SK Happy Birthday!

草菇腸仔小棠菜紅米飯

黃埔飯局

話說 力奇 做緊間公司即將搬返入豚門, 到時可能一個星期都唔出一次城. 所以臨別秋波約大家食飯聚一聚. 由於大家出現旺角嘅密度實在太高, 今晚轉戰黃埔.

天真 - 杜德偉

曲/詞︰小蟲　編︰GEORGE LEONG

愛你的心　愛你的人
愛你在早晨　愛你在黃昏
我無時無刻　無所不能的為你
耐心的等　等你來疼

對你的愛一天天的加深
哪怕結果會殘害我一身
火熱的心　水不熄　風吹不冷
只希望能和你共渡一生

我這個愛人　有點天真
有點點愚笨　對愛沒天份
愛你的眼神　愛的天真
緊閉的雙唇　只願等你親吻

想你的心　想你的人
想你在早晨　想你在黃昏
我無時無刻　無心無魂的想你
我願意忍　我是認真

鮮茄燴縲絲粉

二少爺 生日快樂!

天水圍生日飯

聽日係 二少爺 生日, 見今晚唔駛 OT, 一於同老婆飛入天水圍同佢食返餐生日晚飯. 第一次地鐵轉西鐵再轉輕鐵, 車程的確幾快, 不過坐輕鐵時架車左搖右擺, 真係唔係好掂! 沿途不斷撞見朋友, 先係 傻仔圈, 之後就 糖果紅夫婦... 香港真係細!

額外假期

天文台終於叻返次, 唔再拖拖拉拉, 爽快咁上咗八號風球. 多咗日假當然要執下新屋啦, 執到下晝收到外母電話已經煮好午飯, 正! 食飽飽繼續再執過, 直至夜晚落風球先收手. 忙咗一日, 換衫出去行街街, 之後再到超級入貨, 悠悠閒咁渡過一日假期.

勁辣什丸麵

今晚老婆約咗朋友, 一條友開完 OT 就返屋企玩煮麵. 包裝明明話勁辣, 但係煮好之後不外如是啫... 食完做下家務順便執下間書房, 眨下眼老婆就返到喇.

住家飯

正正常常嘅星期一... 同平時一樣咁多嘢做, 同平時一樣咁多電話, 同平時一樣咁比大陸個助手激到想即時坐車去打鑊佢... 唯一唔同係一放工就想飛返屋企食住家飯囉!

小休復出

個半月無打網球, 今日終於有波打, Yeah~ 不過 book 唔到場要打夜波, 同埋無打一段時間, 成日企响度唔係好想追波, 嘻嘻! 夜晚食飯, 話題離不開 Bigday 趣事, 又知返多少少當晚情況喇!

梅艷芳國際歌迷會訊

News from Anita Mui Int'l Fan Club
歌迷會決定招收新會員, 歡迎所有喜歡 Anita 的朋友成為 梅迷 的一份子, 有關詳情及表格請電郵致歌迷會索取!

現在可以立即行動 - Email : amifc1985@yahoo.com.hk

鹽焗雞排紅米飯

大佬生日快樂

大佬生日快樂，今次婚禮多得你幫手，麻煩晒！遲啲再請你同阿嫂到我地新屋坐下。

婚後開工日

婚假後第一日返工, 不出所料一地狗屎要清理. 所謂嘅 backup 同事如同隱形人, 我放十日假手頭上嘅 job 就幾乎丟低十日無人理, 好嘢好嘢! 咁要 backup 嚟做乜呢? Well, 唔想比人跣, 最好就事事親力親為, 尢其是响大公司做事. 所以一萬個唔願意都留响公司 OT 追返個進度, 準時十點 call 的士走人! 好彩返到屋企有老婆煮定飯, 條氣都即時順返啲!

第一批客人

今日接待咗第一批客人, 就係舉家專程由韓國同英國返嚟飲嘅”法比高”一家. 雖然好多地方都未執拾好, 但都仲免強可以招呼朋友嘅... XDD. 之後應要求帶佢地去大排檔食 lunch, 送埋佢地去坐車之後就會合 倉務主管 去買日用品. 由於聽日要開工, 唔想再四圍貢, 決定夜晚留响屋企玩煮飯仔. 今日終於搵返部 HiFi, 唔駛日日都只係聽收音機, 可以聽下其他歌仔喇!

外家日

原先計劃去 Disneyland, 最後改為先返女家探外母. 之後倆公婆自己過隔離村食晏行超級市場兼入貨. 再响悶熱嘅黃昏之下會合老婆一家大小, 一齊到薄扶林拜外父同嫲嫲. 夜晚就同老婆家人約咗教會朋友响”九龍塘會”食飯, 返到屋企放埋狗已經成點鐘.　

新生活開始

新生活嘅第一天就日上三杆先起身, 訓醒之後同 司機權 聯絡, 約定十二點出發還衫之旅. 先上酒樓攞返寄存嘅衫褲, 跟手飛車去齊油尖旺還衫, 再落深水埗排隊食”豬潤牛肉麵”. 之後過葵芳行陣街街就返老家食晚飯, 順便攞多啲衫褲鞋襪過新屋. 食完晚飯同甜品, 唔覺唔覺返到新屋已經成十二點!

JAL2 BIGDAY 大成功

籌備經年嘅婚禮大功告成，終於可以鬆一口氣。得到天時地利人和，再一次多謝各位兄弟姊妹嘅鼎力相助，合力做出一場 Good Show！由初時籌備嘅四十圍酒席發展成五十一圍，真係諗返都有少少似發夢。好難想像如果唔係有親朋好友唔得閒或者放飛機，需要開到五十幾圍呢? 全晚雖未至於腦袋一片空白，但係好多細節真係唔太清楚。仲記得見到好多人排隊等影相，果一刻有少少覺得自己似米老鼠。又記得七點幾兄弟嚟報數話只得五份二嘅賓客到咗，要遲啲開席...　點知轉頭八點左右就魚貫入場，一時間仲多人到要排隊等簽題名布。各兄弟姊妹即時開始招呼賓客、安排坐位、維持秩序，個個都忙到不可開交。之後好多唔同嘅親戚朋友都對呢班兄弟姊妹讚不絕口，今次真係絕對搵啱幫手，再一次多謝你地！今日繼續收到好多朋友電話，講返好多飲宴間嘅發生過嘅人和事同細節比我聽，亦都問咗好多問題。以下係最多人問嘅問題同答案:

1/ 你地無眼花，唐佳、雪妮 係有嚟飲，佢地係我父母多年嘅朋友。
2/ 即晚派相呢個小禮物係特別安排，係咪好過送鎖匙扣比你地先!
3/ 唱歌環節係即日決定，事前一次都無採排過，有無聽到打冷震?
4/ 我知有人錄咗，當然唔希望大家放上 youtube 啦，私人聚會嘛!
5/ 放相都介意架，所以唔好放啲 close up 相上 facebook 呀，唔該!

JAL2 BIGDAY

各位會出席我地婚宴嘅朋友, 由於圍數太多, 記得早啲嚟影相呀! 希望大家盡慶而歸, 今晚見!

向全世界說愛你 - 許志安

作詞: 張美賢　作曲: Junichi Inagaki

全世界也安靜　為了聽我宣佈
從前我最想找的已經遇到
全世界也感動　我真心我真意
同誠意送上祝福兩相偕老

有你便有最好　心因你自豪
同行共上路　有多驕傲
愛完全給你　亦同樣得到
動情原是極美的消耗

每一個羨慕　我都感覺到
向憂鬱苦惱寫句號　印於這路上
沒前後的腳步　心扣心
由長夜吻到清早

愛共你探討　火跟你製造
情全面傾倒　放膽表露
我從前雖也　像條害羞草
講 I LOVE U 沒半點吞吐

來陪你　引証此生愛可不老

抺櫃收床褥

收咗傢俬，係時候响新屋抺櫃打掃。今日另有重任就係等送床褥，要搬上三層樓唔嘢少架，自己邊攪得掂？

高氏一族 飯局

今晚輪到同專程一家大細由韓國返嚟嘅 高氏一族，以及五年無見嘅 糖果姐姐 一家晚飯。自從 高氏一族 離港發展之後，至少十年八年未試過三家人同枱食飯，今日真高興！

繼續派帖時間

再次係食晏派帖時間，今日係由客變朋友嘅 浩景陳永仁 及 保險球，認真難得！

派帖時間

食晏派帖時間到，今日係好耐無見嘅同學 愛麗斯 及 傳道魚，仲要話到收帖一刻先相信呢個係事實... 唔係掛？ XDDD

Nike 掃貨

今日同 司儀 及 龜屎 午餐兼派帖。夜晚就同 Ah E、闊少 到 Nike 掃貨，之後拉大隊去食"嬌妃齋"。

Loving You - 杜德偉

作詞: 林夕　作曲: 羅百吉　
編曲: George Leong

約定你　自愛情開始的那天
彼此看著　容顏的轉變
約定你　在你夢裡也要出現
只須掛念　隨時都可以　相見

Cause I'm Loving You
絕對清清楚楚　無人能夠改變
Cause I'm Loving You
就算海邊天邊　亦伴在你身邊

約定你　直到繁星不閃那天
呼吸與痴纏　仍能聽得見
約定你　就算是世界轉了嘴臉
多少變遷　亦抱著一起　不變

Yes I'm Loving You
就算好天陰天　仍難忘記這一天
Cause I'm Loving You
絕對不遮不掩　無人能夠欺騙

今天起不管經過幾萬年　每一天都叫戀愛天

教堂採排

今日收傢俬，送貨唔準時之餘，有部份傢俬又跟得唔足要遲啲再上嚟補鑊，有少少失望。最乞人憎係"今瘋"個師傅(老細)已經阻住我趕去教堂採排，仲夠膽死攁貼士，最後要我發火先知死返歸。交低間屋比 老豆，自己仆倒趕去教堂，好彩仲可以採排到一次！沿途仲要不斷提醒自己笑、笑、笑，辦喜事要開開心心嘛，right？

肥肥飯局

今日响新屋打掃, 夜晚約咗肥肥飯局。雖然張喜帖係佢地負責印，但係都要正正式式咁送比佢地嘅！

兄弟姊妹飯局

進入最後階段，係時候發帖比各兄弟姊妹，順便大家正式同各位拍檔見過面，聯誼一下。

玩具人飯局

係時候努力發帖，今晚目標係一眾玩具人。

Home Dinner

親密愛人 - 梅艷芳

作詞、作曲：小蟲　編曲：王治平

今夜還吹著風　想起你好溫柔
有你的日子　份外的輕鬆
也不是無影蹤　只是想你太濃
怎麼會無時無刻把你夢

愛的路上有你　我並不寂寞
你對我那麼的好　這次真的不同
也許我應該好好把你擁有
就像你一直為我守候

親愛的人　親密的愛人
謝謝你這麼長的時間陪著我

親愛的人　親密的愛人
這是我一生中最興奮的時分

私房火鍋

約咗小學同學飲下午茶, 之後又係新居維修日. 夜晚興之所至, 即時買料到 奇異果 屋企玩私房火鍋. 圖中所見嘅食物係四人份量, 完場時成功KO咗八成, 都咪話唔勁!

過期生日飯

今晚係同 田田 補食生日飯, 遲咗成三個星期先慶祝, 都幾攪笑! 地點係佐敦"新斗記", 食物不過不失, 但係上菜速度慢. 乳豬仔味道真係唔錯, 其他就餸一般啫, 有少少雷聲過大.

ZERO

梅記同學飯局

今晚排到中學同學, 經過一輪網上搜查, 決定一試旺角嘅"天機棧". 起初聽個名仲以為係中菜, 實情係西餐廳. 食物同服務都比想像中好, 價錢合理, 甜品做得唔錯, "心太軟"最出色, 絕對可以再幫襯!

功夫熊貓 Kung Fu Panda

故事講述好食懶做的熊貓阿寶，一直醉心中國功夫，一次誤打誤撞竟然被認定為傳說中的武林高手「龍戰士」，奉命去對付剛逃獄的魔頭大豹！一代宗師施福大師因而要面對人生最大的挑戰──如何在迫切的時間內，將擁有一身豪華臀、麒麟臂、豬腩肉、唔睇得又唔打得的大熊貓，訓練成為名震江湖的功夫大師?!

一切很美只因有你 - 陳慧琳

填詞：周禮茂　作曲：雷頌德
編曲/監製：雷頌德

La...Ha...La...Ha...
La...Ha...La...Ha...

自我有著你　快活我太多
日日讓種種感覺　好好的擦過
教我更喜愛做我　夢裡有著你
我夢到結果　站著在欣賞觀眾
歡呼聲散播　我也更相信自我

能夠有你　縱有挫折不難過
仍舊衝刺我未怕跌墮
旁人問你是誰　你是誰
我說你是　心中找到的信心

星也閃過眼中　海也跟我相擁
所有感覺也美　當開始有你
一切因你發起　一切很美只因有你
What a wonderful life

風會吹暖我心　陽光會跟我親吻
所有所有感覺也美　多喜歡有你
一切因你發起　一切很美只因有你
La...Ha...La...Ha...
La...Ha...La...Ha...

我也更相信　能夠有你
縱有挫折不難過　仍舊衝刺我未怕跌墮
旁人問你是誰　你是誰
我說你是　心中找到的信心

星也閃過眼中　海也跟我相擁
所有所有感覺也美
當開始有你　一切因你發起
一切很美只因有你
What a wonderful life

風會吹暖我心　陽光會跟我親吻
所有所有感覺也美　多喜歡有你
一切因你發起　一切很美只因有你

Ha...星也閃過眼中　海也跟我相擁
所有所有感覺也美　當開始有你
一切因你發起　一切很美只因有你
What a wonderful life

風會吹暖我心　陽光會跟我親吻
所有所有感覺也美　多喜歡有你
一切因你發起　一切很美只因有你

La...Ha...La...Ha...
La...Ha...La...Ha...
La
La...Ha..

DLS 飯局

驟晴驟兩之下取消咗打波, 既然多咗幾粒鐘, 一於入新屋行個轉, 順便又可以探下 Zero. 夜晚同女友分頭行動, 佢約咗中學舊同學, 我就約咗 DLS 班波友仔飯局同派帖. 完場後時間尚早, join 返一齊再上埋潮特一轉, 攪掂!

TI-1128 Dinner

最近經常要諗地方飯局, 真係諗到頭都痕. 今晚就約咗 TI 班同學仔, 一行九人到太子"紅蔥頭".

半天假

出奇地上半晝繼續掛八號波, 都好, 賺到訓多三粒鐘先起身! 醒咗聽到就快落波就準備出門口, 不過一樣要排長龍, 等咗半個鐘頭小巴. 返到公司又要追返半日, 開行 turbo 一直做做做, 連肚餓都唔記得, 最後一個麵包頂到八點幾! XDDD~

忽然八號風球

今晚又要麻煩 動物園長 車 Zero 到寵物醫院打最後一支預防針, 咁過多兩個星期就可以比呢隻古感狗出花園玩喇! 香港天文台一向都唔太可靠, 先前明明話最高三號波, 最後夜晚咪又係變咗八號波. 响公司埋頭苦幹中嘅我完全唔知道, 直至十一點收到女友電話, 即時熄機走人!

Love Like Magic - 張國榮

作詞：陶謙　作曲：Chage　
編曲：周國儀/陳愛珍

當你在我鼻頭親一下　　　
好像電波不停放大
我故意弄亂你的髮　　　　
你笑得像燦爛的花

Love like magic
Drive me crazy　
讓我陷的無法自拔
Love like magic
Make me happy　
常常讓人變得瘋狂

每一次擁抱的火花　　　　
幾乎可以把世界全部融化
你問我明天會怎樣　　　　
我說就隨它吧
愛了就不計任何代價　　　
現在感覺最重要吧

有時後想要靜一下　　　　
你像孩子哭得不像話
哭完了躺在我懷中　　　　
睡得像個娃娃

快熟司儀

今日打完波約咗兩位司儀食 tea, 雖然係初次見面但兩位好快就熟落, 厲害厲害! 既然咁啱咀形, 大日子當日就麻煩晒你地喇!

傢俬攪掂

今日同 麥牧 食完 lunch, 就過咗觀塘 confirm 埋傢俬嘅 design, 咁新屋就準備得八八九九喇!

餘震未了

地震持續, 做咗十五年嘅 花花 今日 lastday. 雖然只係幾年同事, 不過佢對我都算唔錯, 所以一定要同佢 farewell 啦! 計一計, 啲老臣子走完一個又一個, 而家真係所剩無幾喇, 唔知幾時輪到下一個?!

梅媽敗訴

雖然今日 梅姐 再次成為各大報章嘅封面人物, 但係完全唔值得高興, 因為又係關於沒完沒了嘅爭產案! 梅媽 敗訴又如何, 好肯定佢同個仔唔會就此罷手, 一於敗晒啲錢, 大家一拍兩散! 佢兩母子可以為咗錢, 一而再再而三咁敗壞自己女兒嘅名聲, 明顯地唔值得可憐! 一把年紀又衣食無憂, 好地地過埋果廿年唔好咩?

風流警長溝警花...

朝早睇到呢單新聞都不以為然, 無乜興趣詳細閱讀, 事後先知道原來係一個細時已經識既 uncle. 其實都唔係好想話識佢, 一來幾年先見到一次, 二來咁既人渣行為真係不敢恭維囉. 無記錯的話佢已經唔至得一個老婆, 幾十歲人仔大女大, 攪攪震不突止, 仲屈現任老婆有精神病, 等佢比人捉咗入青山... 怕且呢類人渣一日唔死都會繼續遺害人間!

每一個明天 - 陳奕迅

填詞：林振強　作曲：柳重言　
編曲：柳重言/Anthony chu

結伴創將來　多麼的美
你的路　我的途　再也不分己與彼
有浪有風來　不捨不棄　每一明天也贈你

未懂占卦　也不懂命理
卻可先知我們　同步註定了不起
若我不普通　變得堅毅無忌
幕後有一個最大原因：因為你

每望向將來　都找到你
我所夢　我所期　全部喝彩因你起
你是我將來　不捨不棄　我的明天創自你

沒仰天觀星　看星宿日記
無問獅子雙魚　前面有沒有驚喜
一早知　幾多風吹與飛
活著也很快樂　自尋到你

天佑我的愛人　給她永遠笑聲　並常對她偏愛
天佑我的愛人　有她不再覺得生命無奈　敢愛

未懂占卦　也不懂命理
卻可先知我們　同步註定了不起
(若)我不普通　變得堅毅無忌
並沒秘方這是純因你

天佑我的愛人　這日　明天　一世　把她寵愛
天佑我的愛人　有她不再覺得生命無奈　敢愛*

你是我將來　不捨不棄
每一明天愛著你

Wedding Card is ready...

今日打完波上咗 闊少 屋企攪埋張婚咭嘅手尾，終於都攪得八八九九可以鬆一口氣。咁幫得手當然要慰勞下佢啦，齊齊去大排檔任佢叫又點話！

父親節晚飯

玩到反轉

因為未打晒預防針，平時無人响屋企都會放 Zero 入籠，所以一放出嚟就無時停。狗仔同所有小朋友一樣都好爛玩，佢最鍾意就係比人"猜"勻全身，跟住笑騎騎反晒身典吓典吓，see!

非一般的過大禮

大日子愈來愈近... 明明今日覺得準備好八八九九，聽日又會突然發覺有嘢未準備好?! 今日係過大禮嘅日子，應女家要求一切從簡，雖然已經非常簡化，但係都玩咗成半日。唔該晒兩位兄弟成朝傍住我！

同事火鍋

四海同心慈善SHOW

5月12日 在四川發生的大地震，釀成死傷無數，災民痛失家園，「芳心薈 MUI Nation」為延續梅艷芳小姐樂善好施的精神，將聯同「沙田聯校學生會」協助「沙田蘇浙公學」舉辦名為「四海同心慈善SHOW」的綜合晚會，為受害同胞籌募善款，讓他們早日重建家園，重拾原來的生活。是次活動將會首次舉行一場中學生時裝表演，除時裝表演外，我們更誠邀演藝界朋友參與及演出這次極具意義的活動。

日期 : 2008年6月28日(星期六)
受惠慈善團體 : 聯合國兒童基金會
構網址 : www.unicef.org.hk

親愛的 - 關淑怡

作詞：簡寧　作曲：Dick Lee　
編曲：唐奕聰

閉上你雙眼
誰人的影子帶夢幻在氾濫
讓我思想失控欠缺了空間
佔領我的心間

愛上你雙眼
柔然的光采叫月亮亦暗淡
略帶一點憂怨看透我的心
跌進你這雙臂彎

親愛的　讓浪漫去衝破一切平淡
現在熱愛感覺漸瀰漫
浪漫地去擁吻燒燙這一晚
趕走那心中冰冷

Listen 2 me girl
You're all I need
I'm scratchy steve
I'm not a sex a creep
You're a lovely lady N Ah
Hope you'll understand
All I wanna to is 2 b
Your ever lovin man
Always be together
Till death do us apart
This love is gonna last cause
Its livin in mah heart
The reason that I'm living
Is 4 the love of U
U'r everythin ah look 4
You're everythin I do

親愛的　讓浪漫去衝破一切平淡
現在熱愛感覺漸瀰漫
浪漫地去擁吻燒燙這一晚
趕走那心中冰冷

卡斯柏王子

訓醒無耐就收到女友電話, 臨時趕過尖東食 lunch buffet, 原來又有親戚外國返咗嚟. 之後路過公司, 順便上去 check 下批相嘅顏色. 執相過程都好順利, 突然好想睇戲, 最後睇咗《魔幻王國：卡斯柏王子》, 因為睇咗第一集. CG 無疑做得唔錯, 但故事就麻麻地, 成兩個幾鐘都睇到幾攰!

飯後糖水

難得嘅陽光普照, 當然要打返場波啦! 夜晚又係應酬未來親戚嘅時間, 深水埗晚飯. 比較特別嘅係, 散場之後, 等緊車時竟然比人 call 返轉頭食糖水... 咁都得？

觀塘訂傢俬

下晝陪 董事夫婦 飲完茶, 就過咗觀塘訂傢俬, 順便約埋時間上門複呎. 之後路過睇中咗啲紅酒, 店員話下次可以開比我地試... ok, 下次即管試下! 夜晚過九龍城同女友嘅親戚晚飯, 因為 表哥 响外國返咗嚟.

大減價?

睇廣告知道"歐化"大減價, 決定收工過去睇睇, 點知狂風暴雨下幾乎要告吹. 約埋 Ah E 三人冒著橫風橫雨過到去, 前後行咗半粒鐘... 無錯, 有部份傢俬真係好靚, 不過折咗都要成十幾萬! 哈哈~等我人工跳多幾級先再睇過啦下!

午夜車仔檔

你知我知 - 譚詠麟

填詞:林振強　作曲: Gessle　編曲: Donaldashley

眼中的意思　腦海火熨構思
敲出野性拍子　你雖不發一言
我雖不發一言　你知我知
你心中句子　我心中句子
沖擊我倆四肢　這天終結之前
有幾多遍痴纏　你知我知
你知我知（天知地亦知）
你知我知（你我早已知）

若是問我可否將所想的封鎖
就像問我絲巾可否包一堆火
其情形NA NA NA NA NA
大家都知

你今天到此　我今天到此　不須再說句子
有幾多片激流　拍擊呼叫心頭　你知我知
再不可制止　也不可禁止　身心那串措施
這天可會瘋狂　世間可有天堂　你知我知
你知我知（天知地亦知）
你知我知（你我早已知）

若是問我可否將所想的封鎖
就像問我絲巾可否包一堆火
其情形NA NA NA NA NA
大家都知（不講也知）　

若是問你能否躲一躲
就像問你絲巾可否包一堆火
其情形NA NA NA NA NA.....

大編輯 生日快樂

唔係生日都唔理你呀, 不過大家最近都好忙, 呢餐生日飯有拖無欠啦! XDD~

貓狗三兄弟

我找到了 - 何韻詩

作詞: 黃偉文　作曲: 謝杰
編曲: Edward Chan/Charles Lee

猶如在鬧市中覓尋　車位
猶如在密閉的地牢　暗中摸索電掣
明明互相錯過　但在我最灰心時候
抬望眼就找到了

我揹負著寂寥　鞋底走穿不算少
眼看大路行盡　絕處偏偏碰見吊橋

連同昨天所失的　一起找到了
即使晚了　卻也遇上了
這一個是我的　碰上即刻知道　不必揭曉
連最想得到的　我都找到了
穿梭人潮　引誘幾多　不再動搖
從未像這樣確定　一伸手抱你　已經抱到最實了
(無謂恨昨日每段苦戀　得到愛太少)

猶如在綠野間覓尋　仙蹤
猶如在大雪中覓尋　救傷隊那位置
迷途後想放棄　但在我最灰心時候
抬望眼就找到了

飛鷹基地成功遷移

忙足一日, 飛鷹基地終於成功遷移, 可以鬆一口氣! 當初擔心新地方唔夠大, 搬到去放唔落就大件事; 又擔心天氣唔穩定, 因為全日都有雷暴警告; 飛鷹隊員又唔齊章, 有隊員人不在港、有隊員有心無力、有個仲臨時甩底變咗飛機隊員... 好彩仲有 維修權&奇異果 幫足全程, 又要做埋司機, 真係麻煩晒!

四川地震賑災義賣 關淑怡 簽名相片

關淑怡 x Fans x Milk X
脤災義賣親筆簽名 12R 相片

大家好，四川八級大地震已經過咗一段時間，災民除咗失去財產、家園之外，甚至失去至親、至愛。 一幕幕令人震驚、惋惜同悲痛既畫面，就算身處千里之外既你同我都會明白到咩叫水深火熱。
雖然好多嘢失去左就冇辦法彌補，但災後重建、醫療、生活、改善環境等等，都極需要各方支持同援助，使到災民能夠盡快解決生活基本所需，亦令佢地感受到人間有情。
我地未必可以親身去幫助佢地，但就可以透過捐款，不論多少，每一分每一亳都代表左我地既心意同關懷。 今次得到Shirley的支持，準備左十張專為今次籌款既親筆簽名12R相片拍賣，所有善款都會捐畀香港紅十字會用作賑濟四川災民之用，希望各FANS可以踴躍參加，多謝！

請立刻行動，出價競投支持:
Click Here!
四川地震賑災義賣參考網址:
http://hk.info.auctions.yahoo.com/charity/sichuan/index.html
(拍賣日期: 香港時間即日至6月10日晚上11時正)

ZERO go home!

等咗咁耐, ZERO 終於可以返屋企喇! ZERO 好似知道自己即將開始新生活, 全程都好興奮笑咪咪唔願坐, 又乖乖聽話唔亂吠. 返到屋企兩狗相遇, 情況雖然比想像中好, 不過 當奴 好似有少少吃醋, 要比啲時間同心機等佢地適應先得. 特別嗚謝 動物園長 全晚專車接送!

把你寵壞 - 杜德偉

作詞: 姚謙　作曲: Yang Chang Ik　

把愛的細胞都打開　
大腦中充滿著　蠢蠢欲動的期待
不是我　想把你寵壞　
實在是你厲害　讓我捨不得離開
我預感　你是為我而來　不容一秒發呆
若是錯過你　一百年都感慨
所謂感情路　冤家路窄　現在都明白

從今後　看著你好　看著你壞　
我都捧在懷中　全部都愛
看著現在　看著未來　
我都想讓你在我縱容裡被愛

把愛的細胞都打開　
大腦中充滿著　蠢蠢欲動的期待
所謂感情路　冤家路窄　現在都明白

從今後　看著你好　看著你壞　
我都捧在懷中　全部都愛
看著現在　看著未來　
我都想讓你在我縱容裡被愛

曾為了自己　一直都　隨感覺　面對愛　
不勉強不刻意來對待　而你讓我　改變了心態　
有一種真相大白　一發難收拾　想去愛

RAP:
My life has been such a crazy little thing
Ever since I met you girl I've never been the same
Wanna hold you from winter to fall
and make sweet love to you anywhere at all
Promise I'll be there when you're down and out
I'll take you on a cruise around about
That's first time I've ever been in love
With you I swear no one else is good enough

清潔維修日

今日無去打波, 因為約咗鐘點阿姐到新屋清潔. 維修權 就幫手換燈換鎖, 順便跟下啲電線插頭... 等等. 午飯時間揸車到粉嶺"群記"食豬手牛丸麵, 食飽飽就去買零件, 集齊晒就正式開功. 夜晚當然要慰勞下大家, 先揸車到大尾督食泰國菜, 再到大埔食多個糖水先散場.

ZERO III

新居未入伙已經收到好多禮物, 今日上晝就收到張全新訂做嘅梳化. 可惜貨到後樓梯唔夠闊, 司機要拖馬改下晝再嚟, 由二樓露台搬入屋. 夜晚完咗 LCC 就過寵物醫院探 ZERO, 順便問下幾時可以帶佢走?! 約咗好耐無見嘅 插畫倫 食晚飯, 大家傾到成十一二點都唔捨得走.

承諾 - 演藝人協會

四川賑災主題曲　原曲: 海闊天空
作曲: 黃家駒　作詞: 劉德華

多少人　多少幸福被搶奪(jacky cheung)
多少生活在一瞬間被埋沒(karen mok)
一切變沉默(andy hui)
淚光在眼眶閃爍(andy hui + hocc)
塵埃沾滿了失落 的輪廓(hocc + shirley kwan)
(情願是我)(wong ka keung)
不必說(joey yung)
你們背後還有我(joey yung + hacken lee)
未來就是崎嶇也會陪你過(hacken lee)
一個你(eric tsang) 一個我(gigi leung)
扛起不需要脆弱(gigi leung)
前面越走一定會 越寬闊(miriam yeung)
(你還有我)(fama + kin, keung @ the wynners)
* 誰都會有恐懼面對黑暗的角落(andy lau)
為了你我再苦也不躲oh no~(wong ka keung)
我要你重獲 原來的生活(kenny bee + maria codero)
認定了這一輩子的承諾(justin)
不必說(alan tam + kenny bee)
你們背後還有我(kenny bee)
未來就是崎嶇也會陪你過(pakho chau + wilfred lau +louis cheung + pong nam + ying cheong yau)
一個你(at17)
一個我(ivana wong + charmine fong)
扛起不需要脆弱 (joyce cheng + tse ting ting)
前面越走一定會 越寬闊(khalil fong)
* 誰都會有恐懼面對黑暗的角落 (eliza chan)
為了你我再苦也不躲(edmond leung + william so)
oh~no...(eliza chan)
我要你重獲(teddy robin)
原來的生活(teddy robin + eason chan)
原來的生活(adlib by justin)
認定了這一輩子的承諾(anthony wong)
** 縱然山搖地破 也要安然渡過 有你有我 **(eason chan + alan tam + kenny bee)
* 誰都會有恐懼面對黑暗的角落(lam yee sun)
we are the world(george lam)
為了你我再苦也不躲(lam yee sun)
we are the world(george lam)
我要你重獲 原來的生活(law ka ying)
認定了這一輩子的承諾(liza wang)
我要你重獲 (andy lau) 原來的生活(alan tam)
認定了這一輩子的承諾(andy lau + alan tam)
vega acappella.........
* 誰都會有恐懼面對黑暗的角落(teddy robin + lam man chung)
為了你我再苦也不躲(girl group#1)
我要你重獲 原來的生活(girl group#2)
認定了這一輩子的承諾(group)
* 誰都會有恐懼面對黑暗的角落(group)
為了你我再苦也不躲(group)
我要你重獲 原來的生活(group)
認定了這一輩子的承諾(alan tam, kenny bee + kin @ the wynners)
* 誰都會有恐懼面對黑暗的角落(group) with khalil fong adlib
為了你我再苦也不躲(group)
我要你重獲 原來的生活(group)
認定了這一輩子的承諾(group)
我要你重獲(alan tam) 原來的生活(kenny bee)
認定了這一輩子的承諾(alan tam + kenny bee)

Anita 欣賞會 - 賑災活動

梅艷芳國際歌迷會 為響應賑災行動，將會舉行一個"Anita 欣賞會"，歡迎各界朋友參加。所有收益將不扣除開支全數以"梅艷芳國際歌迷會"名義，撥捐到有關慈善機構作賑災用途。

日期：2008年6月1日(星期日)
時間：晚上7時至9時
地點：香港藝術中心 Agnes b 電影院

售票日期：2008年5月24日(星期六)
售票時間：下午3時至6時
售票地點：香港北角電氣道148號10樓1003室

查詢電話:25562695/電郵:amifc1985@yahoo.com.hk

MSN「彩虹行動」送暖到汶川

自「彩虹行動」發起以來，此行動得到極大回響。MSN HK 現號召全港超過 200 萬香港 MSN 用戶，齊心響應「彩虹行動」！每一個香港 MSN 用戶掛上彩虹簽名，MSN HK 將捐出 $0.1，支持「香港紅十字會」的中國地震賑災行動，請各 MSN 用戶盡力轉告更多朋友，香港「彩虹行動」至5月31日止。

加入「彩虹行動」的方法十分簡單。
Step 1. 拉下你的名字，並點選「選項」。
Step 2. 在「顯示名稱」一欄上輸入「(r)支援汶川」。
詳細請按 HERE

帶我去跳舞 - 關淑怡

作曲/編曲: 郭靜　填詞: 黃偉文

帶我去跳舞　不走世人都愛走的路
帶我去跳舞　相識至狂戀
最高速度　可以幾高

華麗宇宙　共你飛渡
天際閃爍的航道
一轉身已經變得太荒蕪

人間百萬年　一生不過小半天
等不到歌曲都奏完
時日會磨蝕掛牽　年月會耗損信念
趕快跟我共舞一段

人間百萬年　只得一次驚世戀
經得那光陰的試煉
隨著那旋律轉圈　來用腳尖繪個圓
圈裡火鳥漫舞不斷

帶我去跳舞　打開愛情的快速公路
帶我去跳舞　冰點至燃燒
最低溫度　需要幾高


Unexpected Live 2008

文化中心遞表

一早起身去文化中心辦手續, 遞完表宣埋誓攪掂! 十一點幾係時候食返個 bunch, 路過一個後巷茶水檔幾得意, 女友就提議一試. 之後上公司...星期六都返工 OT? 一半一半啦, 一來有手尾跟, 二來屋企部 R2D2 無 photoshop, 可以順便用公司部機執相嘛. 攪下攪下都幾粒鐘, 決定閃人返新屋度下尺寸, 方便訂傢俬.

女友同學聚會

今晚女友約咗班舊同學晚飯, 因為我覺得全女班唔方便多個男仔, 所以送佢到餐廳之後, 我決定返公司繼續搏殺, 等佢地可以暢所欲言! 有個同學送咗幾套配襯用嘅手飾比佢呀, 另一個又留咗啲禮物比佢, 真係多謝晒!

ZERO II

愛回家 - 古巨基

作詞: 林夕　作曲: 李迪文　
編曲: Ted Lo

勤力過　捱罵過　如做錯
誰又會原諒我　懷念家中被窩
想去躲　這麼吃力　求甚麼

投入過　麻木過
磨練過　沉悶過　疲累過
其實我進取麼
時間從未敢蹉跎
賺到幾多
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家　來互抱

唯獨你　明白我
成就過　誰若說　容易過
曾受了氣幾多
能聽我解釋因何在這被窩
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被舖上望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好　來互抱

母親節 - 後篇

今日比人放飛機, 得返三個人打波... 不過人少少又打得幾開心喎! 換完衫走人時路經間酒吧, 見啲下午荼好似幾吸引, 即管一試. 價錢唔貴, 但係 味道一般得果靚字. 所以女友到步之後, 我都係建議佢食最穩陣嘅拉麵就算. 夜晚過咗麗晶同未來外母, 女友姑媽等等慶祝母親節. 有自家製馬蹄糕, 雞翼同腐竹糖水, 再加外賣薄餅餐... 勁飽呀!

母親節 - 前篇

今日提早慶祝母親節, 仲一次過同三位母親一齊飲茶. 既然約齊人, 當然順便帶埋 二少 一家參觀新屋啦. 入到新屋睇過環境, 大家都好似幾鍾意喎, 咁就 very good 喇! 卓言仔 第一次咁近同狗狗玩, 又要驚又要摸 當奴, 好攪笑. 當奴 又好乖全程無吠過, 不過佢好熱情咁續個"孔"都已經嚇親好多人~ XDDD. 跟住 董事長 同 二少 先走, 我就留响新屋度尺寸方便訂傢俬. 之後陪 董事長夫人 食埋晚飯先送佢去坐車.

ZERO

例遲

收工過咗寵物醫院探 ZERO, 同佢玩咗半粒鐘走. 之後約咗 大編輯 dinner, 一如已往咁例遲, 遲早一次唔等佢自己閃先!

Citisuper 半小時

一日拖一日, 終於拖到張 Citisuper HK$150 coupon 到期, 放工唯有捉埋 闊少 去睇吓可以買啲乜? 行咗個圈, 想買嘅野一係要補好多錢, 一係就濕濕碎碎十包八包... 最後買咗一大堆原裝日韓公仔麵, 杯麵同小食, 放定响公司都好! 夜晚過咗佐敦睇紅酒, 路過見間餐廳都 okay, 順便食埋晚飯.

My Doggie

米線

闊少駕到

估唔到展展轉轉, 闊少 同我又再次做同事. 雖然大家唔同部門, 但已經第三次同一間公司, 都咪話唔邪!

當找到你 - 李克勤

作/編曲: 楊雲驃　詞: 林振強　

我想所有下雨天　我可這樣凝望你
我想跟你明日昨天　一起吻晨曦
我心一向沒變遷　我不當是遊戲
世間爭先要新鮮　我只要你

難數清愛你幾多　只知每日更多
而你是燃亮這生的歌　
靈魂再沒還欠甚麼　當找到你
如若話別日子不知怎過　

我想於世上每天　你准我在旁伴你
我想跟你同行互牽　一起笑和悲

這雙肩膞為你堅　有風有浪仍護你
世間爭先要新鮮　我只要你　

我想一起過陰天雨天和晴天

基地遷移

飛鷹基地 又到咗定期秘密遷移嘅時候, 襯星期日唔駛打波當然要上去執下貨.

薑汁撞奶芝麻糊

今日打完波, 約咗間花店睇辨. 夜晚同女友一班舊朋友响荃灣食飯, 難得全女班又唔介意試地茂菜館, 就過咗舊好景戲院後面半大排檔. 原本已經食到飽飽, 但有人提議食甜品時一呼百應, 女人果然食時甜品係有兩個胃!

領養 ZERO

今晚 動物園長 專程車 傻狗當奴 去寵物醫院探 ZERO, 麻煩晒! 測試過後兩狗相處融洽, 所以即時扑鎚, 同寵物醫院申請領養. 之後四人兩狗揸車出旺角, 搵埋 教練阿倫 一齊, 到一間街邊有枱嘅茶餐廳開飯, 可以叫 當奴 同 米奇 坐响枱旁邊, fit 晒!

傢俬倉一遊

難得 weekday 有假放, 今日過咗觀塘睇傢俬同梳化. 一個二個傢俬倉都成幾千呎大, 但其實都係大同少異, 來來去去都係果十款八款, 啱心水嘅唔多. 去到尾聲一間上樓舖, 終於見到有幾個吸引啲嘅款, 坐低傾咗幾句都 okay, 睇下遲啲有無機會幫襯啦!

Happy Hour

話說上次 farewell 車神 時主角堅持請客, 但係我地又一早夾咗舊錢喎, 揸錢人為免夜長夢多自己駛埋啲錢, 決定今日原班人馬食晏用咗佢. 期間有人口痕話要 happy hour, 在座人仕見聽日放假又好耐無試過齊齊 drink, 成交! 之前個個都話坐一陣就走, 坐女友到步之後, 咪又係有一半人一齊去食埋晚飯先散~ XDDD

過路蟹

話說 肥蟹 有事要上大陸, 路過約我食晝聚一聚. 唔覺唔覺佢失業已經有三個月, 份份新工都只聞樓梯响. 又有朋友(香港?大陸?)叫佢齊齊攪生意. 不過經驗所得多數都係無米粥, 如果每份都話貼少少錢試吓先, 加埋個數就好甘, 記得要諗清諗楚呀! 唔好話我長氣, 正正經經搵返份工先啦, 唔係好快會乾塘.

至少還有你 - 林憶蓮

作詞: 林夕　編曲: 劉志遠
作曲: Davy Chan

我怕來不及　我要抱著你
直到感覺你的皺紋　有了歲月的痕跡
直到肯定你是真的　直到失去力氣
為了你　我願意

動也不能動　也要看著你
直到感覺你的髮線　有了白雪的痕跡
直到視線變得模糊　直到不能呼吸
讓我們　形影不離

如果　全世界我也可以放棄
至少還有你　值得我去珍惜
而你在這裡　就是生命的奇蹟
也許　全世界我也可以忘記
就是不願意　失去你的消息
你掌心的痣　我總記得在那裡

我怕來不及　我要抱著你
直到感覺你的髮線　有了白雪的痕跡
直到視線變得模糊　直到不能呼吸
讓我們 形影不離

我們好不容易　我們身不由己
我怕時間太快　不夠將你看仔細
我怕時間太慢　日夜擔心失去你
恨不得一夜之間白頭　永不分離

如果　全世界我也可以放棄
至少還有你　值得我去珍惜
而你在這裡　就是生命的奇蹟
也許　全世界我也可以忘記
就是不願意　失去你的消息
你掌心的痣　我總記得在那裡　在那裡

素食晚餐

下晝女友收到舊老細 嘉露 電話, 原先只係問候吓近況, 最後傾到唔停得口, 約埋食晚飯. 一向約開油尖旺, 但兩位都已經轉咗去觀塘方向, 決定改戰九龍灣. 途經淘大發現多咗好多新食店, 見到間裝修似食泰國菜, 但其實賣素食快餐嘅幾得意, 就呢度啦. 款式都幾多, 我地叫咗"素叉燒豆腐飯", "素咖哩牛腩飯"同"素肉醬意粉", 味道又唔錯喎. 原本想試埋啲甜品同 cake 架, 不過我食咗圖中嘅三份二之後已經放唔落其他...

緣來自有方

打完波食完 tea 就同女友去睇傢俬, 參考吓人地啲設計之餘, 兼可以知道吓大約個價錢. 之後過金魚街行個轉, 無意中响寵物醫院見到個待領告示. 由於女友想收養返隻唐狗睇門口, 剛好又係四隻小唐狗, 即時要求見面啦 四隻未足月嘅小狗都好可愛, 相處十五分鐘之後, 其中一隻"仔仔"已經成為我地嘅目標, 立刻留低電話等安排. 是日晚餐於"山東麵"專門店, 今次試"蜜汁雞脾麵"同"東菇麵".

新屋半日遊

今日 董事長 放假, 一於帶佢地去睇下新屋啦! 飲完茶, 一行四人加隻傻狗向新屋出發. 到步後先睇下個花園, 再睇下個廳同啲房, 又睇埋露台同厠所, 之後上埋天台左度度右度度, 咁唔覺唔覺就玩咗粒幾鐘. 參觀完畢, 見佢地上上落落有啲攰, 搵間冰室陪佢地食返個 tea 休息下. 夜晚出咗去 LCC, 完咗之後同 雲舜夫婦 食晚飯, 聚舊之餘順便傾下張咭可以點整.

Unexpected Shirley Kwan in Concert Review

總括兩晚演出, 名副其實一個充滿"Unexpected"嘅演唱會...

- 一出場已經進入作戰狀態, 聲音演繹出神入化!
- 音樂主題部份, 講饑餓、講貧窮、講污染、講戰亂、講和平、講愛!
- 多聲道演唱, 梵文、日文、中文、英文、西班牙文...
- 全場直落到尾零嘉賓(之前幾驚會有啲驚嚇嘉賓...)
- 第一晚興之所至, 竟然衝上十幾行觀眾座位又唱又跳
- 兩場氣氛天壤之別, 第二晚開場不久即全場勁 high!
- 唱出"春光乍洩"主題曲"Cuccuruccu Paloma"
(有幾多人知戲份刪剪前, 原本係由 SK 主唱?)
- 唱出當年出征東洋時嘅日文歌"My Dear Friend"
- 再一次展現 SK 令歌曲重生嘅功力, 翻唱"明知故犯"
- 第一晚開場前五個鐘, 免費由經濟客位(35行) upgrade 到頭等倉(13行)
- 第二晚修改 rundown 後, 竟然唱咗"當世界無玫瑰"同"再會"
- 離台十丈嘅我竟然握咗兩次手, 仲左右手各一次
- 多次忘記歌詞, 個別歌曲尤其嚴重, 必死歌首選"午夜狂奔"!
- 今次無唱我同 SK 之間嘅私家歌"地老天荒"
- 最後都係無緣聽 live 版嘅"他需要你,她需要你"同"告別戀曲"
- 唔知邊個 fans 嘅鬼主意, 掉花上舞台... (I don't like it!)