午夜車仔檔

你知我知 - 譚詠麟

填詞:林振強　作曲: Gessle　編曲: Donaldashley

眼中的意思　腦海火熨構思
敲出野性拍子　你雖不發一言
我雖不發一言　你知我知
你心中句子　我心中句子
沖擊我倆四肢　這天終結之前
有幾多遍痴纏　你知我知
你知我知（天知地亦知）
你知我知（你我早已知）

若是問我可否將所想的封鎖
就像問我絲巾可否包一堆火
其情形NA NA NA NA NA
大家都知

你今天到此　我今天到此　不須再說句子
有幾多片激流　拍擊呼叫心頭　你知我知
再不可制止　也不可禁止　身心那串措施
這天可會瘋狂　世間可有天堂　你知我知
你知我知（天知地亦知）
你知我知（你我早已知）

若是問我可否將所想的封鎖
就像問我絲巾可否包一堆火
其情形NA NA NA NA NA
大家都知（不講也知）　

若是問你能否躲一躲
就像問你絲巾可否包一堆火
其情形NA NA NA NA NA.....

大編輯 生日快樂

唔係生日都唔理你呀, 不過大家最近都好忙, 呢餐生日飯有拖無欠啦! XDD~

貓狗三兄弟

我找到了 - 何韻詩

作詞: 黃偉文　作曲: 謝杰
編曲: Edward Chan/Charles Lee

猶如在鬧市中覓尋　車位
猶如在密閉的地牢　暗中摸索電掣
明明互相錯過　但在我最灰心時候
抬望眼就找到了

我揹負著寂寥　鞋底走穿不算少
眼看大路行盡　絕處偏偏碰見吊橋

連同昨天所失的　一起找到了
即使晚了　卻也遇上了
這一個是我的　碰上即刻知道　不必揭曉
連最想得到的　我都找到了
穿梭人潮　引誘幾多　不再動搖
從未像這樣確定　一伸手抱你　已經抱到最實了
(無謂恨昨日每段苦戀　得到愛太少)

猶如在綠野間覓尋　仙蹤
猶如在大雪中覓尋　救傷隊那位置
迷途後想放棄　但在我最灰心時候
抬望眼就找到了

飛鷹基地成功遷移

忙足一日, 飛鷹基地終於成功遷移, 可以鬆一口氣! 當初擔心新地方唔夠大, 搬到去放唔落就大件事; 又擔心天氣唔穩定, 因為全日都有雷暴警告; 飛鷹隊員又唔齊章, 有隊員人不在港、有隊員有心無力、有個仲臨時甩底變咗飛機隊員... 好彩仲有 維修權&奇異果 幫足全程, 又要做埋司機, 真係麻煩晒!

四川地震賑災義賣 關淑怡 簽名相片

關淑怡 x Fans x Milk X
脤災義賣親筆簽名 12R 相片

大家好，四川八級大地震已經過咗一段時間，災民除咗失去財產、家園之外，甚至失去至親、至愛。 一幕幕令人震驚、惋惜同悲痛既畫面，就算身處千里之外既你同我都會明白到咩叫水深火熱。
雖然好多嘢失去左就冇辦法彌補，但災後重建、醫療、生活、改善環境等等，都極需要各方支持同援助，使到災民能夠盡快解決生活基本所需，亦令佢地感受到人間有情。
我地未必可以親身去幫助佢地，但就可以透過捐款，不論多少，每一分每一亳都代表左我地既心意同關懷。 今次得到Shirley的支持，準備左十張專為今次籌款既親筆簽名12R相片拍賣，所有善款都會捐畀香港紅十字會用作賑濟四川災民之用，希望各FANS可以踴躍參加，多謝！

請立刻行動，出價競投支持:
Click Here!
四川地震賑災義賣參考網址:
http://hk.info.auctions.yahoo.com/charity/sichuan/index.html
(拍賣日期: 香港時間即日至6月10日晚上11時正)

ZERO go home!

等咗咁耐, ZERO 終於可以返屋企喇! ZERO 好似知道自己即將開始新生活, 全程都好興奮笑咪咪唔願坐, 又乖乖聽話唔亂吠. 返到屋企兩狗相遇, 情況雖然比想像中好, 不過 當奴 好似有少少吃醋, 要比啲時間同心機等佢地適應先得. 特別嗚謝 動物園長 全晚專車接送!

把你寵壞 - 杜德偉

作詞: 姚謙　作曲: Yang Chang Ik　

把愛的細胞都打開　
大腦中充滿著　蠢蠢欲動的期待
不是我　想把你寵壞　
實在是你厲害　讓我捨不得離開
我預感　你是為我而來　不容一秒發呆
若是錯過你　一百年都感慨
所謂感情路　冤家路窄　現在都明白

從今後　看著你好　看著你壞　
我都捧在懷中　全部都愛
看著現在　看著未來　
我都想讓你在我縱容裡被愛

把愛的細胞都打開　
大腦中充滿著　蠢蠢欲動的期待
所謂感情路　冤家路窄　現在都明白

從今後　看著你好　看著你壞　
我都捧在懷中　全部都愛
看著現在　看著未來　
我都想讓你在我縱容裡被愛

曾為了自己　一直都　隨感覺　面對愛　
不勉強不刻意來對待　而你讓我　改變了心態　
有一種真相大白　一發難收拾　想去愛

RAP:
My life has been such a crazy little thing
Ever since I met you girl I've never been the same
Wanna hold you from winter to fall
and make sweet love to you anywhere at all
Promise I'll be there when you're down and out
I'll take you on a cruise around about
That's first time I've ever been in love
With you I swear no one else is good enough

清潔維修日

今日無去打波, 因為約咗鐘點阿姐到新屋清潔. 維修權 就幫手換燈換鎖, 順便跟下啲電線插頭... 等等. 午飯時間揸車到粉嶺"群記"食豬手牛丸麵, 食飽飽就去買零件, 集齊晒就正式開功. 夜晚當然要慰勞下大家, 先揸車到大尾督食泰國菜, 再到大埔食多個糖水先散場.

ZERO III

新居未入伙已經收到好多禮物, 今日上晝就收到張全新訂做嘅梳化. 可惜貨到後樓梯唔夠闊, 司機要拖馬改下晝再嚟, 由二樓露台搬入屋. 夜晚完咗 LCC 就過寵物醫院探 ZERO, 順便問下幾時可以帶佢走?! 約咗好耐無見嘅 插畫倫 食晚飯, 大家傾到成十一二點都唔捨得走.

承諾 - 演藝人協會

四川賑災主題曲　原曲: 海闊天空
作曲: 黃家駒　作詞: 劉德華

多少人　多少幸福被搶奪(jacky cheung)
多少生活在一瞬間被埋沒(karen mok)
一切變沉默(andy hui)
淚光在眼眶閃爍(andy hui + hocc)
塵埃沾滿了失落 的輪廓(hocc + shirley kwan)
(情願是我)(wong ka keung)
不必說(joey yung)
你們背後還有我(joey yung + hacken lee)
未來就是崎嶇也會陪你過(hacken lee)
一個你(eric tsang) 一個我(gigi leung)
扛起不需要脆弱(gigi leung)
前面越走一定會 越寬闊(miriam yeung)
(你還有我)(fama + kin, keung @ the wynners)
* 誰都會有恐懼面對黑暗的角落(andy lau)
為了你我再苦也不躲oh no~(wong ka keung)
我要你重獲 原來的生活(kenny bee + maria codero)
認定了這一輩子的承諾(justin)
不必說(alan tam + kenny bee)
你們背後還有我(kenny bee)
未來就是崎嶇也會陪你過(pakho chau + wilfred lau +louis cheung + pong nam + ying cheong yau)
一個你(at17)
一個我(ivana wong + charmine fong)
扛起不需要脆弱 (joyce cheng + tse ting ting)
前面越走一定會 越寬闊(khalil fong)
* 誰都會有恐懼面對黑暗的角落 (eliza chan)
為了你我再苦也不躲(edmond leung + william so)
oh~no...(eliza chan)
我要你重獲(teddy robin)
原來的生活(teddy robin + eason chan)
原來的生活(adlib by justin)
認定了這一輩子的承諾(anthony wong)
** 縱然山搖地破 也要安然渡過 有你有我 **(eason chan + alan tam + kenny bee)
* 誰都會有恐懼面對黑暗的角落(lam yee sun)
we are the world(george lam)
為了你我再苦也不躲(lam yee sun)
we are the world(george lam)
我要你重獲 原來的生活(law ka ying)
認定了這一輩子的承諾(liza wang)
我要你重獲 (andy lau) 原來的生活(alan tam)
認定了這一輩子的承諾(andy lau + alan tam)
vega acappella.........
* 誰都會有恐懼面對黑暗的角落(teddy robin + lam man chung)
為了你我再苦也不躲(girl group#1)
我要你重獲 原來的生活(girl group#2)
認定了這一輩子的承諾(group)
* 誰都會有恐懼面對黑暗的角落(group)
為了你我再苦也不躲(group)
我要你重獲 原來的生活(group)
認定了這一輩子的承諾(alan tam, kenny bee + kin @ the wynners)
* 誰都會有恐懼面對黑暗的角落(group) with khalil fong adlib
為了你我再苦也不躲(group)
我要你重獲 原來的生活(group)
認定了這一輩子的承諾(group)
我要你重獲(alan tam) 原來的生活(kenny bee)
認定了這一輩子的承諾(alan tam + kenny bee)

Anita 欣賞會 - 賑災活動

梅艷芳國際歌迷會 為響應賑災行動，將會舉行一個"Anita 欣賞會"，歡迎各界朋友參加。所有收益將不扣除開支全數以"梅艷芳國際歌迷會"名義，撥捐到有關慈善機構作賑災用途。

日期：2008年6月1日(星期日)
時間：晚上7時至9時
地點：香港藝術中心 Agnes b 電影院

售票日期：2008年5月24日(星期六)
售票時間：下午3時至6時
售票地點：香港北角電氣道148號10樓1003室

查詢電話:25562695/電郵:amifc1985@yahoo.com.hk

MSN「彩虹行動」送暖到汶川

自「彩虹行動」發起以來，此行動得到極大回響。MSN HK 現號召全港超過 200 萬香港 MSN 用戶，齊心響應「彩虹行動」！每一個香港 MSN 用戶掛上彩虹簽名，MSN HK 將捐出 $0.1，支持「香港紅十字會」的中國地震賑災行動，請各 MSN 用戶盡力轉告更多朋友，香港「彩虹行動」至5月31日止。

加入「彩虹行動」的方法十分簡單。
Step 1. 拉下你的名字，並點選「選項」。
Step 2. 在「顯示名稱」一欄上輸入「(r)支援汶川」。
詳細請按 HERE

帶我去跳舞 - 關淑怡

作曲/編曲: 郭靜　填詞: 黃偉文

帶我去跳舞　不走世人都愛走的路
帶我去跳舞　相識至狂戀
最高速度　可以幾高

華麗宇宙　共你飛渡
天際閃爍的航道
一轉身已經變得太荒蕪

人間百萬年　一生不過小半天
等不到歌曲都奏完
時日會磨蝕掛牽　年月會耗損信念
趕快跟我共舞一段

人間百萬年　只得一次驚世戀
經得那光陰的試煉
隨著那旋律轉圈　來用腳尖繪個圓
圈裡火鳥漫舞不斷

帶我去跳舞　打開愛情的快速公路
帶我去跳舞　冰點至燃燒
最低溫度　需要幾高


Unexpected Live 2008

文化中心遞表

一早起身去文化中心辦手續, 遞完表宣埋誓攪掂! 十一點幾係時候食返個 bunch, 路過一個後巷茶水檔幾得意, 女友就提議一試. 之後上公司...星期六都返工 OT? 一半一半啦, 一來有手尾跟, 二來屋企部 R2D2 無 photoshop, 可以順便用公司部機執相嘛. 攪下攪下都幾粒鐘, 決定閃人返新屋度下尺寸, 方便訂傢俬.

女友同學聚會

今晚女友約咗班舊同學晚飯, 因為我覺得全女班唔方便多個男仔, 所以送佢到餐廳之後, 我決定返公司繼續搏殺, 等佢地可以暢所欲言! 有個同學送咗幾套配襯用嘅手飾比佢呀, 另一個又留咗啲禮物比佢, 真係多謝晒!

ZERO II

愛回家 - 古巨基

作詞: 林夕　作曲: 李迪文　
編曲: Ted Lo

勤力過　捱罵過　如做錯
誰又會原諒我　懷念家中被窩
想去躲　這麼吃力　求甚麼

投入過　麻木過
磨練過　沉悶過　疲累過
其實我進取麼
時間從未敢蹉跎
賺到幾多
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家　來互抱

唯獨你　明白我
成就過　誰若說　容易過
曾受了氣幾多
能聽我解釋因何在這被窩
賺到的只是你
能被你溫柔無微的照顧
被你那麼在乎
平日有你縱壞已忘記辛苦

活著有你多好
多麼渺小都變寶
躺在平靜被舖上漫談來日旅途
回到家中便有你多好
一碗暖湯的鼓舞
沾濕我眼睛
有人祈求我歸家

自問已經得到
得到你比一切好
躺在平靜被舖上望浮雲在過路
回到家中便有你多好
張開兩臂的鼓舞
沾濕我眼睛
眼前繁華有幾好　來互抱

母親節 - 後篇

今日比人放飛機, 得返三個人打波... 不過人少少又打得幾開心喎! 換完衫走人時路經間酒吧, 見啲下午荼好似幾吸引, 即管一試. 價錢唔貴, 但係 味道一般得果靚字. 所以女友到步之後, 我都係建議佢食最穩陣嘅拉麵就算. 夜晚過咗麗晶同未來外母, 女友姑媽等等慶祝母親節. 有自家製馬蹄糕, 雞翼同腐竹糖水, 再加外賣薄餅餐... 勁飽呀!

母親節 - 前篇

今日提早慶祝母親節, 仲一次過同三位母親一齊飲茶. 既然約齊人, 當然順便帶埋 二少 一家參觀新屋啦. 入到新屋睇過環境, 大家都好似幾鍾意喎, 咁就 very good 喇! 卓言仔 第一次咁近同狗狗玩, 又要驚又要摸 當奴, 好攪笑. 當奴 又好乖全程無吠過, 不過佢好熱情咁續個"孔"都已經嚇親好多人~ XDDD. 跟住 董事長 同 二少 先走, 我就留响新屋度尺寸方便訂傢俬. 之後陪 董事長夫人 食埋晚飯先送佢去坐車.

ZERO

例遲

收工過咗寵物醫院探 ZERO, 同佢玩咗半粒鐘走. 之後約咗 大編輯 dinner, 一如已往咁例遲, 遲早一次唔等佢自己閃先!

Citisuper 半小時

一日拖一日, 終於拖到張 Citisuper HK$150 coupon 到期, 放工唯有捉埋 闊少 去睇吓可以買啲乜? 行咗個圈, 想買嘅野一係要補好多錢, 一係就濕濕碎碎十包八包... 最後買咗一大堆原裝日韓公仔麵, 杯麵同小食, 放定响公司都好! 夜晚過咗佐敦睇紅酒, 路過見間餐廳都 okay, 順便食埋晚飯.

My Doggie

米線

闊少駕到

估唔到展展轉轉, 闊少 同我又再次做同事. 雖然大家唔同部門, 但已經第三次同一間公司, 都咪話唔邪!

當找到你 - 李克勤

作/編曲: 楊雲驃　詞: 林振強　

我想所有下雨天　我可這樣凝望你
我想跟你明日昨天　一起吻晨曦
我心一向沒變遷　我不當是遊戲
世間爭先要新鮮　我只要你

難數清愛你幾多　只知每日更多
而你是燃亮這生的歌　
靈魂再沒還欠甚麼　當找到你
如若話別日子不知怎過　

我想於世上每天　你准我在旁伴你
我想跟你同行互牽　一起笑和悲

這雙肩膞為你堅　有風有浪仍護你
世間爭先要新鮮　我只要你　

我想一起過陰天雨天和晴天

基地遷移

飛鷹基地 又到咗定期秘密遷移嘅時候, 襯星期日唔駛打波當然要上去執下貨.

薑汁撞奶芝麻糊

今日打完波, 約咗間花店睇辨. 夜晚同女友一班舊朋友响荃灣食飯, 難得全女班又唔介意試地茂菜館, 就過咗舊好景戲院後面半大排檔. 原本已經食到飽飽, 但有人提議食甜品時一呼百應, 女人果然食時甜品係有兩個胃!

領養 ZERO

今晚 動物園長 專程車 傻狗當奴 去寵物醫院探 ZERO, 麻煩晒! 測試過後兩狗相處融洽, 所以即時扑鎚, 同寵物醫院申請領養. 之後四人兩狗揸車出旺角, 搵埋 教練阿倫 一齊, 到一間街邊有枱嘅茶餐廳開飯, 可以叫 當奴 同 米奇 坐响枱旁邊, fit 晒!

傢俬倉一遊

難得 weekday 有假放, 今日過咗觀塘睇傢俬同梳化. 一個二個傢俬倉都成幾千呎大, 但其實都係大同少異, 來來去去都係果十款八款, 啱心水嘅唔多. 去到尾聲一間上樓舖, 終於見到有幾個吸引啲嘅款, 坐低傾咗幾句都 okay, 睇下遲啲有無機會幫襯啦!

Happy Hour

話說上次 farewell 車神 時主角堅持請客, 但係我地又一早夾咗舊錢喎, 揸錢人為免夜長夢多自己駛埋啲錢, 決定今日原班人馬食晏用咗佢. 期間有人口痕話要 happy hour, 在座人仕見聽日放假又好耐無試過齊齊 drink, 成交! 之前個個都話坐一陣就走, 坐女友到步之後, 咪又係有一半人一齊去食埋晚飯先散~ XDDD

過路蟹

話說 肥蟹 有事要上大陸, 路過約我食晝聚一聚. 唔覺唔覺佢失業已經有三個月, 份份新工都只聞樓梯响. 又有朋友(香港?大陸?)叫佢齊齊攪生意. 不過經驗所得多數都係無米粥, 如果每份都話貼少少錢試吓先, 加埋個數就好甘, 記得要諗清諗楚呀! 唔好話我長氣, 正正經經搵返份工先啦, 唔係好快會乾塘.

至少還有你 - 林憶蓮

作詞: 林夕　編曲: 劉志遠
作曲: Davy Chan

我怕來不及　我要抱著你
直到感覺你的皺紋　有了歲月的痕跡
直到肯定你是真的　直到失去力氣
為了你　我願意

動也不能動　也要看著你
直到感覺你的髮線　有了白雪的痕跡
直到視線變得模糊　直到不能呼吸
讓我們　形影不離

如果　全世界我也可以放棄
至少還有你　值得我去珍惜
而你在這裡　就是生命的奇蹟
也許　全世界我也可以忘記
就是不願意　失去你的消息
你掌心的痣　我總記得在那裡

我怕來不及　我要抱著你
直到感覺你的髮線　有了白雪的痕跡
直到視線變得模糊　直到不能呼吸
讓我們 形影不離

我們好不容易　我們身不由己
我怕時間太快　不夠將你看仔細
我怕時間太慢　日夜擔心失去你
恨不得一夜之間白頭　永不分離

如果　全世界我也可以放棄
至少還有你　值得我去珍惜
而你在這裡　就是生命的奇蹟
也許　全世界我也可以忘記
就是不願意　失去你的消息
你掌心的痣　我總記得在那裡　在那裡

素食晚餐

下晝女友收到舊老細 嘉露 電話, 原先只係問候吓近況, 最後傾到唔停得口, 約埋食晚飯. 一向約開油尖旺, 但兩位都已經轉咗去觀塘方向, 決定改戰九龍灣. 途經淘大發現多咗好多新食店, 見到間裝修似食泰國菜, 但其實賣素食快餐嘅幾得意, 就呢度啦. 款式都幾多, 我地叫咗"素叉燒豆腐飯", "素咖哩牛腩飯"同"素肉醬意粉", 味道又唔錯喎. 原本想試埋啲甜品同 cake 架, 不過我食咗圖中嘅三份二之後已經放唔落其他...

緣來自有方

打完波食完 tea 就同女友去睇傢俬, 參考吓人地啲設計之餘, 兼可以知道吓大約個價錢. 之後過金魚街行個轉, 無意中响寵物醫院見到個待領告示. 由於女友想收養返隻唐狗睇門口, 剛好又係四隻小唐狗, 即時要求見面啦 四隻未足月嘅小狗都好可愛, 相處十五分鐘之後, 其中一隻"仔仔"已經成為我地嘅目標, 立刻留低電話等安排. 是日晚餐於"山東麵"專門店, 今次試"蜜汁雞脾麵"同"東菇麵".

新屋半日遊

今日 董事長 放假, 一於帶佢地去睇下新屋啦! 飲完茶, 一行四人加隻傻狗向新屋出發. 到步後先睇下個花園, 再睇下個廳同啲房, 又睇埋露台同厠所, 之後上埋天台左度度右度度, 咁唔覺唔覺就玩咗粒幾鐘. 參觀完畢, 見佢地上上落落有啲攰, 搵間冰室陪佢地食返個 tea 休息下. 夜晚出咗去 LCC, 完咗之後同 雲舜夫婦 食晚飯, 聚舊之餘順便傾下張咭可以點整.

Unexpected Shirley Kwan in Concert Review

總括兩晚演出, 名副其實一個充滿"Unexpected"嘅演唱會...

- 一出場已經進入作戰狀態, 聲音演繹出神入化!
- 音樂主題部份, 講饑餓、講貧窮、講污染、講戰亂、講和平、講愛!
- 多聲道演唱, 梵文、日文、中文、英文、西班牙文...
- 全場直落到尾零嘉賓(之前幾驚會有啲驚嚇嘉賓...)
- 第一晚興之所至, 竟然衝上十幾行觀眾座位又唱又跳
- 兩場氣氛天壤之別, 第二晚開場不久即全場勁 high!
- 唱出"春光乍洩"主題曲"Cuccuruccu Paloma"
(有幾多人知戲份刪剪前, 原本係由 SK 主唱?)
- 唱出當年出征東洋時嘅日文歌"My Dear Friend"
- 再一次展現 SK 令歌曲重生嘅功力, 翻唱"明知故犯"
- 第一晚開場前五個鐘, 免費由經濟客位(35行) upgrade 到頭等倉(13行)
- 第二晚修改 rundown 後, 竟然唱咗"當世界無玫瑰"同"再會"
- 離台十丈嘅我竟然握咗兩次手, 仲左右手各一次
- 多次忘記歌詞, 個別歌曲尤其嚴重, 必死歌首選"午夜狂奔"!
- 今次無唱我同 SK 之間嘅私家歌"地老天荒"
- 最後都係無緣聽 live 版嘅"他需要你,她需要你"同"告別戀曲"
- 唔知邊個 fans 嘅鬼主意, 掉花上舞台... (I don't like it!)

Unexpected Shirley Kwan in Concert Photos

Unexpected Shirley Kwan in Concert Express

未來新居

倉務總管 放假搵我食晏, 果然係"大個仔, 有錢駛!", 又嚟同我玩爭比錢. Okay, 既然我等錢駛, 讓比你請喇! 知道夜晚有樓睇, 已經開足馬力希望儘早收工, 可惜都差不多要成八點先走得.... 頂! 趕到去餐廳會合女友同未來外母, 三爬兩撥鯨吞碟飯之後, 一齊向新屋出發!

3/8 - 謝安琪

填詞：黃偉文　作曲/編曲/監製：周博賢

一朝驚醒已在目前　怎麼走了這麼遠
屆指一算突然發現　很多好戲已上演
離原本想的有些遠　好比揀選歌舞的路線
但拍了一齣打鬥片

由這裡　行過去　行過去　下一區
誠實地　無懼地　隨遇地　行過去
彈指間　第幾關　原來都走到這裡
別說出發以後習慣失去　鮮花開過掌心裡

把握青春最後十年　珍惜中午的光線
很多支票未曾兌現　只因長大了看穿
成名得獎一概不算　不可更改的最佳路線
何謂幸福秒秒在變

由這裡　行過去　行過去　下一區
誠實地　無懼地　隨遇地　行過去
彈指間　第幾關　原來都走到這裡
但我高興繼續漫遊於這裡　寫好這刻這一句

掌握青春經歷老死中間不免有唏噓
今天這一家用至少不只可以談空虛

行過去　行過去　行過去　下一區
華麗地　懷舊地　前衛地　行過去
路彎彎　共深山　由無知走到這裡
但我高興繼續漫遊多幾歲

由這裡　行過去　行過去　下一區
成熟地　緩慢地　回味地　行過去
彈指間　又一關　誰要劃時代創舉
只想懂得慶賀目前　不早不晚的一歲
平常心境中探取　沿路的風裡

卓言仔 生日快樂！

伯伯同未來伯娘祝你 快高長大, 繼續 精精靈靈, 鬼鬼馬馬!

闊少工作室

天有不測之風雲, 尋日仲橫風橫雨, 今日就陽光普照!? 打完波食完 tea 就上咗 闊少 間私人工作室攪埋張咭個 design, 前前後後幾粒鐘, 仲要阻住世伯開飯, 真係打攪晒!

三號風球

如題, 未就係無端端打風囉!

Shirt Return

先前去試衫時個老闆順便幫我改埋件恤衫, 今日收到電話已經有得攞返. 夜晚落咗去一轉, 順便响附近行行, 睇下有無其他嘢遺漏未攪都好!

街坊粥店

近期已經少咗OT, 但通常都係女友比我早收工, 所以都係佢等我收工多. 夜晚拍拖路過官涌見到間舊式粥店, 身痕痕又試下. 雖然味道一般, 但價錢平, 幫襯嘅都係街坊街里, 眼見個個有講有笑, 都幾溫情架!

Unexpected Shirley Kwan in Concert 08

仲有十日... Unexpected!

春夏秋冬 - 張國榮

填詞: 林夕　作曲: 葉良俊　
編曲: Adrian Chan　

秋天該很好　你若尚在場　
秋風即使帶涼　亦漂亮　
深秋中的你填密我夢想
就像落葉飛　輕敲我窗　

冬天該很好　你若尚在場　
冬天多灰　我們亦放亮
一起坐坐談談來日動向　
漠視外間低溫　這樣唱　

能同途偶遇在這星球上　
燃亮飄渺人生　我多麼夠運
無人如你逗留我思潮上
從沒再疑問　這個世界好得很

暑天該很好　你若尚在場　
火一般的太陽在臉上
燒得肌膚如情　痕極又癢　
滴著汗的一雙　笑著唱　

能同途偶遇在這星球上
是某種緣份　我多麼慶幸　
如離別　你亦長處心靈上　寧願有遺憾　
亦願和你遠亦近(獨自重溫當天吻)

春天該很好　你若尚在場　
春風仿佛愛情在蘊醞　
初春中的你　撩動我幻想　
就像嫩綠草使春雨香

彩色饅頭

今日女友要帶 小狗當奴 去睇獸醫, 無出旺角做 gym, 所以我打完波食完 tea 就入咗荃灣等佢. 等候期間响街市附近四圍行, 無見中發現一間新嘅饅頭專門店. 見到啲七彩饅頭, 貪得意買咗個"士多啤梨"同"芋頭"味比女友試下, 味道好似一個有西餅味嘅麵包. 另加一支自製"豆漿", 唔太甜味道唔錯, 下次路過要試埋個"綠茶"同"朱古力"味先得!

大家樂晚餐

潮濕天

天氣開始轉, 又焗又潮濕. R2D2 適應唔切, 又開始間斷失靈喇!

妹記大排檔

韻律泳 - 何韻詩

作曲: Edmond Tsang　作詞: 黃偉文
編曲: 何秉舜　監製: 青山大樂隊．hocc @goomusic

若你　下去　讓我　亦跳下去
冷水　暖水　無一點畏懼
至少　最終　曾出生也入死　都一對
我要用兩個身體　編一種韻律　給世界讚許
動態　靜態　絕對　合拍　為愛得悲觀者表演創舉

同一刻　飛上天　同一刻　跌下水
誰可以　做情侶　動作不一致又一對
要是你沒法起飛　我亦會爭取
留在這泳池裡　陪著你鴛鴦戲水

同一刻　舉了手 　同一刻 　踼著腿
泥沼裡　暴潮裡　仍共你形影不分一對
眼裡有彼此　韻律也不需
憑一個默契　陪著你　舞翩翩跳下去

若你　慢了　讓我　學你　慢了
挺胸　轉身　同出一格調
和你　能夠　成雙破綻也都　不緊要
要配合你再辛苦　辛苦比快樂都算太渺小
在訓練裡讓我學會　為對方的偏差值得折腰

同一刻　飛上天　同一刻　跌下水
誰可以　做情侶　動作不一致又一對
要是你沒法起飛　我亦會爭取
留在這泳池裡　陪著你鴛鴦戲水

同一刻　舉了手　同一刻　踼著腿
泥沼裡　暴潮裡　仍共你形影不分一對
眼裡有彼此　韻律也不需
憑一個默契　陪著你　舞翩翩跳下去

浮下去　沉下去　游下去　潛下去　再優雅踼腿
然後你　沉著氣　抬著我　連續四翻身插水
同一刻　飛上天　同一刻　跌下水
誰可以做情侶　動作不一致又一對
要是你沒法起飛　我亦會爭取
留在這泳池裡　陪著你鴛鴦再戲水

如芙蓉出水那般舉了手　還一起　踼著腿
泥沼裡　暴潮裡　仍共你形影不分一對
太快了肯等　太慢了肯追
才可以絕配　成伴侶　一世同舞跳下去
難得我和你　磨合裡　跳出真正樂趣

我家露台的黃昏

今日女友家族團拜(山), 所以打完波唔駛接佢去街街. 食完 tea 同 闊少 行咗一陣街就乖乖返屋企等食住家飯. 已經好少黃昏前返到屋企, 見過天幾靚, 手痕影咗幾張相.

8A K-FUN

今晚約咗 8A 班舊同事聚舊, 一行六人唱 K 兼食 K buffet. 半年一聚, 大家唱吓歌食吓野睇吓相, 開開心心又幾粒鐘! 完場前知道未來 李太 趕船中, 匆匆到步後轉戰到涼茶舖, 邊食龜齡膏邊傾計, 坐多半粒鐘正式散場, 擇日重賽.

砂煲砂煲

同美國嘅 counterpart 合作咗兩年，藉著到香港 office 開會，終於有機會嚟個私人聚會，當然要好好食返餐。約定六點半酒店大堂會合，連同女友一行四人向山林道出發，目的地係到"砂煲"歎正宗日式火鍋。由於一早訂咗位，所以有間 VIP 房坐 TATAMI，唔駛坐卡位。美國同事識少少廣東話，所以成晚又中又英傾得好開心，唔覺唔覺就食到十點幾! 今晚叫咗兩個套餐，分別係包晒前菜、魚生、烏冬、生果嘅"北海道鱈場蟹腳鍋"同"牛肉豆腐鍋"。另加一個"鮮八爪魚"小食同一小鍋"辣酒煮花螺"，清晒木盤之後其實已經飽飽。但係一提到甜品，三位女仕雙眼即時發光，散場前都要到厚福街嚟多 round 甜品。又食又傾，最後食到個個要走去趕尾班車返屋企! XDDD~

清明時節...

天規 - 關淑怡

填詞：林夕　作曲：Johnny Yim．莊冬昕

不普通的都失蹤　普普通通天天相擁
暖了紀念被變凍　寂寞淚成就無用
行容易路肉未痛　迷魂奪命淚又兇
這定理何以命中　地球為誰在蠕動

天　我們太矮　
視力關係　錯認美麗
盲目地獻世　估不到太著迷　會落第

天　我們理虧
不懂自制　不相信
徒然地算計　純屬無謂
上得了天梯　破不了天規

總以為執著情份　會有獎品　
嘲笑著所謂緣份　遺憾當一種美感

OH-OH-OO-HO
OH-OH-OO-HO

天　我們太低　
聚別關係　努力捍衛
憑人類智慧　竟把吃過菩提　變後遺

天　我們脫軌
只因自細　都深信
虔誠地獻禮　愛得徹底
會找到一位　抱擁到枯萎

搞不懂的不必懂　想不通的不需想通
靠佔有慾去示勇　硬若石頭亦無用
誰嫌自在沒陣痛　誰求奇緣謂落空
以為際遇會受控　別忘地球為誰動

Earth Hour / 拯救地球一小時

數個亞太城市今天準備陷入黑暗，以響應由澳洲帶頭發動，一個提高各界對全球暖化認知的活動。這項活動旨在鼓勵政府、公司與家庭自動關掉非必要的電器電源一小時，藉由共同努力，說明只要人們少用一點能源，就可以產生減少溫室氣體的明顯效果。全球二十六個城市正式簽署參與今晚關燈一小時的活動，包括美國的芝加哥與亞特蘭大和愛爾蘭首都都柏林，但是另有數百個的城鎮與地方政府預料也會參與。

返屋企開餐

女友話好耐無上我屋企開飯, 擇日不如撞日, 即晚返屋企開餐啦! 臨時臨急, 董事長夫人 都無乜準備, 嗱嗱淋煲返個湯, 斬返啲燒味加料!

火炭大排檔

尋日係 車神 lastday, 不過主角想低調處理, 所以改為今晚小圈子活動. 先同女友到沙田行街街, 再逢村過村慢步過火炭站集合, 齊人後向工業區大排檔進發. 可能係週未關係, 成個場間間都好爆.

有個人 - 張學友

作詞: 陳少琪　作曲: Eric Kwok
編曲: 黃艾倫/李浩倫/杜自持

上個世紀　像已籌備
然後這生分享趣味
換了角色　換了場地
都等待你
若要說出　甚麼是你
談話思想都可細味
明瞭內心　如同自己
寫我人生　精彩傳記

同行共創造時勢運氣　相識一天算起
我敢擔起各樣危機　有背後人是你
同行共領會人世道理　假使一天不再飛
到公園中散步年紀　有結伴人是你

若到某天　尚可合照
頭上多稀疏都美妙
肥胖或者　眉毛漸少
一切外表　都不重要

同行共創造時勢運氣　相識一天算起
我即使生氣及無理　有慰問人是你
同行共領會人世道理　假使一天不再飛
有新相識我便提起　有個內人是你

同行共創造時勢運氣　相識一天算起
我敢擔起各樣危機　有背後人是你
同行共領會人世道理　假使一天不再飛
到公園中散步年紀　有老伴仍是你

免費晚餐

女友响新公司收到封利是, 成組人都有份但無人知發生乜事, 提早分紅? 經明查暗訪之後, 原來有個 vendor 新年後第一次上 office, 所以補返封利是. 打開有條"紅衫魚", 足夠今晚開餐, 又幾好喎!

復活假期 - 最終章

連續兩日搬搬抬抬都咪話唔攰, 死豬咁訓到成十一點先起身. 陪 董事長夫婦 飲完個下午茶, 之後返公司攞返少少私人嘢就同 老闆娘 去太子行街街. 夜晚捉咗 闊少 出嚟食飯, 吹下水兼齊齊傾下場地佈置嘅大綱, 話晒佢都係專業人仕嘛!

復活假期 - 第三章

再一次八點幾上到倉, 唔覺唔覺又執多兩箱貨. 老闆娘 到步之後叫咗部七座位, 連人帶貨再上戰場. 點知上半日戰況慘淡, 人流只得尋日五份一, 銷售情況更慘不忍睹! 無所事事最好吹下水, 左行行右企企, 識咗對新朋友 馬騮伉儷, 仲以友情價賣咗件絕版貨比 老闆娘, 多謝晒! 午飯過後開始有返啲起色, 跟住愈晏愈旺... 最後都有尋日收入嘅一半, 以今日嘅人流計, 都算有個交代. 總結兩日戰績理想, 最少 老闆娘 返到屋企埋數時一直笑笑口!

復活假期 - 第二章

一覺訓醒, 又到散貨嘅時候. 晨早八點半上倉打點一切, 原先約咗 炸彈人 九點, 最後等到九點九... 唔係睇在 炸彈仔 嘅奶粉錢份上, 早早鎖門走人! 到步後即刻擺好個陣, 老闆娘 亦做足準備等收錢. 場內有新產品預告, 見到即將面世嘅 柔王丸 真係有少少心動. 好啦! 如果市價低於 $300 就帶佢返新屋啦(確實定價約 $800, 即係唔會買囉~XDDD). 總計全日戰績唔錯, 去貨理想, 聽日到場前可以上倉補多箱.

復活假期 - 第一章

終於等到一連四日嘅復活假期, 第一個節目就係訓夠八粒鐘叉叉電. 訓醒覺約埋女友陪 董事長夫婦 飲返個午茶, 跟手就上倉開始玩倉庫番. 全神貫注玩足六粒鐘, 準備好十二箱精選貨品之後, 一放鬆心神就聽到個肚嘅打鼓聲... 即時飛的返屋企煮麵食, 食完沖個靚涼, 睇多一陣電視就覺覺豬, 抖足精神聽日搏殺!

天下第一流 - 張學友

作詞: 林夕　編曲: Aubrey Suwito
作曲: Chai Hyum Woo/Yoon Jong Sin　

青春不老　沒法辦到
但我知　當我一百歲也替你伴舞
身份高不高　這種感覺永遠買不到
無聊陪你數數腳趾　一隻兩隻也很好
一生之中　最多一秒對你不好　
Whatever u want

Whatever u want wherever u go
都可為你摘到花草　給你擁抱
請呼吸這戀愛味道
Whatever u want wherever u go
即使夜半做到清早　總會找到
一張天空海闊地圖

甚麼好　我能夠陪你　
危地馬拉愉快散步　(whatever u want)
多少珠寶　難及我完美地步　(讓世人知道)
簡單的加數　(whatever u want)
二位一體不會枯燥　
愛情令人看不到窮途末路　wherever u go

Whatever u want wherever u go
都可為你摘到花草　給你擁抱
(whenever u want oh....)　
請呼吸這戀愛味道
Whatever u want wherever u go
即使夜半做到清早　總會找到
(whatever u go oh....)　
一張天空海闊地圖

陪著你去到　冰火島　亦活在第一等荒島
我要你甚麼都得到　要你一切　感覺良好...
地闊天高　oh　感激雙手跟你　碰得到
Whatever u want wherever u go　
我知道　地闊天高　
oh　加起一生一世有多好　Whatever u want

(whatever u want wherever u go　
都可為你摘到花草　在我身邊　
oh....　總可呼吸戀愛味道
Whatever u want wherever u go　
天荒地老　夜半清早　待你好　待你好　
oh....　彷彿得到天國地圖
Whatever u go　找不到更好　
天荒地老　夜半清早　在你身邊　
oh....　總可呼吸戀愛味道
Whatever u go　找不到更好　
天荒地老　誰能似我　待你好　待你好)

星期二波局

都好耐無試過平日晚打波, 趁住有得早收, 係時候做多少少運動. 先約埋 闊少 開餐, 之後再同佢班朋友仔打咗兩粒鐘, 夠晒皮啦!

冬暖夏涼 - 李克勤

作詞: 黃偉文　作曲/編曲: 伍樂城

問我那感情線　它分開幾個岔
唯獨你這一條線　拋離各人吧
但你那感情線　那轉折複雜嗎
我只是某段時間過路嗎

但我早預備了火把　亦買好風扇
不打算再玩兩日就回家　若果要愛護你
猶如全日制學位這數年時間　我花

談情如若有獎　我該得到金獎
全年大考小考通過了　只要你頒獎
唯求付合理想我會挑戰逐級上
題材仍合四季　我冬暖夏涼
難道你可不愛上

若有我的熊抱　冬天該不太差
迴避到我的懷裡　等待雪溶吧
若有我當屏障　放暑假不用怕
無上裝　八月還會怕熱嗎

為你早預備了冬衣　亦買好水著
不打算散心兩日就回家　若果要照料你
猶如全日制值班　一世人陪你　好嗎

誰人男朋友比得上
哪裡有這種清福可以享
值得你鼓掌

談情如若有獎　我該得到金獎
嚴寒酷暑體溫的變化　請與我分享
情人如若你想　你會一世被供養
旁人忙著轉季　我冬暖夏涼
來讓你專心愛上

欣占記貨運公司

女友屋企要大裝修, 一早預咗七國咁亂. 但當佢一覺訓醒, 事前準備好要運上倉暫存嘅雜物多咗一倍, 佢個妹間房又完全未執過... 聽到都驚, 即時取消打波入去幫手啦! 執咗半日, 搵到好多佢小時候嘅習作, 要留要掉真係好難取捨! 執得七七八八嘅時候, 大編輯 忽然打個電話嚟問功課... Well, 即時比女友徵召幫手, 搬完過倉攪掂晒之後當然要請佢食返餐啦.

A&S Wedding Party

今晚參加咗 Alex & Shirley 嘅 wedding party, 不過佢地唔係 杜德偉 同 關淑怡. 主人家响尖咀訂咗 間 bar, 任飲任食三小時. 起初以為只係得花生同小食, 但事實上係有"Mini Burger", "Pizza", "Cazer Sandland", "燒牛肉", "燒雞翼", "炸洋蔥圈", "炸春卷"... 等等等. 另外啤酒, 烈酒, Cocktail 任飲... 去到尾段主人家意猶未盡, 先攞幾支特大墨西哥啤酒四圍同人"飲勝", 之後再攞多支大"Zake"同人地杯杯清添!

鼎泰豐

第一次食鼎泰豐係响台灣總店, 一行八人慕名幫襯, 糊里糊塗下被安排坐 VIP 房. 可能小籠包唔係我心頭好, 所以幾十蚊一個嘅"蟹粉小籠包"都只係覺得味道唔錯, 但絕對唔係一試難忘果種. 今日 lunch 有時間, 貪新鮮行過新港試下香港間新店. 我地要咗"酸辣湯", "雲吞麵", "排骨麵", 當然仲有"小籠包". 整體味道 okay, 但食物價錢偏貴, 平均每位都要七,八十蚊.

East SOHO dinner

今晚 怪獸 請食飯, 佢仲專程揸車載我地過去子 SOHO 食大餐, 菜式非常豐富, thank you!

新的一天

女友今日開始返新工喇, 一個二個都問我慣唔慣? 過多幾日就未知, 第一日真係無乜問題喎, 最多通多兩個電話! 況且放工都見架啦, 大家咪發傻啦! XDDD~

婆婆生日快樂

今日係女友婆婆生日, 夜晚响西九龍中心宴開兩席, 在此再次祝賀婆婆: 身體健康, 壽比南山!

太子街邊小食

又係每月一次到 LCC 嘅時候, 但原來今日有特別 function 取消咗聚會, 所以提早過旺角行街. 行到太子發現一個推車仔檔非常吸引, 檔仔小小但款式多多, 有炒栗子, 燴蕃薯, 鹽焗蛋...等等. 我同女友忍唔住買咗包鹽焗鵪鶉蛋企响旁邊食, 仲變相做埋人形宣傳版, 令檔口仔一時間有條小人龍添!

放工先開會

雖然 車神 已經辭職, 但係佢唔想留低比手尾下家跟, 所以反而多咗 OT. 臨放工竟然要開會, 仲要開到七點幾... 返到埋位做埋啲手尾都已經八點幾, 當然齊齊食埋晚飯先散啦!

闊少 生日快樂!

壽星仔今年想食"西", 一場兄弟一定滿足你要求嘅. 經 史狄女 提議, 就尖東 Outback 啦! 七點先上去放低件神秘禮物, 跟手同女友過百利行一陣街街再攞枱. 八點幾都未齊人, 所以就先 order 兩個頭盤當小食, 叫咗 Bloomin' Onion(洋蔥花球) & Ausie Chess Fries(芝士薯條), 再加四個 Walkabout soup(是日餐湯-洋蔥湯)跟兩條 homemade bread(甜麥飽), 同埋一個 Grilled Shrimp Caesar Salad(燒蝦凱撒沙律). 呢一 part 最好食係個飽, 沙律都 okay, 但係其他幾款都比較咸. 齊人之後 order 主菜, Rib & Chicken Combo(燒肋骨雞胸拚盤), Filet Steak(牛柳片), 之後再追加一個 Alaskan King Crad Legs(亞拉斯加帝王蟹腳). 呢 part 個蟹腳無得頂, 啖啖肉之餘帶少少海水鮮味, 正! 壓軸就係一個訂購時係兩磅, 但點睇都唔似得兩磅嘅生日蛋糕, 有成八個人分都一樣食到眼定定!

三月壽星們, 生日快樂!

今過月特別多朋友生日, 究竟十個月前係咩節日?
姨仔, 保險B, 皮雅, 炸彈人, 稅務主任, 契妹阿毛, 糖果T, 糖果H... 各位生日快樂!

宵夜時段

平日想約我七八點鐘食飯係有少少難度, 因為忙起上嚟好難就到時間. 所以一如已往, 大編輯 想見個面傾下計都要到宵夜時段先成事, 好彩佢本身都係一個忙人, 成日都好夜收工, 唔係等到傻呀!

專業咖喱皇

女友今朝一早要見工, 之後飛的士趕到公司附近同 史密夫 先生食晏... 無辦法, 難得佢嚟咗香港嘛. 之後女友就"扮"闊太, 到處行街 shopping 等我收工. 夜晚路過佐敦, 口痕想食辣, 就到咗"專業咖喱皇". 今次第二次幫襯, 叫咗"英國伸士咖喱牛腩"同"俄羅斯焗魚"

更衣室維修

今日臨上球場前收到通知, 話更衣室維修無地方沖涼換衫... 唔係掛?! 之前完全唔覺有告示喎, 康文署啲人點做嘢架... #@*&^!)(*!

小菜點心任點任食

無補貨一排, 又係時候上倉執吓貨影吓相. 執開就唔願停手, 唔覺唔覺就攪咗半日. 八點左右肚仔開始餓, 收拾殘局之後落荃灣開餐. 行過熊貓酒店見到個廣告牌, $78 任食小菜點心, 即管試下啦! 酒家仔格局, 小菜點心粉麵糖水都係任點, 食物款式都唔少. 份量會跟住人數而上菜, 所以可以試到多兩款之餘, 又唔怕會浪費, good!