衰仔返屋企。

己丑牛年初七

牛年第一個星期日，當然要打返場開年波，兼到球場派利是啦！打完波食完 tea 入咗西田行街街，順便買新年禮物。夜晚就約埋 大海 去食 Ruby Tuesday 嘅 Steak 同 Tallcake。

己丑牛年初六

今日輪到 契媽 家訪，所以一早起身打掃好地方，準備招呼貴賓。原先打算嚟個下午茶 BBQ，但 契媽 唔想我地麻煩，最後坐咗一粒鐘就拉大隊揸車出去食晏。家訪比預料中早完結，臨時決定去街市買餸玩煮飯仔。是日晚餐係「咖哩金菇肥牛炒烏冬」。