己丑牛年初五

上晝一個人响屋企輕輕鬆鬆做下家務，之後同 聾貓權 到中大搵 奇異果 飲午茶。近黃昏時候上咗"潮特"掃場派利是，夜晚就約咗 大佬夫婦 食飯兼拜年，仲收到一份好靚嘅入伙禮物，正！

不明發光物體

話說今日坐巴士到旺角期間，車程中見到一個不明發光物體响天空。大約五點左右，巴士駛至九龍塘，天朗氣清，天空清楚見到淡白色嘅月亮同右邊一粒好光嘅星。當時我一面聽MP3一邊望𥦬睇風景，忽然發現多咗一粒好光好光嘅物體，好似一個大光燈咁掛响天上另一面。我望住個光點最少十至二十秒，光點完全無移動過。心諗唔會係日光日白見到 UFO 掛，可能只係一粒泛黃光嘅星星呢？所以我望返另一面嘅月亮同星星想作比較，但係再回頭已經唔見咗個光物體... Well，我唔敢講佢一定係 Unidentified Flying Object，唯一可以肯定係，原來自己見到時，唔係想像中咁雀躍同興奮囉！

己丑牛年初四

公眾假期完畢，老闆娘 一早起身返工，而我就繼續公司額外三日嘅新年假期。訓醒開電腦上 MSN，見到一班久違咗嘅朋友，齊齊拜個年。下晝約咗 任先生 食 tea，之後上佢新工作室參觀。夜晚就集齊成個董事局成員，六大一細，上咗 契公 屋企食開年飯。卓言仔 見到外藉"太公"一啲都唔驚，仲識得自己轉講英文，果然係聰明仔！今晚見到 契公 非常開心，原來間屋已經好幾年未試個咁熱鬧，所以為咗招呼我地一家，重開咗個飯廳。既然老人家咁開心，出年一於再嚟過！

己丑牛年初三

今日訓醒先到 外母 屋企拜年兼食午飯，之後就返屋企準備，等 董事長夫婦 同 二少爺一家 入嚟拜年。卓言仔 帶咗兩件狗玩具送比兩隻衰仔，開心到 Zero 全晚不停四圍走。應大家要求，時晚菜色係私房火鍋+中文版"花鼠俱樂部"。當食到七七八八嘅時候，又收到 聾貓權 電話約睇戲，火速收拾好地方，司機已經駛到門口。由於趕開場，上車、落車、到便利店、入戲院、笑、笑、笑、再上車、返到屋企，前後兩個鐘同司機都傾唔夠三十句，勁！

家有囍事 2009

樂也融融的余宅一家四口，父親余春、母親 Selina、長女余珠及幼男余寶。寶 一向愛情至上，但因「長女未嫁，弟妹不能嫁娶，否則多災多難」的家規，所以情路上一直不能開花結果，而偏偏 珠 卻是推祟「單身」及「女人不一定要結婚」的寫作界女強人。為此，寶 聘請專門解決愛情問題的愛情治療師 曹廸克 進入 珠 的出版社工作，以其專業技巧令 珠 一顆枯萎已久的芳心再次茂盛起來。因為 曹 出現，珠 在72小時內由兇惡無比變成嘴角含春，決跑到千島湖見愛郎一面。珠 發現 曹 正在追求 小敏，妒意一發決定跟蹤，因而遇上在私家偵探 L。珠 霸道倔強，L 則談吐斯文，但 珠 每每被 L 折服只能留在身後當小女人。單純的 敏 如何令 曹 明白愛情真諦? 天意如何作弄 寶 及 哨牙珍? L 究竟是何許人? 珠最後芳心誰屬?一切一切讓觀眾笑着尋找答案...

*片名雖為"家有囍事 2009"，但卡士不能與當年同日而語。內容笑料不至於令人"爆笑"，整體總算合格，加上眾多"串"星，新年期間可以一看。

己丑牛年初二

年初二繼續九龍一日遊，第一站係到深水埗食開年盤菜。之後沿地鐵，以步行方式一區一戶，到訪太子、旺角、油麻地。原本尾站係入藍田，不過太遠喇，改為應 熊貓權 之約，返 暴力熊之家 食 Pizza 同睇 DVD。是晚大電影係「史力加 3」。

己丑牛年初一

大年初一訓醒覺裝好身之後，先向青衣出發。逗留半個鐘就趕返老家同 董事長夫婦 拜年，兼食開年午飯。今日嘅餸比平時多一倍有多，六大一細要應付九個餸菜，結果當然係"年年有餘"啦，邊可能一次過食得晒。飯後小休再到九龍灣，嚟多一轉餐榚點下午茶。要拜年嘅地方實在太多，下一站九龍塘，逗留一粒鐘之後再到九龍城晚飯。途中收到 熊貓權 電話，約定時間順路車埋我地返屋企。最後再加一個特備節目，就係十點過後 熊貓權&奇異果 帶同湯丸上門拜年，老闆娘 出手再煮一客糖水宴客... 今年初一實在太"滿足"喇！

新年快樂!

祝大家:

牛年事事順景, 身體壯健如牛!

年三十晚

原先諗住全日留响屋企大掃除之後二人世界，不過日落時分收到 外母 電話叫返外家食團年飯，當然要陪下老人家啦，即時改 plan。食完飯繼續返屋企大掃除，抺𥦬抺地洗露台，仲要去花園鏟 Zero 嘅遍地黃金，做到頭都暈。

團年飯+週年紀念飯

慶祝 董事長夫婦 嘅結婚紀念日，順便一次過當埋團年，响紀律部隊俱樂部食 buffet。大少二少、契仔契女、再加上襯家(外母)，十二大兩小食足三粒鐘。

Annual Dinner 09'

又到咗一年一度嘅 Annual Dinner，公司特準早收，三點幾就鬆人同同事去久違咗嘅 Karaoke 唱到開場。今年宴開約五十席，繼續响老地方舉行。一如往年有同事載歌載舞、有嘉賓表演、有大抽獎。雖然乜都抽唔到，不過一樣咁開心，因為散場之後就正式放連續十日嘅農曆年假喇！

快樂是免費的

為社會出心出力又出錢嘅歌手買少見少，開音樂會仲要免費入場，你又會唔會有時間到場支持呢?!

團年飯第一擊

團年飯第一擊，勁多款式同份量，合十二人之力都只能夠 KO 約七成。最後位位打包一份，返屋企繼續努力~ XDD

梅菜蒸豬肉

梅菜蒸豬肉+粟米炒蛋

瑞士汁雞翼

老闆娘 今次小試牛刀，試煮一個細份量嘅 瑞士汁雞翼。結果挑戰成功，雞翼肉嫩而入味，新年期間又多一款小食招呼客人喇！

崖の上のポニョ - 藤岡藤巻と大橋のぞみ

『崖の上のポニョ』の主題歌です。
　　
ポーニョ ポーニョ ポニョ さかなの子
青い海からやってきた
ポーニョ ポーニョ ポニョ ふくらんだ
まんまるおなかの女の子

ペータペタ ピョーンピョン
足っていいな かけちゃお!
ニーギニギ ブーンブン
おててはいいな つないじゃお!

あの子とはねると 心もおどるよ
パークパクチュッギュッ! パークパクチュッギュッ!
あの子が大好き まっかっかの

ポーニョ ポーニョ ポニョ さかなの子
青い海からやってきた
ポーニョ ポーニョ ポニョ ふくらんだ
まんまるおなかの女の子

フークフク いいにおい
おなかがすいた 食べちゃお!
よーくよく 見てみよう
あの子もきっと見ている

いっしょに笑うと ホッペがあついよ
ワークワクチュッギュッ! ワークワクチュッギュッ!
あの子が大好き まっかっかの

ポーニョ ポーニョ ポニョ さかなの子
崖の上にやってきた
ポーニョ ポーニョ ポニョ 女の子
まんまるおなかの元気な子

外家做節

今晚返咗外家做節，由於有成廿幾個親戚人強馬壯，所以要分兩張大枱同用兩個爐先免強應付得到。

車路士之家

朋友仔新婚後將屋企重新裝修，今日招呼各波友家訪。一打開門就見到全屋都布滿 車路士 嘅產品，如果你係車路士迷一定樂而忘返。可惜我住到九里之外，當大家飲飽食醉等睇波嘅時候，我同 老闆娘 已經要趕車返屋企喇。

崖上的波兒

導演:　宮崎駿　　音樂:　久石讓

故事發生於一個仍然憧憬有魔法及奇蹟發生的世界，場景是位於海邊的小鎮及懸崖上的小屋。小魚波兒一次偶然機會下遇上男孩宗介，成為好友。為了要跟好友一起生活，波兒不惜冒險，離開熟悉的海洋，希望成為人類。而宗介，亦一諾千金，為好友保守著一個承諾。Click HERE

＊如果唔係作者一早聲明故事背景係一個被海洋包圍嘅魔法世界，我會有好多疑問。整體都睇得大人細路開開心心，"Ponyo Ponyo..."日版主題曲應記一功。至於中文版嘅歌詞就真係幾嚇人囉，聽到頭都痛埋！

芋頭炆排骨

今晚原先成組同事應承咗出席印刷廠嘅 Annual dinner，點知今朝開始陸陸續續收到其他同事放飛機話唔去，最後剩返我一個。Well，以我一個咁低職位嘅員工又點可以代表咁大間公司呢？所以決定返屋企陪 老闆娘 食飯，佢仲專登煮新菜式"芋頭炆排骨"等我，好味！

Home Dinner

黑色 W595 到手

期待已久嘅生日/聖誕/新年禮物 - 黑色 Sony Ericsson W595 終於到手！話說黑色市面已經斷咗貨，原先想等第二水大貨，但係經明查暗訪之後得知除咗果款嚇人嘅 粉紅色，農曆新年前都一定唔會有新貨到。幾經考慮之下，決定放棄大型電器公司嘅贈品，直接同電話網絡公司購買。唔好以為咁就好容易，原來大部份嘅公司都一樣無黑色存貨，好彩最後响 壹零壹零 搵到一部，仲攞到個九折添，今個新年有新手機用喇！
SE-W595 Data ---> Click HERE

栗子薯仔炆雞翼

要一個本身唔食栗子嘅人，用栗子去煮餸，仲以為會有少少難度。點知一樣都係難唔到 老闆娘，味道絕對OK，成碟餸比我清晒一粒不剩！XDDD

鮮蕃茄火鍋

平均全日都得幾度，如果無太陽真係企响球場會結冰。天寒地凍 熊貓權 又心思思約我地食私家火鍋，一早買定料等我地。上次食過翻尋味，今晚再加重蕃茄，紅海一樣，正！

胡椒豬肚豬骨雞腳麵

一覺訓醒斍然無水，攪咗大半粒鐘先有返水，一額汗。趕出旺角同大陸親戚飲茶。夜晚出席完LCC，凍冰冰就想食啲勁熱嘢，所以就過咗花園街食"胡椒豬肚豬骨雞腳麵"。食完全身發滾，暖晒！

水餃湯鴛鴦米

南瓜蛋蓉

今晚嘅美食新煮意係 老闆娘 第一次煮嘅"南瓜蛋蓉"同"豉汁排骨炒西芹。個"南瓜蛋蓉"值90分，我唔敢肯定係唔係由 老闆娘 原創，但我就無响街食過囉！

芝士南瓜焗飯

今日 老闆娘 又準時收工，所以有時間攪下新菜式。八點零鐘返到屋企就剛剛好可以開飯，是日精選係 芝士南瓜焗飯 + 熱奶茶 +「十日談」DVD。

捨飯取麵

今晚都幾好笑，話說我大塞車成九點先返到屋企，點知仲未開得飯... 原來煲紅米飯煮咗成個鐘都未OK，但係餸又已經煮好晒。最後決定放棄煲飯留返聽日食，今晚煮公仔就算。XDDD

地球大合唱 - 群星

作/編曲：顧嘉輝　作詞：林振強

徐小鳳：人心關起會細小如塵　不可以載起旁人　麻木閉塞一生
關正傑：人海內有億萬人　其實都可拉近　如人類不自困
梅豔芳：人心張開會有光無窮　張開有暖火熊熊　紅日那般高溫
羅文：如可讓每顆心聯盟　無論遇多少的厄困　也可沖出迷陣
葉麗儀：齊心喚醒心中那火太陽　去將四海黑暗變明亮
張學友、鄺美雲：齊心用愛做豔陽投射去　使苦痛之軀再獲能量
葉麗儀、許冠傑：如肯喚醒心中那火太陽　
許冠傑：世間有天總會更明亮
呂方、林憶蓮：如肯爲建造未來齊奉獻　始終有一天　這地球會合唱
譚詠麟：人心關起會細小如塵　不可以載起旁人　麻木閉塞一生
陳潔靈：人海內有億萬人　其實都可拉近　如人類不自困
葉倩文、林子祥：人心張開會有光無窮　張開有暖火熊熊　紅日那般高溫
張國榮：如可讓每顆心聯盟　無論遇多少的厄困　也可沖出迷陣
鍾鎮濤：齊心喚醒心中那火太陽　去將四海黑暗變明亮
陳百強：齊心用愛做豔陽投射去　使苦痛之軀再獲能量
葉倩文、林子祥：如肯喚醒心中那火太陽　
林子祥：世間有天總會更明亮
甄妮：如肯爲建造未來齊奉獻　始終有一天　這地球會合唱

合唱：
若你我他　喚醒心中那火太陽　世間有天會更明亮
攜手爲建造未來齊奉獻　始終有一天　這地球會合唱

女合：齊心喚醒心中那火太陽　去將四海黑暗變明亮
男合：齊心用愛做豔陽投射去　使苦痛之軀再獲能量

合唱：
攜手喚醒心中那火太陽　世間有天總會更明亮
攜手爲建造未來齊奉獻　始終有一天　這地球會合唱
齊心喚醒心中那火太陽　愛可過山越洋除邊疆
攜手爲建造未來齊奉獻　始終有一天　這地球會合唱

電飯煲雲吞雞

打完波飲完茶，接埋 老闆娘 上信和行咗個圈，順便睇下最近玩具精品嘅行情。因為有幾首 梅姐 嘅舊歌我未有 CD version，所以臨走時買咗套精選 CD。夜晚返咗老家食飯，今晚嘅新煮意係"電飯煲雲吞雞"，勁哩！

返工星期六

每年年頭公司都有會一批大客到，所以星期六都要返工 standby。前後返咗八個鐘，不過今年有補假喎，都 OK 啦。

新年煮飯仔

一月一日，新年新開始。訓醒覺執一執間屋，之後換衫去食 brunch。食完悠悠閑去買日用品、買麵包買餸，跟手就返屋企睇「地心探險記」DVD。今晚 外母 過嚟一齊食，我地準備咗 豉汁蒸排骨、清炒西蘭花、燒味雙拼同我出手嘅叉燒炒蛋，都OK好味架！

Happy New Year!

各方好友，新年快樂！

祝大家 2009 年，

各方面都穩穩定定，身體健健康康！

除夕晚餐

每年除夕都出街一班朋友齊齊倒數，今年決定反樸歸真過吓二人世界。公司放早，五點幾已經同 老闆娘 响街市買緊餸，六點幾就返到屋企準備。除夕晚餐有 磨姑忌廉湯、牛油焗薯、澳洲牛排拼雞骨賜、黑白紫三色雪糕。兩個人兩隻狗，四對眼齊齊睇住煙花直播迎接 2009 年！

今夜只因您08 - Anita Mui 紀念晚會

夜遊工展會

上年尾勁忙無去到工展會，所以今年預留一晚去掃貨。七點左右到場，買咗個小食打定底就正式開始。大戰兩個鐘之後，兩個人四個大袋，用咗唔駛一千蚊。可能平日晚關係，人數比意料中少，地方唔太迫。不過唔係每間舖都真係比街外平，如果想去掃貨嘅記得睇清楚先買喇！

她的一生 - Anita's Fan

曲、詞、唱：Patrick Jee　編 : A-Day @ Day

她　一生太崎嶇　仍可努力面對　眼未流過淚
她　從不肯吐苦水　夢想縱被粉碎　仍不怕風雨吹
就算她　得不到鼓掌　仍可快樂的唱　震撼和漂亮

她　跟她的歌聲跟風聲協奏
她　跟她的身影飄泊於四周
她　跟她那戰友默然地戰鬥　未曾認命地說回頭
她的一生不屈不撓的奮鬥　身心多少傷口也未退後
一雙手 創出所有
(今天今天今天星閃閃 想起聽她聽她的每天
今天今天今天星閃閃 想起聽她聽她的每天)

當天　她終得到金獎　憑歌努力的唱　變了別人偶像
縱使她　贏得世界欣賞　身邊卻沒找到　一位知己去分享
她經得起多少滄桑的退變　多少真心痴心一一都化煙
一生相信友愛便能達永遠　未忘　義氣在前
一生幾多得失通通不計算　只想等這一天世界美善
憑她捐獻　已被加冕

她的悲哀傷心都消失遠去
她心境本應可清得似水
可惜她那摯友突然沒說半句　便離去　令她心碎
她的光輝一生匆匆的過去　披起婚紗的她 於堡壘
揮揮手 微笑別去
(今天今天今天星閃閃 想起聽她聽她的每天)
她一生 誰延續下去
(今天今天今天星閃閃 想起聽她聽她的每天)

請進入「芳心薈 Mui Nation」網頁試聽---> HERE

梅姐... miss you much!

聖誕 DLS 聚會

今晚 老闆娘 有得"飲"，我就約咗 DLS 班嘩鬼聯誼。十幾個人食乜好？咪又係打邊爐囉，貪佢食幾個鐘都無問題嘛。不過呢班友仔實在太嘈喇，嘈到後面房班醉酒佬拍牆，好彩最後都無開拖。又係玩交換完禮物，完場時間啱啱好，可以順路接埋 老闆娘 返屋企。

聖誕 BBQ Party

今日係 House warning+舊同學聚會。徇眾要求响天台開 BBQ party，仲勁播九十年代嘅歌，攪笑。今次 老闆娘 除自製蘋果沙律外，仲試埋炭燒銀雪魚，yummy！食飽飽之後交換禮物，影埋相已經成十一點幾，唯有散場！

聖誕火鍋

訓醒覺搵 董事長夫婦 飲茶，兼送聖誕禮物。隨後約咗 熊貓權 慶祝，先揸車入大埔掃貨，再車我地返屋企攞交換用嘅禮物。今日個火鍋試用‵咗蕃茄湯底，十分好味。四個人慢慢食慢慢傾，再睇埋碟，散場時已經係 boxing day。

平安夜派對

今日連踩兩個 X'mas Party。第一個係公司攪嘅，叫咗兩間唔同嘅到會响 Studio 攪。餘慶係交換禮物同抽獎，一如往年乜抽唔中。夜晚同部份新舊同事响加太賀訂咗間房，大家攜眷再嚟一個私人派對，再一次交換禮物。完場後換地方再食一轉甜品，跟手坐 美腿叔叔 車入咗大埔轉火車。

2008 Merry Christmas!

Dear Reader, 

Merry X'mas! 

Best Wishes,

JimmyPlayground

少年維特 - 何韻詩

作/編曲：陳奐仁 + 何秉舜@goomusic 　填詞：黃偉文
監製：陳奐仁 for The Invisible Men / 何秉舜@goomusic / hocc@goomusic

怎麼得我一個煩惱　命運像殘酷旅途
在校內交不到朋友　在網上嬴不到武士袍
怎麼給我這對父母　鬧鬧鬧還話我嘈
別人十三初試甜吻　但現在連初戀也並無
只能　自卑兼憤怒

恨我不能擁有個地牢　誰也不必理會最好
你為何話我　常在鏡前投訴
溫室裡長高　從來無能力　殺出新血路
難題是我所製造

你為何話這　純屬少年煩惱
不知我已經　絕望得比你早

波打輸了　考試來了　又用盡零用錢了
瘡瘡多了　家要回了　外貌又無波比那樣潮
珍藏　漫畫遭棄掉
沒有一人相信我寂寥　誰也冤枉我在撒嬌

你為何話我　常在鏡前投訴
溫室裡長高　從來無能力　殺出新血路
難題是我所製造
你為何話這　純屬少年煩惱
不知我已經　絕望得比你早

你為何話我　常在鏡前投訴
溫室裡長高　從來無能力　殺出新血路
難題是我所製造
你為何話這　純屬少年煩惱
即使你早知　人明天非更好

Faithfully VS Unexpected

年尾各唱片公司都趕標尾會，CD 出完一隻又一隻，對於我地呢群支持正版嘅樂迷就大出血喇。今日就買咗 梅姐 嘅"Faithfully (3CD+DVD)"同SK 嘅"UNEXPECTED Shirley Kwan in Concert 2008 - Live 2CD". 前者外表包裝精美，但內裡求其馬虎... 月曆左右掉轉咗釘裝 cut 到晒啲相同歌名，隻 DVD 部份片段又剪接到不倫不類，失望！後者比預期中好，但部份歌目不翼而飛，希望出 DVD 時會收錄返啦！

離家出走

尋晚有大事發生... 話說 Zero 唔聽話四處小便同亂咬家傢俬雜物，老闆娘 一怒之下趕隻衰仔出門口。起初隻衰仔都驚到唔敢行，但大半個鐘頭之後就開始作反，响村裡面追貓追狗四團跑... 雖然每次叫佢都會即時走返嚟比我見到佢，但係直至半夜三點幾都多次過門不入，最後我唯有狠下心腸關門早抖！好彩如我所料，起身出露台已經有佢蹤影... 老闆娘 即時飛撲落樓大喝一聲，之後佢就死狗咁返入屋... 事後諗返，如果起身真係唔見咗佢點算好呢？大家都好有可能會後悔喎，好彩家陣無事咋！

Faithfully (3CD+DVD) (限量豪華套裝)

梅艷芳 (Anita Mui) 不滅光芒 萬世留芳!
紀念 Anita 踏足舞台26年及逝世5週年
東亞華星 2008 經典重燃

3CD 收錄45首 ANITA 歷年得獎金曲及經典代表作:-
似水流年 / 壞女孩 / 夢伴 / 胭脂扣 / 夕陽之歌 / 孤身走我路
/ 珍惜再會時 / 一舞傾情 / 情歸何處 / FAITHFULLY...等
及 經典 / 罕見電影主題曲:-
緣份 / 似是故人來 / 何日 / 女人心 / 夜香港 (電影《奇蹟》插曲)...等

DVD 收錄 ANITA 歌唱生涯中15個重要片段及演出, 包括:-
新秀歌唱大賽得獎歌曲: 風的季節
樂壇至高殊榮-金針獎之經典國語金曲匯串/ 鑽石偶像大獎
無線電視及香港電台等...多個精彩演出

紅酒牛柳炒烏冬

哈哈，今晚剩係掛住食，唔記得摷塊牛柳出嚟先影相添。

The Ten Days of Christmas

由2008年12月16日至2009年1月4日於海港城舉行何韻詩慈善基金《The Ten Days Of Christmas》展覽。今次展覽將引領大家進入不同的空間經歷十個不同的主題。同時會展出一些精神病患者的作品，希望大家從不同的角度去了解精神病者的世界，並喚起大家對弱勢社群的關注。
詳情可到網址：www.harbourcity.com.hk

破壞王實錄

以下圖片不適合兒童觀看及模仿。

青紅蘿白豬骨湯

青紅蘿白豬骨湯 係其中一個"賣飛佛"嘅湯，暴光律一向偏高。但自從 董事長夫婦 知道兩隻衰狗鍾意食之後，差不多變成咗例湯一樣。

廣深公路 - 黃耀明

作/編曲：梁基爵 @人山人海
填詞：周耀輝　監製：黃耀明．梁基爵@人山人海

能望到
最遠那個邊界亦能望到
最近這裡總有一個笑容
如面前有你照片中　穿梭公路中

能遇到
最遠那個災劫亦能遇到
最近這裡總有一剎胃痛
命運像大貨車竟天天操縱
路上做一個半個美夢
和你某天開舖

穿過千個荒野還未到
兜過千個方向還未到
親愛的　如時代冷酷
也要去上路　如前面有路
衝過千里千里還未老
只要想見的你還未老
向著你　再遠也去得到
很多稀罕的　將得到

要上路
疲倦到　最遠那個家也懷疑就到
最近這裡總有一切國度
會去到　如前面有路
穿過千個鄉鎮還未到
兜過千個交界還未到
親愛的　如時代冷酷
也要去上路　如前面有路

衝過千里千里還未老
只要想見的你還未老
向著你　再遠也去得到
很多稀罕的　將得到
在想的　想得到
在趕的　趕得到
在上路

能望到
最遠那個安慰亦能望到
最近這裡總有一對眼紅
如抬頭看看破天空
廣深公路中　撐得到
一些小幸福　可得到

鹽焗雞翼菜飯

Ten Days In The Madhouse

已經知道今個月最小有四張 CD 會買，荷包將大出血。第一張係今日買嘅 HoCC "Ten Days In The Madhouse"，大碟以精神病為主題，細閱歌詞你就會感受到當中嘅誠意。套用悲劇英雄懞面超人簡直神來之筆，熟悉漫畫特攝嘅人一定有共鳴。全碟最愛「美空雲雀」-"同病抱擁，扶持上進，天下為公，靠攜手相信"-大家做得到嘛？!

柔王丸 & 櫻姬

今日喺日本玩具網站見到兩個期待已久嘅玩具，就係其中一套我好鍾意嘅漫畫「模型神童三四郎」嘅主角機械人 - 柔王丸 & 櫻姬。一向漫畫版所出嘅產品都係首版模型為主，要自己上色同砌餐死，重要款款價錢過千，點買得落手？而家只要三百蚊左右就有一對多色成形全關節可動嘅 柔王丸 & 櫻姬，仲想點？當然，如果顏色可以跟足漫畫設定就更開心啦！

芝士賜粉絲菜粒炒紅米飯

係咪有少少熟口面哩？其實係上星期另一款粉絲炒飯嘅進化版，今次加咗芝士腸，味道又真係啲有分別。

梅菜蒸肉餅飯

UNEXPECTED Shirley Kwan in Concert 2008 - Live 2CD

等咗半年終於推出有期，聖誕禮物又多一個選擇。照現有 song list睇，又有七首歌 unexpected 唔見咗，又係版權關係？!

咖哩雞縲絲粉

咖哩雞縲絲粉... 做節後嘅副產品，仲記唔記得果一鍋特大咖哩雞翼同白切雞呢?

美空雲雀 - 何韻詩

作/編曲：陳奐仁 + hobing@goomusic
填詞：黃偉文

誰那間套房　能永不透光
來鑽一線光給你　如你准我幫
同看一片天　同處一個房
人世間裡　不只你　不只我
等釋放　等解放
發著狂　發著狂　仰望

看著藍天空　穿了一個洞
有誰還可以　信奉
同病抱擁　扶持上進
天下為公　靠攜手相信

還有一殼水　還有一塊糖
還有一個關心你　還有一線光
鄰隔一塊板　同你一個房
還有一眾　一千個　一億個
不只你　不只我
撐著場　咬著牙　渴望
看著藍天空　穿了一個洞
有人還可以　信奉

要是人心中　穿了一個洞
你如何衝過　惡夢
門別再封　閒人勿進
想像晴空　有雲雀相送

嘰嘰婚宴

今日係 嘰嘰 嘅大喜日子，恭喜恭喜。打完波專程返屋企換衫，原先想等埋 大編輯，但佢响大陸趕唔倒返嚟，唯有一支公出席。玩具迷嘅結婚紀念品當然係玩具，超限定 Be@rbrick 當晚已經派晒比嘉賓，有無人想收購？XDDD

提早做節

今日飛鷹基地非常熱鬧，八個大人、一個細路、再加兩隻傻狗通屋走。間屋夠大真係有好處，咁多人都唔覺迫。董事長 同 卓言仔 追住兩隻傻狗跑上跑落、董事長夫人 就捉住兩個新抱响廚房指手劃腳、二少 同 私人助理 就响基地倉庫尋寶、我就當然要睇住個場全屋四圍走啦！全日嘅重頭戲就係 老闆娘 第一次煮八個人嘅飯喇，連外母都專程過嚟食。

今夜只因您 08'

當天下午兩點開始，歌迷會 會在九龍塘省善真堂拜祭 Anita，大家隨時可前來向 Anita 致意。到了晚上，歌迷會 會舉行齋宴及悼念晚會。

齋宴
時間：7:00 pm
地點：省善真堂 (九龍塘律倫街7-8號)

Anita 悼念晚會
地點 ：律倫街兒童遊樂場 (省善真堂旁)
時間 ：8:00 – 9:00 pm
費用 ：免費開放予公眾人士參加


如有任何查詢請聯絡歌迷會.
25562695 / amifc1985@yahoo.com.hk
歌迷會會址 – 香港北角電氣道148號10樓1003室

雜菜粉絲蟹柳炒紅米飯

今日午餐係 雜菜粉絲蟹柳炒紅米飯... 如果唔加蟹柳，咪即係齋炒飯? 估唔到咁清哩!

破壞王 - 零狗

唯一的明星 - 異人

當我見到天上星星　總會想起妳
總會記得當年妳的臉
曾令我遠比星星笑得多
可惜天要我們痛惜別　世事嘆奈何
今妳遠走星河暗淡
懷念妳在這星空　照耀過

妳是我銀河星星　讓我默默愛過
散盡那柔柔光輝　盡解心裡鎖

此際見到光明星星　心裏想　想起妳
倘若有天星河燦爛
唯獨妳在我心中熾熱過　

*送給親愛的 梅姐，梅艷芳

 (OT: 明星)